60 vjeçarja nga Berati i pëkushtohet biznesit

60 vjeçarja nga Berati i pëkushtohet biznesit


Nëse ke dëshirë dhe vullnet mund të arrish të realizosh dëshirat dhe synimet që i vendos vetes pavarësisht moshës që ti ke. Këtë na e dëshmon më së miri 60 vjeçarja nga Berati Merjeme Gjini.

Ajo me profesion është mësuese e Fizikës dhe e Informatikës, por vitet e fundit është angazhuar edhe në biznes. Pastrimi kimik është biznesi i saj, në të cilin ajo angazhohet pas punës në shkollë. Ideja e krijimit të këtij biznesi erdhi si pasojë e kërkesës nga klienti.

Të ardhurat që ka siguruar me këtë biznes në të cilin ka 2 të punësuar, kanë qenë të kënaqshme, por Meri është natyrë që kërkon gjithmonë e më shumë nga vetja e saj. Si nëndegë të biznesit mëmë, ajo ka ngritur një tjetër biznës që lidhet me pastrimin, tashmë jo vetëm të rrobave por të shtëpive, makinave, ngjyrosje artizanale dhe gjithçka që ka nevojë klienti.

Lexo: Anila Kalleshi, gruaja e triumfeve

Pastro me 1 ALOohohoo! Kështu e ka quajtur ajo këtë startup, i cili është financuar me grande nga Idea dhe tashmë është regjistruar pranë QKB-së së qytetit të Beratit.

“Unë jam 60 vjeç dhe kjo s’më ka penguar që të arrij të bëj gjërat që kam dashur në jetë, madje tashmë unë po tentoj që të bëhem një CEO”, thotë Meri për BusinessMag.al.

Nga pjesëmarrja në Idea ka arritur që të krijojë bashkëpunim edhe me Valbona Begollin, CEO-n e AlbPastrim, me të cilën tashmë po punon në mënyrë të ndërsjelltë. Meri karakterizohet nga qetësia dhe urtësia dhe këtë shprehet se e ka fituar nga puna me fëmijët dhe nga leximi i librave të shumtë, që janë pasioni më i madh i saj.

Për BusinessMag.al ajo thotë se angazhimi në biznes do shumë kohë dhe përkushtim. Fillimisht duhet të jesh një njeri që integrohesh në komunitet dhe duhet të jesh pa komplekse. Meri në biznesin e saj bën edhe menaxherin, marketingun, financierin, ekonomistin dhe mbi të gjitha nuk e ka aspak kompleks të marrë mjetet e të nisë të pastrojë.

Sipas saj, ky biznes në qytetin e Beratit ka sjellë shumë risi si në punë ashtu edhe në pajisjet dhe soluciontet që përdoren për këto pastrime. “Kam 38 vite në arsim dhe që nga viti ’95 i jam përkushtuar informatikës, gjë që rrallë gra të moshës time e bëjnë. Risitë janë pasioni im dhe gjithmonë do të jem e hapur për të tilla gjëra”.

Lexo: Valbona Begolli: Ndiq pasionin në biznes. Historia e sipërmarrëses që ka 3 fëmijë dhe 3 biznese

Madje ajo ka një mesazh edhe për të gjitha gratë e moshës së saj: “Mos u stepni nga paragjykimet, dilni jashtë kornizave dhe bëjini ata gjëra që i keni shumë pasion”. Në të ardhmen synon që të zgjerojë biznesin e saj dhe të ketë sa më shumë bashkëpunime me sipërmarrje të tilla në të gjithë vendin.

Që nga viti 2015 nxisim shpirtin sipërmarrës, inovacionin dhe rritjen personale duke ndikuar në zhvillimin e një mjedisi motivues dhe pozitiv tek lexuesit tanë. Kjo punë që e bëjmë me shumë dashuri nuk ka të paguar. Ne jemi platforma e vetme e cila promovon modelin pozitiv të sipërmarrjes së lirë. Përmes kësaj platforme mbështesim edukimin gjatë gjithë jetës si mjet për zhvillimin personal dhe profesional të brezave. Kontributi juaj do të na ndihmojë në vazhdimin e këtij misioni në gjithë trevat shqipfolëse.

Mund të kontribuoni KETU. Falemnderit.

Must watch
Business Mag Nr. #34 - Mars 2024

Për një vit të mbarë!

Viti 2024 ka nisur me sfidat dhe mundësitë e tij. Ndërsa kompanitë do të duhet të përballen me disa ndryshime ligjore dhe njëkohësisht trendet e tregjeve: si rritje çmimesh dhe rritje e kostos së fuqisë punëtore, startupet janë para mundësive dhe një klime favorizuese. Thirrje të shumta janë hapur në fushën e biznesit, kulturës dhe ideve të gjelbërta. Ndër më të rëndësishmit, programi i qeverisë për financimin e 80 startupeve në tre faza zhvillimi të tyre

Për të kuptuar rëndësinë e bizneseve të reja, veçanërisht në teknologji, mjafton të shohim që edhe sipërmarrje të konsoliduara vendase, si një grup kompanish si Balfin, kanë një vëmendje të theksuar tek startupet. Z. Samir Mane, President i këtij grupi, prej kohësh ka treguar interes, duke i mbështetur, por edhe duke investuar në një prej startupeve që pritet të sjellë revolucion në bio-inxhinieri. Vëmendja tek risia dhe inovacioni vlerësohet të jetë një nga arsyet kryesore, përse audienca jonë e zgjodhi në kompeticionin tonë të dhjetorit si Sipërmarrësi i Vitit. Në një intervistë ekskluzive, z. Mane tregon për ne copëza domethënëse nga …

Shiko më shumë
Na ndiqni në rrjetet sociale
0