Folklor Souvenirs, një start-up i ri që synon të promovojë trashëgiminë kulturore të Durrësit përmes suvenireve inovative, ka realizuar suvenirin e saj të parë duke zgjedhur qytetin e Durrësit për zbatimin e projektit të saj. Aktualisht, magnetet e Folklor Souvenirs shfaqin veshjen tradicionale të zonës së Ishmit, të prezantuar nga çifti Maria & Frani, të cilët simbolizojnë vlerat dhe traditat e Durrësit.
Këto suvenire unike gjenden në Hotel Adriatik Durrës dhe në dyqanin Marigo Souvenirs. Bashkia Durrës ka luajtur një rol të rëndësishëm në mbështetjen e këtij startup-i, duke e promovuar në evente të rëndësishme, si Klik Ekspo Group,Tirana International Fair, që zhvillohet në Pallatin e Kongreseve në Tiranë.
Lexo edhe: Përballja me sfidat e udhëheqjes: Çfarë e bën të qenit CEO të vështirë
Kryetarja e Bashkisë Durrës, Znj. Emiriana Sako, është një mbështetëse e fortë e startup-eve të reja turistike që dëshirojnë të zhvillojnë veprimtaritë e tyre në qytetin e Durrësit, duke kontribuar në rritjen dhe promovimin e ekonomisë lokale dhe traditave kulturore.
Që nga viti 2015 nxisim shpirtin sipërmarrës, inovacionin dhe rritjen personale duke ndikuar në zhvillimin e një mjedisi motivues dhe pozitiv tek lexuesit tanë. Kjo punë që e bëjmë me shumë dashuri nuk ka të paguar. Ne jemi platforma e vetme e cila promovon modelin pozitiv të sipërmarrjes së lirë. Përmes kësaj platforme mbështesim edukimin gjatë gjithë jetës si mjet për zhvillimin personal dhe profesional të brezave. Kontributi juaj do të na ndihmojë në vazhdimin e këtij misioni në gjithë trevat shqipfolëse.
Mund të kontribuoni KETU. Falemnderit.
