5 mësimet që sipërmarrësit në të gjithë botën mund të mësojnë nga kultura izraelite - Business Magazine Albania

5 mësimet që sipërmarrësit në të gjithë botën mund të mësojnë nga kultura izraelite


Gjatë karrierës sime si përfaqësuese e startup-eve teknologjike kam kaluar shumë kohë në Izrael, ku një nga zyrat e ime është e vendosur atje. Si rezultat i kësaj, firma ime PR gëzon një lidhje të fortë me ekosistemin e teknologjisë izraelite.

Kam qenë e mrekulluar nga qasja që izraelitët kanë në biznes dhe jetë. Besoj se të gjithë sipërmarrësit mund të mësojnë shumë nga mentaliteti dhe kultura e këtij vendi, i cili ka luajtur një rol kyç në botën e startup-eve teknologjike. Në fakt Izraeli është quajtur “Kombi i Startup-it”.

Më poshtë janë 5 mësime që kam mësuar dhe besoj se çdo sipërmarrës mund të mësojë nga Kombi i Startup-it dhe nga kultura e Izraelit në përgjithësi:

1. Limoni gjithmonë mund të kthehet në limonadë

Historia e themelimit të Izraelit është në vetvete një histori limon-në-limonadë. Pasi u internuan nga toka e tyre amtare, populli hebre duroi mbi 2.000 vjet persekutim, e ndërsa dëshira e zjarrtë e tyre ishte të ktheheshin në vendin e origjinës. Në shekullin e kaluar, kjo dëshirë e zjarrtë zhvilloi një lëvizje të fuqishme që çoi në rilindjen e shtetit hebre në vitin 1948.

Ndonëse me një vend fizik të ashpër, me marrëdhënie të vështira me fqinjët dhe tensionet politike brenda radhëve të tyre, izraelitët kanë mësuar që të përtërihen.

Siç e dinë shumë sipërmarrës, fatkeqësia ushqen forcën dhe elasticitetin. Në Izrael, ky lloj mjedisi ka siguruar një terren pjellor për një kulturë të fortë të sipërmarrjes.

Ari Nahmani, themelues dhe CEO i “Kahena Digital Marketing” në Jerusalem, më tha: “Izraelitet janë mësuar me gjërat që nuk shkojnë pikërisht siç është planifikuar. Në fakt, ata presin të papriturën dhe improvizojnë me shpejtësi të tillë saqë ndonjëherë duket sikur limonada është bërë pa limonë”.

2. Transparenca dhe të qenit i drejtpërdrejtë iu çojnë në rrugën e drejtë

Mentaliteti klasik i izraelitëve është i drejtpërdrejtë, i hapur dhe me vend – ndonjëherë për të diskredituar izraelitët. Por e vërteta është se izraelitët kanë tendencë të jetë shumë transparent si në marrëdhëniet e tyre të biznesit dhe jetën e tyre personale, duke rezultuar i vërtetë disponimi “ajo që ju shikoni është ajo që merrni”.

Duke qenë të drejtpërdrejtë dhe të hapur mund t’iu shërbejë edhe juve në biznes. Për sa kohë që ju jeni me takt, duke qenë i drejtpërdrejtë dhe transparent me punonjësit tuaj, furnizuesit dhe konsumatorët ju do të fitoni besimin e tyre. Dhe, kur njerëzit ju besojnë, ata do të ndihen të sigurtë që të bëjnë biznes me ju. Ndonjëherë një nivel shumë i lartë i të qenit i drejtpërdrejtë mund të vijë si agresive apo e vrazhdë – kështu që është e rëndësishme të mbani mend që të kalibroni këtë gjë me ndjeshmëri.

3. Komuniteti është gjithçka

Në shumicën e vendeve, ku mbizotëron sipërmarrja, të tilla si Shtetet e Bashkuara, fokusi priret të jetë mbi individin. Por në Izrael, vlerat komunale të shoqërisë së vërtetë i japin sipërmarrësit një avantazh të madh.

Izraeli është një vend i vogël dhe i ndërlidhur, ku lehtësisht mund të keni marrëdhënie me të gjithë. Kultura është e orientuar drejt socializimit. Në mesin e izraelitëve, ju ndjeni një ndjenjë mbizotëruese të përgjegjësisë ndaj së tërës.

Në përgjithësi, izraelitët janë shumë të gatshëm për të ndihmuar të tjerët. Kjo mund të jetë një ndihmë e madhe për një sipërmarrës. Pasi shumica prej sipërmarrësve janë të pavarur, ata mund të përfitojnë shumë nga anëtarët e një komuniteti, të cilët ndihmojnë dhe përkrahin njëri-tjetrin. Përveç kësaj, kur ju ndihmoni të tjerët, merrni akoma më shumë ndihmë në kthim. Pra ndihmoni sa më shumë njerëz që të mundeni dhe sa më shpesh që mundeni: Nga vëzhgimi im, kjo është mënyra se si izraelitët sillen.

