Më 10 dhjetor të vitit 1979 në Oslo të Norvegjisë Anjeze Gonxhe Bojaxhiu u nderua me Çmimin Nobel për Paqen, duke u bërë kështu shqiptarja e parë fituese e çmimit më prestigjioz në botë.
Në çastin e dorëzimit të këtij vlerësimi 44 vite më parë, pyetjes se nga ishte Nënë Tereza iu përgjigj: “Jam lindur në Shkup, jam arsimuar në Londër, jetoj në Kalkutë dhe punoj për të gjithë njerëzit e varfër në botë. Atdheu im është një vend i vogël me emrin Shqipëri”. Prej asaj dite bota mësoi se Shën Tereza ishte shqiptare.
Papa Françesku e shpalli Nënë Terezën Shenjtore më 4 shtator 2016, 19 vite pas ndarjes nga jeta. Ajo ishte nënë kujdestare e 7500 fëmijëve në 60 shkolla dhe ka mjekuar mbi 960 mijë të sëmurë në mbarë botë.
10 dhjetori kujtohet edhe për ndarjen për herë të parë të çmimeve Nobel në nder të Alfred Nobelit, 122 vite më parë.
Ceremonia për 4 katër prej çmimeve në fizikë, kimi, mjekësi dhe letërsi zhvillohen çdo vit në kryeqytetin e Suedisë Stokholm, ndërsa ceremonia e Çmimit për Paqen mbahet në kryeqytetin norvegjez Oslo.
Që nga viti 2015 nxisim shpirtin sipërmarrës, inovacionin dhe rritjen personale duke ndikuar në zhvillimin e një mjedisi motivues dhe pozitiv tek lexuesit tanë. Kjo punë që e bëjmë me shumë dashuri nuk ka të paguar. Ne jemi platforma e vetme e cila promovon modelin pozitiv të sipërmarrjes së lirë. Përmes kësaj platforme mbështesim edukimin gjatë gjithë jetës si mjet për zhvillimin personal dhe profesional të brezave. Kontributi juaj do të na ndihmojë në vazhdimin e këtij misioni në gjithë trevat shqipfolëse.
Mund të kontribuoni KETU. Falemnderit.
