Përcaktimi i projekteve apo punës që kërkon më shumë përkushtim dhe energji që nuk keni pse ta kurseni është edhe fillimi i gjithçkaje. Por, kur e dini se cilat janë detyrat që duhen përmbushur, nevojitet një lloj prioriteti. Provoni metodën 3-3-3 dhe do na falënderoni më vonë.
Çfarë është metoda 3-3-3?
Kjo teknikë vjen nga Oliver Burkeman, autor i librit “Four Thousand Weeks: Time Management for Mortals”. Ai mbron idenë e planifikimit të çdo dite pune rreth një modeli 3-3-3, duke i kushtuar fillimisht tri orë duke ju futur “punës me kokë” në projektin më të rëndësishëm. Më pas, plotësoni tri detyra të tjera urgjente që nuk kërkojnë tri orë fokus. Së fundmi, bëni tri detyra “mirëmbajtjeje”, si pastrimi i emaileve, përgjigjet për disa të tjerë dhe planifikimin e punëve.
Lexo edhe: Të rrisim produktivitetin për të ulur dëmet e rënies së popullsisë
Pse funksionon metoda 3-3-3?
Ajo që e dallon këtë metodë nga të tjerat janë ato tri orët e para të punës pa u shpërqendruar. Të merresh me to në fillim do të thotë të jesh i freskët, i përqendruar. Qëndroni ato tri orë pa e-mail, tekste, biseda apo detyra të tjera të rëndomta, me sa mundeni.
Puna e thellë jep produktivitet të madh, kështu që do të arrini shumë nëse angazhoheni për të. Ju do të përfundoni pas rreth tre orësh, kështu që është më mirë t’i keni ato tre detyra të tjera të gatshme për t’u përfunduar, në mënyrë që të mund të qëndroni produktiv edhe kur kaloni në përgjegjësi më pak kërkuese.Në fund, detyrat tuaja të mirëmbajtjes ju japin një shans për t’i bërë gjërat duke i dhënë pushim trurit. Kjo teknikë do të thotë që të bësh detyrën më të vështirë të parën dhe më pas do të ndjesh të njëjtën ndjenjë lehtësimi si kur kaloni në detyrat më të vogla.
Përdorni kohën tuaj të mirëmbajtjes për t’u përgatitur për punën e ditës pasardhëse ose për të përfunduar gjithçka që keni punuar gjatë atyre tre orëve të fokusit intensiv.
Që nga viti 2015 nxisim shpirtin sipërmarrës, inovacionin dhe rritjen personale duke ndikuar në zhvillimin e një mjedisi motivues dhe pozitiv tek lexuesit tanë. Kjo punë që e bëjmë me shumë dashuri nuk ka të paguar. Ne jemi platforma e vetme e cila promovon modelin pozitiv të sipërmarrjes së lirë. Përmes kësaj platforme mbështesim edukimin gjatë gjithë jetës si mjet për zhvillimin personal dhe profesional të brezave. Kontributi juaj do të na ndihmojë në vazhdimin e këtij misioni në gjithë trevat shqipfolëse.
Mund të kontribuoni KETU. Falemnderit.
