5 zakonet më sfiduese për sipërmarrësit e rinj


Kalimi nga universiteti apo puna (si i punësuar) në sipërmarrës, është një proces me shumë sfida. Një nga këto është ndryshimi apo heqja dorë nga zakone që mund të ishin të vlefshme për një jetë rutinë, shtëpi-universitet, apo shtëpi-punë. Businessmag.al ka sjellë vazhdimisht këshilla për sipërmarrësit. Sot kemi përzgjedhur mes gjithë përvojave, 5 zakonet më të vështira, nga të cilat ju duhet të hiqni dorë, në mënyrë që të rrisni shanset për sukses.

Lexoni: Si ndikojnë zakonet në suksesin tuaj?

Krijo pritshmëri realiste. Vëçanërisht në fillim të biznesit, ju duhet të gjeni ekuilibrin e duhur mes entuziazmit për t’u lëshuar në biznes, por edhe për të qëndruar me këmbë në tokë. Nëse mendoni për veten ose të tjerët gjëra joreale, ju do të zhgënjeheni vazhdimisht. Provoni të shkruani pritshmëritë tuaja dhe ato ndaj të tjerëve, dhe më pas hidhini një sy listës. Sa prej tyre janë joreale? Pasi t’i kesh identifikuar, ndryshoji në pritshmëri realiste dhe të arritshme.

Nëse do të vini në punë qoftë dhe një nga këto zakone, ju do të shihni diferencën. Bëjini pjesë të rutinës suaj ditore, dhe mos prisni rezultate të menjëhershme. Me kalimin e kohës, sa më shumë t’i praktikoni ato, aq më shumë impakt do të kenë në shëndetin tuaj mendor.

Thuaj jo dhe mos u plotëso tekat njerëzve. Vështirësia për të thënë jo shpesh vjen nga dëshira për të kënaqur të tjerët. Duhet të kuptoni çfarë ju bën të thoni po dhe çfarë ju bën të thoni jo.

Nëse e keni të vështirë të thoni jo, ndryshojeni këtë menjëherë. Nëse nuk e bëni, do të vuani ju dhe marrëdhënia juaj. Nuk mund të jesh mendërisht i shëndetshëm dhe të plotësosh dëshirat e njerëzve.

Lexoni: 4 zakone të jetës së përditshme që do t’ju bëjnë të suksesshëm

Mos bie në kurthin e mikro-menaxhimit. Në thelbin e mikro-menaxhimit është mungesa e besimit. Kjo nuk do të thotë se është gjithmonë faji i punonjësit. Ajo mund të nënkuptojë që, si pronar biznesi, dyshoni në aftësinë tuaj për të punësuar dhe trajnuar punonjësit tuaj siç duhet dhe ndjeni nevojën për të parë çdo lëvizje të tyre. Kjo mund të tregojë në të njëjtën kohë se ndoshta nuk besoni në aftësinë tuaj për të deleguar projekte. Si një udhëheqës, duhet të besoni në anëtarët e ekipit që keni punësuar.

Lëri përpjekjet për perfeksion

Duke u munduar të bëni gjithçka në mënyrë përfekte, mund të rezultojë t’i shtyni projektet në kohë, e ndoshta të mos i realizoni më. Duke qenë në brendësi të nismës, ju shihni difekte që të tjerët mund të mos I vënë re, ndaj nuk duhet ta nxisni veten drejt perfeksioni. Thjesht bëni mirë punën dhe përmirësohuni rrugës.

Mëso të negociosh, mos lër para në tavolinë

Negoçimi është një element që mund të mos e vlerësoni sa duhet në fillimin e biznesit tuaj. Entuziazmi i nisjes së një projekti mund t’ju kushtojë para, nëse nuk përgatiteni për transaksionet dhe marrëveshjet që do të bëni.

Praktikoni aftësitë tuaja të negociatave duke u fokusuar në qëllimin përfundimtar. Shumë pronarë të biznesit shkojnë deri në tryezën e negociatave pa një ide të qartë të asaj që duan të arrijnë në fund të ditës. Ky gabim mund t’u kushtojë miliona.

Lexoni: 8 zakone të këqija biznesi nga të cilat duhet të hiqni dorë në 2019

Must watch
Business Mag Nr. #23 - Qershor 2020

Të gjitha planet tuaja për këtë vit, si individë apo sipërmarrës mund të jenë përmbysur. Mbërritja e Coronavirusit në Shqipëri paralizoi gjithçka, ashtu si kudo. Në mënyrë të papritur na vuri në kushte tërësisht të tjera pune, na shtoi pasigurinë e shqetësimin për të ardhmen.

Sipërmarrjet, kryesisht në fushën e IT u përshtatën më shpejt, duke angazhuar punonjësit nga shtëpia. Ato zhvilluan dhe më tej mundësitë për të punuar në distancë, ndërkohë që shumë kompani të tjera u mbyllën plotësisht.

Kjo është një periudhë sprove, për individin, drejtuesit dhe liderin. Kjo është lufta që po zhvillohet në spitale dhe fronti i parë i saj janë mjekë, infermierë e sanitarë. Historia e ekonomisë k a treguar se gjithmonë pas një situatë të vështirë ka një ringritje. Dhe ne besojmë se kështu do të jetë.

Deri atëhërë ajo çka na mbetet të bëjmë është respektimi i rregullave të kërkuara, marrja e përgjegjësive ndaj të tretëve për aq sa mundemi, e të interesohemi për të pamundurit, të ndajmë diçka për ta.

Solidariteti nuk ka munguar e nuk do të na mungojë as kësaj radhe. Ajo çfarë doli në pah krahas solidaritetit ishte varfëria: e shtetit, e kompanive dhe e vetë individëve.

Një ditë pas dërgimit të 30 bluzave të bardha në Itali, The Guardian na vlerësoi në artikullin e saj si zemërgjerë edhe pse Ky numër ishte planifikuar të botohej në Prill 2020, por procesi u shty për shkak të masave të ndërmarra si pasojë e shpërthimit të Covid-19. Edhe pse në kohë vështirësish, jemi …

Shiko më shumë
Na ndiqni në rrjetet sociale