6 arsye pse vjeshta është periudha më e mirë për të udhëtuar


Vjeshta po vjen me peizazhin mahnitës, motin e butë dhe me ushqimet karakteristike.

Lexoni: Arsyet përse duhet të udhëtoni, ndërkohë që jeni ende të rinj

Por a e dini se vjeshta është gjithashtu një nga periudhët më të mira të vitit për të udhëtuar?

Më pak turma njerëzish, çmime më të ulëta dhe një sërë festivalesh, këto janë ndër arsyet pse duhet të paketoni çantat tuaja këtë vjeshtë.

Moti është i butë

Nxirrni trikot, sepse moti në vjeshtë është i përkryer për të eksploruar, qoftë në qytet apo në ndonjë park kombëtar. Jo shumë nxehtë, por as shumë ftohtë, ju mund të eksploroni atë që ua do zemra në një klimë të rehatshme. Nuk do t’iu duhet të shqetësoheni për asgjë. Një fitore e vërtetë.

Udhëtimi është më i lirë

Për udhëtarët me një buxhet të caktuar, vjeshta është një nga periudhat më të lira të vitit për të udhëtuar. Teknikisht “jashtë-sezonit”, të dyja qoftë fluturimet dhe hotelet janë përgjithësisht më të lira në vjeshtë sesa gjatë verës apo gjatë festave.

Destinacionet më të kërkuara janë më pak të mbushura me njerëz

Udhëtimi në vjeshtë do të thotë të shmangësh turmat e verës, pasi fëmijët kthehen në shkolla dhe shumë kalojnë ditët e pushimeve të tyre në udhëtimet verore. Kjo do të thotë që ju mund të harroni për të bërë rezervime për darkë apo të kaloni në rrugë të mbushura me turistë të tjerë që kërkojnë të bëjnë sa më shumë foto për të kapur pamje të ndryshme.

Lexoni: 8 FOTO, TË CILAT DO IU BËJNË TË PAKETONI ÇANTAT DHE TË UDHËTONI NË SHQIPËRI

Pamja me gjethet shumë-ngjyrëshe është mahnitëse

Vjeshta është një kohë e bukur për të udhëtuar falë gjetheve që ndryshojnë. Merrni me qera një kabinë në mal, bëni një udhëtim të gjatë, ose qëndroni në një fshat piktoresk ku mund të shijoni hije të ndritshme të së kuqes, të verdhës dhe portokallisë.

Zhvillohen shumë festivale të mëdha

Vjeshta sheh shumë festime epike në mbarë botën, si Oktoberfest, Diwali (Festivali i Dritave), Java e modës në Londër, Halloween dhe Dia de los Muertos (Dita e të vdekurve).

Ushqimi sezonal është i mrekullueshëm

Kuzhina e vjeshtës është një kategori më vete. Sezoni i pikut për mollët, dardhat, kungujt dhe patatet e ëmbla. Vjeshta mund të jetë periudha më e mirë e vitit për verë dhe darka. Nëse ju jeni jashtë duke marrë mollë, apo duke ngrënë në një restorant sezonal, është e sigurtë që do bini në dashuri me këto pushime.

Lexoni: Udhëtimet e njerëzve në Mars pritet të jenë realiteti i 2024-ës

burimi: BusinessInsider

Must watch
Business Mag Nr. #24 - Tetor 2020

Numri 24 i revistës Businessmag.al sjell një panoramë të zhvillimeve, përshtatjeve dhe ecurisë në sektorë të ndryshëm të ekonomisë. Në të njëjtën kohë, shohim zhvillime relativisht të kënaqshme.  Organizime të reja si Dhoma Ekonomike e Gruas, duket si një shpresë për më shumë zë, lobim dhe mbështetje për gratë sipërmarrëse dhe sipërmarrjet e reja.

Gjatë kësaj periudhe angazhime si programi “Ringrihu më i fortë”, ishin një lloj kundërpërgjigje ndaj dëmeve ekonomike që po shkakton pandemia.

Influencerat vijojnë të rrisin hapësirat e tyre dhe janë bërë një instrument i rëndësishëm marketimi. Në brendësi të revistës do të gjeni renditjen e top 100 influencerave më të mëdhenj në vend.

Gjatë kësaj vere ndërkohë, vetë Businessmag pati një fushatë të suksesshme të promovimit të turizmit shqiptar. Qindra të rinj u angazhuan të dërgojnë foto dhe përshkrimet e vendeve të ndryshme të Shqipërisë.

Shiko më shumë
Na ndiqni në rrjetet sociale