“Ekosistemi izraelit i startup-eve është mbi të gjitha komunitet, mbështetje dhe ndihmë për njëri-tjetrin”, thotë Guy Franklin, themeluesi i “Israeli Mapped in NY” dhe menaxher i përgjithshëm i “Sosa NYC”. “Ka një cikël, ku ju do të shihni që sipërmarrës jashtëzakonisht të suksesshëm ndihmojnë brezin e ri të sipërmarrësve dhe sapo ky grup bëhet i suksesshëm, ata do të mentorojnë gjeneratën e re. Ajo është si një shkollë jozyrtare.”

4. Asgjë nuk është shumë e guximshme

Kombi i Izraelit ka zhvilluar një ndjenjë të guximshme nga nevoja.

Nocioni se asgjë nuk është e pamundur dhe se çdo synim mund të arrihet në qoftë se ju punoni mjaft fort dhe në mënyrë të guximshme është një gur themeli i kulturës dhe mentalitetit izraelit. Si një nga themeluesit e kombit, Theodor Herzl thotë: ” Nëse e realizoni atë, nuk është më një ëndërr.”

Duke pasur guximin për të ndjekur ëndrrat tuaja pa frikë dhe duke besuar se ju mund të bëni çdo gjë që ju vjen në mendje, është jetike për suksesin në sipërmarrje. Sipërmarrësit më të realizuar janë ata që mendojnë lart dhe me guxim shkojnë pas asaj që duan.

5. Gjithmonë jepni një dorë

Karakteri i kombit izraelit është përshkruar si i ashpër në pjesën e jashtme, por i butë dhe i ëmbël në brendësi. Në fakt, një shtetas izraelit njihet si një “Sabra”, apo kaktus. Edhe pse izraelitët njihen si të tillë, ata janë të gatshëm t’iu ndihmojnë menjëherë sapo ju keni ndonjë problem.

Si shumë persona dëshmojnë, në qoftë se ju jeni në Izrael dhe automjeti juaj prishet ose ju e gjeni veten në një situatë të rrezikshme, shumica e atyre që takoni do të ndërhyjnë, do të pyesin se çfarë po shkon keq dhe do iu ofrojnë ndihmë të menjëhershme.

burimi: Entrepreneur

Që nga viti 2015 nxisim shpirtin sipërmarrës, inovacionin dhe rritjen personale duke ndikuar në zhvillimin e një mjedisi motivues dhe pozitiv tek lexuesit tanë. Kjo punë që e bëjmë me shumë dashuri nuk ka të paguar. Ne jemi platforma e vetme e cila promovon modelin pozitiv të sipërmarrjes së lirë. Përmes kësaj platforme mbështesim edukimin gjatë gjithë jetës si mjet për zhvillimin personal dhe profesional të brezave. Kontributi juaj do të na ndihmojë në vazhdimin e këtij misioni në gjithë trevat shqipfolëse.

Mund të kontribuoni KETU. Falemnderit.

Must watch
Business Mag Nr. #25 - Mars 2021

Kjo periudhë përkon me një vit të plotë në kushte pandemie në vendin tonë, në Europë dhe në mbarë botën. Në një vit ndodhën shumë zhvillime, të paparashkuara ndonjëherë më parë nga ne, duke hedhur poshtë shumë plane apo projekte tonat për rritjen. Por, në këtë kohë sipërmarrje të ndryshme u vunë në lëvizje për të gjetur zgjidhje të reja e për të siguruar mbijetesën.

Në këtë numër të revistës, vijnë zhvillimet përmes gjurmëve që kanë lënë tek industri, sipërmarrje apo individë sipërmarrës.

Pano Soko, ekonomist i njohur flet për efektet e paketave ekonomike të mbështetjes dhe nevojën për paketa ndihme në industritë e prekura.

Rubrika 3X3 i kushtohet industrisë së verërave. Nga intervistat tona me 3 prodhues rezulton se

verërat shqiptare janë të “paralizuara” nga pandemia.

Verërat janë në një trend me turizmin. Brunila Liçaj, profesore dhe eksperte në fushën e turizmit është optimiste për të ardhmen e kësaj fushe.

Në rubrikën e brandeve kemi sjellë, fabrikën e qumështit dhe prodhimeve të bulmetit “Lufra”, ndërsa një brand që po rimëkëmbet nga Kosova është prodhuesi i këpucëve artizanale “Perolli”. Të dy këto brande janë model frymëzimi për njerëzit e punës!

Një pjesë e rëndësishme e revistës i dedikohet konkursit dhe fituesve të Businessmag në …

Shiko më shumë
Na ndiqni në rrjetet sociale
0