Ministria e Brendshme ka njoftuar se koha e pajisjes me kartë identiteti do të shkurtohet nga 14 në vetëm 3 ditë. Ky shërbim i ri i IdentiTek, kompanisë së prodhimit të dokumenteve biometrike – ofron një zgjidhje më të shpejtë për qytetarët shqiptarë.
“Me një tarifë prej 3,000 lekësh, çdo qytetar mund të pajiset me letërnjoftim elektronik brenda 3 ditësh. Ky proces i përshpejtuar synon të lehtësojë aplikimin dhe të ndihmojë ata që kanë nevojë urgjente për dokumentin e tyre të identifikimit, duke përfshirë emigrantët që qëndrojnë për pak kohë në Shqipëri dhe individët që kanë nevojë për kartën e identitetit për arsye personale, profesionale apo administrative,” – njofton ministria.
Procedura nuk ndryshon. Qytetarët duhet të :
- Blejnë kuponin për shërbimin e përshpejtuar.
- Paraqesin dokumentin e vjetër ose vetëdeklarimin e humbjes/vjedhjes nga e-Albania.
- Kryejnë aplikimin në një nga zyrat e IdentiTek.
Që nga viti 2015 nxisim shpirtin sipërmarrës, inovacionin dhe rritjen personale duke ndikuar në zhvillimin e një mjedisi motivues dhe pozitiv tek lexuesit tanë. Kjo punë që e bëjmë me shumë dashuri nuk ka të paguar. Ne jemi platforma e vetme e cila promovon modelin pozitiv të sipërmarrjes së lirë. Përmes kësaj platforme mbështesim edukimin gjatë gjithë jetës si mjet për zhvillimin personal dhe profesional të brezave. Kontributi juaj do të na ndihmojë në vazhdimin e këtij misioni në gjithë trevat shqipfolëse.
Mund të kontribuoni KETU. Falemnderit.
Albanian
English