Bill Gates – Mbajini gjërat e thjeshta
Për këshilla për karrierën, bashkëthemeluesi i Microsoft iu drejtua miliarderit tjetër Warren Buffett, i cili është i njohur për mbajtjen e gjërave të thjeshta. Gates përpiqet të pasqyrojë shprehjen e manjatit të biznesit, që ai beson se është një formë e veçantë gjeniu. Ai nuk i ndërlikon gjërat në mënyrë të panevojshme, veçanërisht financat ose buxhetet, duke pasur një plan të fortë në mendje.
Mary Barra – Punoni shumë dhe ndiqni atë që doni
Si shumë njerëz, këshilla më e mirë që mori CEO e General Motors, Mary Barra, ishte nga prindërit e saj. Ata e inkurajuan atë të punonte shumë dhe të ndiqte dashurinë e saj për matematikën. Sipas Barra, një nga gjërat që i dallon ata që bëjnë vërtet ndryshim është pasioni dhe puna e palodhur. Ajo është një besimtare e fortë që puna mund talentin kur talenti nuk është shumë prezent.
Sheryl Sandberg – Gjithçka që ka rëndësi është rritja
Kur kreu operativ i Facebook Sandberg po mendonte se ajo nuk do të pranonte një ofertë për të qenë menaxhere e përgjithshme e Google, kryetari ekzekutiv i Google, Eric Schmidt i tha asaj, “Mos u bëj një idiote; gjithçka që ka rëndësi është rritja.” Është këshilla më e mirë që mori Sandberg, sepse ajo beson se teknologjia është një industri në rritje dhe për këtë arsye një industri e mirë për të qenë pjesë e saj. Si me çdo gjë, Sandberg sheh pozitivitet në rritje dhe zhvillim.
Lloyd Blankfein – Mos nxitoni të jepni mendimet tuaja
Ka dy këshilla që ka marrë Kreu i Lartë i Goldman Sachs, të cilat ai i konsideron më të mirat që ka marrë ndonjëherë. Blankfein iu tha nga shefi i tij në Goldman në vitet 1980 se, “Së pari, është mirë të kërkosh mendimet e njerëzve përpara se t’u japësh atyre të tuat. Dhe së dyti, njerëzit tuaj do të ndikohen shumë nga mënyra se si e mbani veten nën stres.” Këshilla kishte të bënte me lidershipin dhe për t’i lejuar njerëzit të ndajnë mendimet dhe opinionet e tyre së pari përpara se të ndani tuajat.
Ben Silbermann – Mos merrni shumë këshilla
Për bashkëthemeluesin e Pinterest, këshilla më e mirë që mori ishte të mos pranonte ose të dëgjonte shumë këshilla. Për Silbermann, shumica e njerëzve që kanë shumë këshilla për të dhënë, e përgjithësojnë atë që kanë bërë. Ai beson se çdo rrugë është e ndryshme dhe unike me mundësi të ndryshme mësimi që nuk mund të këshillohen, por thjesht të përjetohen.
Lexoni: Këshillat që frymëzojnë këta njerëz të suksesshëm, të cilat shërbejnë edhe për ju
Richard Branson – Asnjëherë mos shiko prapa me keqardhje, kalo në gjënë tjetër
Të gjithë e dimë që nënat i dinë gjërat më së miri. Branson mori këshillën e nënës së tij që të mos kthehej kurrë pas dhe të mos kishte keqardhje, por të kalonte menjëherë në projektin tjetër. Themeluesi i Virgin Group nuk ndalet te dështimet, përkundrazi ai e vendos energjinë e tij në një projekt tjetër. Ai kurrë nuk e shikon një pengesë si një përvojë të keqe, por një kurbë mësimi.
Steve Jobs – Mos ndiqni vetëm pasionin tuaj
“Ndiq pasionin tënd” është një këshillë e zakonshme e përhapur kur flitet për t’u bërë i suksesshëm, por këshilla e Jobs ishte që të mos ndiqni vetëm pasionin tuaj, por diçka më të madhe se vetja. Këshilla e tij bazohej në idenë se duke i kthyer diçka komunitetit tuaj mund të jetë më e madhe se pasioni juaj. Bashkëthemeluesi i Apple jetoi me nocionin e përdorimit të pasionit të tij për të qenë pjesë e historisë dhe për të bërë diçka të cilën njerëzve të tjerë ju intereson.
Michael Bloomberg – Asnjëherë mos ndaloni së mësuari
Të mësosh vazhdimisht është këshillë me të cilën Bloomberg jeton. Ai është i apasionuar për të qenë përgjithmonë student. Ai beson se nuk ka asgjë më të fuqishme se një mendje e hapur, kërkuese që dëshiron të thithë njohuri. Sipas manjatit të biznesit, politikanit dhe filantropit, ka shumë njerëz në botë që ndalojnë së mësuari, ndaj jini gjithmonë të hapur për të mësuar gjëra të reja.
Eric Schmidt – Thoni po për më shumë gjëra
Ish-kryetari ekzekutiv i Google, Schmidt, beson se njerëzit duhet të gjejnë më shumë mënyra për t’u thënë po gjërave. Për shembull, duke thënë po për të takuar miq të rinj ose për të mësuar diçka të re. Schmidt përqafon këshillën dhe qëndron në besimin se të thuash po është mënyra se si të gjesh një punë të re, të takosh bashkëshortin dhe madje të kesh fëmijët. Ka të bëjë me të qenit i hapur ndaj mundësive dhe të mos refuzoni shanset për ndryshim dhe sukses.
Tory Burch – Ndiqni instinktet tuaja
Kur krijoi biznesin e saj, Burch dëgjoi këshillat nga ish-CEO i Urban Outfitters, Glen Senk. Ai i tha sipërmarrëses së modës të ndiqte instinktet e saj dhe të rrezikonte. Në atë kohë Burch i ishte thënë nga njerëz të tjerë që të merrte një mënyrë më tradicionale për të nisur biznesin e saj për shitje me shumicë, në vend të një koncepti të shitjes me pakicë. Dëgjimi i Senk dha rezultat dhe ndihmoi që Burch ta çonte në pozicionin e suksesshëm në të cilin ndodhet sot.
Jeff Weiner – Mund të bëni gjithçka
CEO i LinkedIn pranoi se babai i tij i dha aq shumë këshilla sa ai nuk i dëgjoi më. Por dekada më vonë, Weiner e vlerësoi plotësisht rëndësinë e këshillave dhe ndikimin që kishte tek ai. Janë ato fjalë që e ndihmuan Weiner të arrijë sukses dhe është diçka që ai tani predikon vetë.
Që nga viti 2015 nxisim shpirtin sipërmarrës, inovacionin dhe rritjen personale duke ndikuar në zhvillimin e një mjedisi motivues dhe pozitiv tek lexuesit tanë. Kjo punë që e bëjmë me shumë dashuri nuk ka të paguar. Ne jemi platforma e vetme e cila promovon modelin pozitiv të sipërmarrjes së lirë. Përmes kësaj platforme mbështesim edukimin gjatë gjithë jetës si mjet për zhvillimin personal dhe profesional të brezave. Kontributi juaj do të na ndihmojë në vazhdimin e këtij misioni në gjithë trevat shqipfolëse.
Mund të kontribuoni KETU. Falemnderit.
