8 liderë ndajnë mësimet kryesore në marketing për 2020 - Business Magazine Albania

8 liderë ndajnë mësimet kryesore në marketing për 2020

lider

Në këtë vit të pazakontë, marketerët kanë mbledhur disa leksione të vlefshme për të qëndruar pranë klientëve.

2020 ka qenë një vit sfidash në fronte të shumëfishta, nga pandemia Covid-19, te protestat racore të padrejtësisë, te zgjedhjet presidenciale shumë të diskutueshme edhe në Amerikë. Bizneseve u është dashur të përballen me ndryshime të shpejta në sjelljet e konsumatorëve, modelet e shpenzimeve. Madje shumë vetave u është dashur të rregullojnë modelet e tyre në përputhje me rrethanat.

Për të lundruar në det, drejtuesve të biznesit u është dashur të mësojnë të tregtojnë në këtë mjedis të ri të çuditshëm. Një grup sipërmarrësish ofrojnë këshillat më të mira të marketingut që kanë mësuar këtë vit.

Lexoni qëndrimet e tyre për disa mësime të vlefshme për t’i pasur parasysh në vitin 2021

1-Krijoni përmbajtje të vlefshme

Përmbajtja cilësohet “mbreti” ndër vite tashmë, por në kushtet e punës remote dhe të distancimit social, njerëzit po konsumojnë përmbajtje online më shumë se asnjëherë.

Sipërmarrjet duhet të fokusohen të krijojnë përmbajtje që është e vlefshme dhe e rëndësishme për konsumatorët e tyre.

“Një përmbajtje e shkëlqyer do të tërheqë audiencën tuaj për të vizituar websitin, dhe disa, nëse jo shumë, do të përfundojnë duke kërkuar shërbimin tuaj, ose të paktën do ta kenë në mendje biznesin tuaj”, thotë Alfredo Atanacio, bashkëthelemues i Uassist.ME.

2-Ji i gatshëm të ndryshosh

Ky vit provoi se edhe planet më të mira mund të hidhen poshtë në një kohë të ccmendur si kjo, ndaj jini të gatshëm për të ndryshuar, thotë Kevin Leyes, themelues dhe CEO i Leyes Media.

“Krijimi i ideve të biznesit dhe planifikimi rigoroz i tyre nuk nënkupton që ato duhet të kryhen në atë mënyrë”, shpjegon Leyes. “Në të kundërt, skenarët socialë mund të ndryshojnë dhe të çojnë në ndryshime në strategjitë e planifikuara. Këto ndryshime mund të jenë pozitive nëse shikohen nga perspektiva e evolucionit dhe inovacionit dhe madje mund të ofrojnë mundësinë të bëni ndryshim në kompani”.

3- Komunikoni në kohën e duhur.

Komunikimi në kohë ka rëndësi më të madhe për bizneset në një kohë kur shëndeti publik dhe klima sociale kanë ndryshuar shpesh dhe me shpejtësi. Syed Balkhi, bashkëthemelues i WPBeginner, përmend shembullin e bllokimeve globale të këtij viti.

“U bë kritike për bizneset të shtojnë informacione në mediat sociale dhe faqet e internetit dhe të sigurojnë burime për audiencat e tyre”, thotë Balkhi. “Sa më shpejt t’u përgjigjeni klientëve tuaj, aq më të lumtur do të jenë ata. Pra, investoni në staf dhe mjete për ta bërë të mundur këtë”

4-Fokusohuni në ndërtimin e një komuniteti

Beck Bamberger, themelues i BAM Communications, kujton drejtuesit e kompanive se njerëzit blejnë nga ata që besojnë. Por nga ku vjen besimi? Përgjigjia është: Komuniteti.

“Komuniteti, edhe pse i drejtuar virtualisht, krijon ndërveprime të qëndrueshme, të cilat më pas krijojnë besim”, thotë Bamberger. “Ne kemi parë fuqinë e jashtëzakonshme të komunitetit këtë vit përmes një grupi prej disa qindra njerëzve që kemi ushqyer në botën e kapitalit sipërmarrës përmes grupit tonë Slack, happy hours, evente, etj.”

5- Prodhoni video

Takimet e drejtpërdrejta kanë dale përtej dritares për pjesën më të madhe të vitit 2020, gjë që ka bërë që profesionistët të mbështeten shumë te videot. Por, mos mendoni se përdorimi juaj i videos është i kufizuar në konferencat e zoom.

