Ky artikull u shkrua nga Msc. Xhenisa Shehu, eksperte marketingu si dhe themeluese dhe drejtuese e Involve us Marketing( www.involveus.al) prej 8 vitesh. Xhenisa zhvillon për profesionistë dhe biznese të fushave të ndryshme trajnime për strategji marketingu, menaxhim brandi, komunikim & planifikim marketing, teknika shitjeje, marketing digjital i avancuar.
Krijimi i identitetit të kompanisë në treg përmes markës është një dukuri në rritje, sidomos në botën e marketingut digjital, me ritmet e shpejta të zhvillimit të tregut për të ndjekur trendet marketing dhe për të mbizotëruar konkurrencën.
Kam zgjedhur pikërisht këtë temë, pasi në vend ka mungesë të madhe të njohurive sa i përket trajtimit të markës apo krijimit të një identiteti. Sot, lufta më e madhe po zhvillohet ndërmjet kompanive të ndryshme, ku synimi i tyre kryesor është që të zënë një pozitë të mirë konkurruese dhe të kenë sa më shumë përfitueshmëri.
Por, sa është e vështirë që të krijosh një identitet të markës, në mënyrë që kompania juaj të përfaqësohet sa më mirë në tregun ku operon?
Një pjesë e mirë e bizneseve sot mendojnë se realizimi i disa postimeve në rrjetet sociale është komunikim i identitetit të markës. Pa pasur një panoramë më makro të mesazhit që duhet të përcillet më afatagjatë dhe si duhet të perceptohet identiteti i markës së biznesit nga tregu i synuar, nuk mund të kemi identitet marke. Vazhdoj të jem fanse e identitetit dhe përmbajtjes së markës, sepse pavarësisht ndryshimeve teknologjike, ai është themeli i një kompanie. Patjetër që është mjaft sfiduese, e ngërthyer me shumë mund dhe lodhje të trurit, por fillimisht duhet të krijohet në baza të unitetit dhe të shfaqet në mënyrë të veçantë.
Janë të rralla rastet kur ndonjëra kompani që operon në Shqiperi të ketë ngërthyer çdo element të markës në mënyrë aq të përsosur, saqë mezi vërehet dallimi me kompani që kanë reputacion botëror.
Krijimi i besueshmërisë së markës së një biznesi
Evoluimi i identitetit të markës pothuajse po ndryshon çdo ditë e më shumë, ndaj duhet të jemi të vëmendshëm ndaj secilës fazë të zhvillimit dhe secilit element që është pjesë përbërëse e markës në përgjithësi. Në këtë mënyrë edhe ne si treg, do futemi në pjesën e botës moderne, ku kompanitë cilësohen në rangun më të lartë të identitetit që në të vërtetë ato përfaqësojnë. Në këtë mënyrë duhet të krijohet edhe marka që ajo do të përfaqësojë.
Për të lexuar të plotë artikullin ju mund të abonoheni Këtu!
Artikull ekskluziv i Business Magazine Albania.
Ky artikull gëzon të drejtën e autorësisë sipas Ligjit Nr. 35/2016, “Për të drejtat e autorit dhe të drejtat e lidhura me to”.
Artikulli mund të ripublikohet nga mediat e tjera vetëm duke cituar “Business Magazine Albania” shoqëruar me linkun e artikullit origjinal
Që nga viti 2015 nxisim shpirtin sipërmarrës, inovacionin dhe rritjen personale duke ndikuar në zhvillimin e një mjedisi motivues dhe pozitiv tek lexuesit tanë. Mbështetja juaj na ndihmon ta vazhdojmë këtë mision.
Na Suporto
