Udhëtimet e njerëzve në Mars pritet të jenë realiteti i 2024-ës

Kur Elon Musk bën një deklaratë, njerëzit “hapin veshët e dëgjojnë.”

Në Konferencën Code në Kaliforni të Mërkurën, Musk ka përsëritur edhe një herë një nga pretendimet e tij më të guximshme, duke thënë se nëse çdo gjë shkon sipas planit, SpaceX do të fillojë udhëtimet e njerëzve në Mars në vitin 2024, një qëllim më ambicioz se çdo komb apo kompani tjetër private ka bёrё ndonjёherё.

Musk nuk ka zbuluar shumë prej detajeve të planit të kompanisë, duke thënë se më shumë plane të kolonizimit të Marsit do të zbulohen gjatë një konference në Shtator, por ai shpjegoi disa nga arsyet e objektivit të guximshëm të SpaceX. Musk tha:

“Plani bazik është se do të dërgojmë një mision në Mars që nga 2018 e më pas, dhe ato zgjasin përafërsisht 26 muaj. Ne po mendojmë për udhëtime me ngarkesë, të cilat do të jenë bazë për njerëzit. Takimi orbital Tokë-Mars bëhet çdo 26 muaj, kështuqë do të ketë një në 2018-ën, një tjetër në 2020-ën, dhe nëse gjërat shkojnë sipas planit, ne do të mund të çojmë njerëzit në 2024-n me mbërritje në 2025-n.”

Musk tha se në mënyrë që të ndërtohen qytete në Mars, duke zbatuar planin e tij të specieve në shumë planete, SpaceX duhet të zhvillojë aftësinë për të transportuar shumë njerëz dhe tonelata me mjete, gjithashtu edhe se anijet të cilat do të realizonin misionin duhet të jenë vërtet gjigande.

Kur do të udhëtojë vetë Musk në Mars? Ai shpreson se brenda 4 ose 5 viteve do të mund ta realizojë këtë.

Sipas fjalëve të tij, është e paqartë nëse misioni i 2024-s është i dizenjuar për t’i dërguar njerëzit në orbitën e Marsit apo se do të prekin tokën e Marsit, por sido që të jetë, është një objektiv tejet ambicioz.

Kompania nuk ka bërë asnjë udhëtim me njerëz në bord në hapësirë, por kjo mund të ndryshojë në vitet e ardhshme.

/Mashable