4 sekrete për shërbimin ndaj klientit që duhet ‘të vidhni’ nga Amazon - Business Magazine Albania

4 sekrete për shërbimin ndaj klientit që duhet ‘të vidhni’ nga Amazon

Amazon

Amazon është një nga kompanitë më të mëdhe në botë për shitjet online. Shumë nga mësimet që kompania mori gjatë rrugës, në lidhje me shërbimin ndaj klientëve, mund t’i vini në praktikë edhe ju në biznesin tuaj.

Në këtë artikull ju sjellim 4 këshilla për shërbimin ndaj klientit që mund t’i merrni hua nga gjiganti i tregtisë online.

  1. Shërbimi më i mirë ndaj klientit është të mos ketë fare shërbim ndaj klientit

Përvoja më e mirë për klientin ndodh kur ata kurrë nuk duhet të kërkojnë ndihmë. Ju duhet të jeni të gatshëm të përmirësoni thelbësisht përvojën e klientit dhe duhet të përpiqeni të eleminoni të gjitha gjërat që u kërkojmë klientëve. Kryesorja është t’u kushtoni vëmendje të madhe pyetjeve të vogla dhe çështjeve të suportit që mund të kenë klientët, në mënyrë që të eliminoni problemet që ata mund të hasin.

  1. Konsumatori juaj mund të jetë nëna e dikujt. Silluni me ta në atë mënyrë.

Është shumë më e lehtë t’u jepni klientëve një përvojë të këndshme dhe të përdorni mënyrat e duhura kur i shihni si figura prindërore. (Kjo funksionon mirë edhe për punonjësit, konkurrentët dhe partnerët.) Kryeni bisedat dhe trajtimin tuaj ndaj klientëve sikur të ishit duke folur me prindin tuaj.

Lexoni: Amazon, Google, Facebook nën shënjestër: Ministrat e G7-s arrijnë marrëveshje historike për taksën ndaj korporatave

  1. Mendoni si klienti juaj

Kjo do të thotë që kur vini me një ide për produkte të reja ose përmirësime për ato ekzistuese, gjithmonë duhet të keni parasysh atë që klienti pret me padurim dhe atë që dëshiron të jetë përvoja e tij. Pastaj, punoni me atë që duhet bërë për të siguruar këtë përvojë. Shkrimi i përmbajtjes së faqes online, njoftimet për shtyp në të ardhmen, pyetjet e bëra shpesh dhe manualet e përdorimit nga këndvështrimi i klientit përpara lançimit të produktit ndihmojnë gjithashtu në përmirësimin e shërbimit ndaj klientit.

  1. Shpikni dhe thjeshtësoni

Shpik dhe thjeshto do të thotë çdo herë që vjen me një risi ose krijon një përmirësim, i bën gjërat më të thjeshta për klientin. Kjo krijon një përvojë më të mirë për klientin dhe biznesin tuaj. Ju gjithmonë duhet të shikoni për risi që do të ndihmojnë në përmirësimin dhe thjeshtimin e përdorimit të produktit tuaj dhe mënyrën se si klientët ndërveprojnë me të. Kjo do të zvogëlojë mosmarrëveshjet, që përfshin jo vetëm ankesat e klientëve, por edhe pyetje e kontakte të tjera.

Që nga viti 2015 nxisim shpirtin sipërmarrës, inovacionin dhe rritjen personale duke ndikuar në zhvillimin e një mjedisi motivues dhe pozitiv tek lexuesit tanë. Kjo punë që e bëjmë me shumë dashuri nuk ka të paguar. Ne jemi platforma e vetme e cila promovon modelin pozitiv të sipërmarrjes së lirë. Përmes kësaj platforme mbështesim edukimin gjatë gjithë jetës si mjet për zhvillimin personal dhe profesional të brezave. Kontributi juaj do të na ndihmojë në vazhdimin e këtij misioni në gjithë trevat shqipfolëse.

Mund të kontribuoni KETU. Falemnderit.

Must watch
Business Mag Nr. #26 - Korrik 2021

Ditët e nxehta të kësaj vere mund t’i freskoni me artikujt e revistës 26 të Businessmag. Një numër i pasur me artikuj rreth sipërmarrjeve në fusha të ndryshme, por edhe profileve interesante të sipërmarrësve. Që në kopertinë vini re dy djem që po çojnë përpara sipërmarrjen e ngirur nga prindërit. Një model për t’u ndjekur nga shumë sipërmarrje të tjera. Idetë e reja, nismat e reja në biznes sot janë më të rëndësishme se kurrë për të mundësuar suksesin.
Zhvillimet në disa tregje mund t’i gjeni në brendësi të revistës. Të tilla janë tregjet e real estate dhe ai i shërbimit postar.

Zhvillimet në fushën e teknologjisë këtë vit vijnë me 10 gjetjet më të rëndësishme teknologjike, të cilat janë orientuar shumë drejt zhvillimeve shëndetore.

Diaspora vjen me profilin e një sipërmarrëseje në fushën e stilimit dhe qepjes së veshjeve. Ornela ka arritur të hapë tre dyqane shërbimi, ku përshtaten brandet më të mëdha sipas nevojave të klientit.

Edukimi është një temë e prekur nga ne në këtë numër, pasi sfidat e edukimit në këtë vit pandemik kanë qenë të mëdha. Sjellim dy akademi me zhvillimet e tyre dhe qasjen ndaj edukimit gjatë pandemisë, si dhe mundësinë e edukimit të fëmijëve në format më të mira të mundshme.

Në brendë…

Shiko më shumë
Na ndiqni në rrjetet sociale
0