8 shërbime të sportelit të Qendrës Kombëtare të Biznesit mund të merren vetëm online. Këtu përfshihen edhe veprime si regjistrimi fillestar i biznesit apo aplikime për leje dhe licenca.
Këto shërbime do të merren nëpërmjet portalit qeveritar e-albania.
Sipas Urdhrit të Ministrit të Financave dhe Ekonomisë “Për procedurat e regjistrimit, licencimit dhe publikimit në mënyrë elektronike” nga 1 Janari i këtij viti ju mund të merrni vetëm përmes sportilit elektronik këto shërbime të QKB-së:
- Aplikim për regjistrim fillestar dhe ndryshim të të dhënave të regjistrimit të personit fizik; shoqërive kolektive, komandite, me përgjegjësi të kufizuar dhe të thjeshta; shoqërive aksionare (sha); të degëve ose zyrave të përfaqësimit të shoqërive të huaja.
- Aplikim për depozitimin e pasqyrave financiare dhe raportit të auditimit.
- Aplikim për regjistrim të vendimeve/akte të gjykatës, zyrës përmbarimore ose autoriteteve të tjera publike.
- Kërkesë për lëshim ekstrakti të thjeshtë/historik.
- Certifikatë regjistrimi.
- Aplikim për pajisje me leje/licencë
- Lëshim tituli
- Revokim vullnetar
Që nga viti 2015 nxisim shpirtin sipërmarrës, inovacionin dhe rritjen personale duke ndikuar në zhvillimin e një mjedisi motivues dhe pozitiv tek lexuesit tanë. Kjo punë që e bëjmë me shumë dashuri nuk ka të paguar. Ne jemi platforma e vetme e cila promovon modelin pozitiv të sipërmarrjes së lirë. Përmes kësaj platforme mbështesim edukimin gjatë gjithë jetës si mjet për zhvillimin personal dhe profesional të brezave. Kontributi juaj do të na ndihmojë në vazhdimin e këtij misioni në gjithë trevat shqipfolëse.
Mund të kontribuoni KETU. Falemnderit.