“Unë kam përdorur video në të gjitha pjesët e marketingut dhe strategjisë sime të shitjes”, thotë Jean Ginzburg, themelues dhe CEO i JeanGinzburg.com. “Nga takimet në zoom, te videot e shkurtra të Loom përmes Google Workplace, në video përmes mesazheve me tekst, gjeta se është mënyra më e mirë për të qëndruar në kontakt!”

Lexo: Pyetja një milion dollarëshe që po mundon millennials: Për çfarë punoni?

6-Praktikoni empatinë

Të gjithë janë prekur nga pandemia dhe ngjarjet e tjera të vitit 2020, kështu që në marketing dhe në jetë, është e rëndësishme të tregoni ndjeshmëri për të tjerët dhe për rrethanat e tyre, thotë Jennifer Buonantony, CEO e Press Pass LA dhe PPLA Social + PR.

“Njerëzit duan të bashkohen me kompani dhe marka që janë aty për ta në kohë të mira dhe të këqija dhe që nuk janë të shurdhër ndaj realitetit të asaj që po kalojnë,” shton Buonantony.

7-Prezanto zgjidhje për problemet me të cilat po përballen njerëzit

Problemet kryesore me të cilat po përballen njerëzit në vitin 2020 janë larg atyre që u përballën vetëm një vit më parë. Bizneset duhet të kuptojnë se, “pikat ku janë mbështetur në marketingun e tyre, janë ndryshuar në një farë mënyre”.

“Covid-19 dhe dëmet në ekonomi sollën sfida të reja për bizneset në çdo drejtim, duke krijuar mundësi të reja për kompanitë e gatshme dhe të afta të zhvendosen shpejt dhe të ofrojnë zgjidhje hibride që funksionojnë në një periudhë afatshkurtër,” thotë Mario Peshev, CEO i DevriX. “Diferencimi është thelbësor në vitin 2020”.

8- Përqëndrohuni tek klienti juaj mbi të gjitha

Pavarësisht nga çfarë, strategjia juaj duhet të përqendrohet te klienti juaj, thotë Stephanie Wells, bashkëthemeluese dhe CTO e Forms Formidable.

“2020 ka sjellë shumë sfida në botë dhe shumë biznese u goditën rëndë”, thotë Wells. “Sigurimi i vazhdueshëm i shërbimit të shkëlqyer të klientit dhe vënia e klientëve në radhë të parë do t’i bindë ata të vazhdojnë të kthehen”.

INC

Që nga viti 2015 nxisim shpirtin sipërmarrës, inovacionin dhe rritjen personale duke ndikuar në zhvillimin e një mjedisi motivues dhe pozitiv tek lexuesit tanë. Kjo punë që e bëjmë me shumë dashuri nuk ka të paguar. Ne jemi platforma e vetme e cila promovon modelin pozitiv të sipërmarrjes së lirë. Përmes kësaj platforme mbështesim edukimin gjatë gjithë jetës si mjet për zhvillimin personal dhe profesional të brezave. Kontributi juaj do të na ndihmojë në vazhdimin e këtij misioni në gjithë trevat shqipfolëse.

Mund të kontribuoni KETU. Falemnderit.

Must watch
Business Mag Nr. #26 - Korrik 2021

Ditët e nxehta të kësaj vere mund t’i freskoni me artikujt e revistës 26 të Businessmag. Një numër i pasur me artikuj rreth sipërmarrjeve në fusha të ndryshme, por edhe profileve interesante të sipërmarrësve. Që në kopertinë vini re dy djem që po çojnë përpara sipërmarrjen e ngirur nga prindërit. Një model për t’u ndjekur nga shumë sipërmarrje të tjera. Idetë e reja, nismat e reja në biznes sot janë më të rëndësishme se kurrë për të mundësuar suksesin.
Zhvillimet në disa tregje mund t’i gjeni në brendësi të revistës. Të tilla janë tregjet e real estate dhe ai i shërbimit postar.

Zhvillimet në fushën e teknologjisë këtë vit vijnë me 10 gjetjet më të rëndësishme teknologjike, të cilat janë orientuar shumë drejt zhvillimeve shëndetore.

Diaspora vjen me profilin e një sipërmarrëseje në fushën e stilimit dhe qepjes së veshjeve. Ornela ka arritur të hapë tre dyqane shërbimi, ku përshtaten brandet më të mëdha sipas nevojave të klientit.

Edukimi është një temë e prekur nga ne në këtë numër, pasi sfidat e edukimit në këtë vit pandemik kanë qenë të mëdha. Sjellim dy akademi me zhvillimet e tyre dhe qasjen ndaj edukimit gjatë pandemisë, si dhe mundësinë e edukimit të fëmijëve në format më të mira të mundshme.

Në brendë…

Shiko më shumë
Na ndiqni në rrjetet sociale
0