Presidenti është lideri më i pëlqyer për shqiptarët.
Këto janë gjetjet e fundit të Barometrit për pëlqyeshmërinë e liderëve. Në këtë renditje kryeministri vjen menjëherë pas Presidentit me 47,8% të pëlqyeshmërisë. Më pas renditet Sali Berisha me 10 pikë diferencë. Edhe më poshtë renditet Lulëzim Basha me 21,9%, ndërsa kreun e Partisë së Lirisë, Ilir Meta, e pëlqejnë vetëm 10% e të pyeturve.
Edhe për mendimin negativ konfirmohet e njëjta qasje për liderët e politikës. Në krye qëndron Ilir Meta me 85,2% dhe më pas në renditje është Lulzim Basha me 73%, më tej Sali Berisha me 65,7%, Edi Rama me 49,4% dhe Presidenti me 27,2%.
Të krahasuara në kohë, matjet e Barometrit në Euronews Albania vërtetojnë se mendimi pozitiv i liderëve, pavarësisht shifrave, është rritur për të gjithë krahasuar me matjet e fundit të bëra në janar të këtij viti.
Rama është rritur në pëlqyeshmërinë tek qytetarët me 11%, Berisha me afërsisht 10%, Lulzim Basha me 14% dhe Ilir Meta me 6%.
Që nga viti 2015 nxisim shpirtin sipërmarrës, inovacionin dhe rritjen personale duke ndikuar në zhvillimin e një mjedisi motivues dhe pozitiv tek lexuesit tanë. Kjo punë që e bëjmë me shumë dashuri nuk ka të paguar. Ne jemi platforma e vetme e cila promovon modelin pozitiv të sipërmarrjes së lirë. Përmes kësaj platforme mbështesim edukimin gjatë gjithë jetës si mjet për zhvillimin personal dhe profesional të brezave. Kontributi juaj do të na ndihmojë në vazhdimin e këtij misioni në gjithë trevat shqipfolëse.
Mund të kontribuoni KETU. Falemnderit.
