Të gjithë ëndërrojnë një rrogë të mirë dhe shumica e njerëzve punojnë shumë orë në javë për të fituar një rrogë. Thuajse të gjithë i çojnë paratë e tyre në dy drejtime: në blerjen e gjërave që mendojnë se do t’i bëjnë të lumtur (por kjo është jetëshkurtër) dhe në kursim në pjesën e mbetur, në një mënyrë konservatore. Kjo rrugë siguron një shkallë stabiliteti, por është rruga e sigurt që nuk ju bën kurrë të pasur.
Libri ‘Rich Dad, Poor Dad’ i autorit Robert Kiyosaki thekson se të pasurit nuk punojnë për para; ata bëjnë paratë të punojnë për ta. Përmes investimit dhe taktikave të tjera, të pasurit janë të pasur sepse gjenerojnë fluks parash nga burime të tjera, përveç një pune ditore. Ai thekson se të pasurit punojnë shumë të mësojnë si funksionon paraja, dhe kjo u jep mundësi atyrë që rrjedhen e parave të kanalizojnë në xhepin e tyre.
Më tej, libri tregon se të pasurit nuk pasurohen thjesht duke marrë paga më të larta (megjithëse kjo është një ndihmë e madhe). Ata pasurohen duke zotëruar gjëra. Askush në listën e miliarderëve të Forbes nuk ka arritur atje thjesht me një rrogë. Me pak fjalë: të pasurit nuk punojnë për para. Ky është një nga mësimet kryesore të babait të pasur për arritjen e pavarësisë financiare.
Lexoni më tepër: “Baba i pasur, baba i varfër” – Çfarë na mëson libri që u mbijetoi dekadave?
Të njëjtin mendim ndan edhe investitori i teknologjisë Sam Altman, i cili thotë, -“Ti bëhesh me të vërtetë i pasur, duke zotëruar gjëra që rriten me shpejtësi në vlerë. Kjo mund të jetë një pjesë e një biznesi, pasuri të paluajtshme, burime natyrore, pronë intelektuale ose gjëra të tjera të ngjashme. Por, në një mënyrë apo tjetër, ju duhet të zotëroni kapital në diçka, në vend që thjesht të shisni kohën tuaj. Koha përshkallëzohet vetëm në mënyrë lineare”.
Kur punoni për një punëdhënës, ju paguheni vetëm një pjesë të vlerës që puna juaj gjeneron për punëdhënësin (përndryshe biznesi do të falimentonte). Për shembull: paga juaj është 50 mijë dollarë në vit. Puna juaj mund t’i lejojë punëdhënësit tuaj të fitojë 100 mijë dollarë në shitje atë vit, duke sjellë një fitim të pastër pas zbritjes së pagës suaj.
Pra, nëse të pasurit nuk punojnë për para, si i marrin paratë? Me investime dhe asete. Për të fituar para të mjaftueshme për të mos punuar, do t’ju nevojiten asete. Dhe R. Kiyosaki quan aset çdo gjë që sjell të ardhura në xhepin tuaj.
Që nga viti 2015 nxisim shpirtin sipërmarrës, inovacionin dhe rritjen personale duke ndikuar në zhvillimin e një mjedisi motivues dhe pozitiv tek lexuesit tanë. Kjo punë që e bëjmë me shumë dashuri nuk ka të paguar. Ne jemi platforma e vetme e cila promovon modelin pozitiv të sipërmarrjes së lirë. Përmes kësaj platforme mbështesim edukimin gjatë gjithë jetës si mjet për zhvillimin personal dhe profesional të brezave. Kontributi juaj do të na ndihmojë në vazhdimin e këtij misioni në gjithë trevat shqipfolëse.
Mund të kontribuoni KETU. Falemnderit.
