Më poshtë mund të gjeni 4 arsye pse ju duhet të bëheni pjesë e një akseleratori ose përshpejtuesi, nëse jeni në hapat e para të një startup-i.
1. Rrjetëzim
Arsyeja kryesore për t’u bërë pjesë e një programi përshpejtues ose akseleratori është mundësia për t’u bërë pjesë e një rrjeti. Ju mund të bëheni pjesë e programeve të kompanive partnere dhe mund të zgjeroni rrjetin tuaj duke bashkëpunuar me specialistë dhe mentorë në fushën tuaj të veprimit.
2. Mjedisi Sipërmarrës
Akseleratorët kanë brenda një shpirt të veçantë sipërmarrjeje. Të jesh i rrethuar nga themeluesë të tjerë sipërmarrësish të rinj, të ndash eksperiencat dhe emocionet para prezantimit, kur je duke punuar për biznesin tënd, është e veçantë. Ju mund të vazhdoni të mbani lidhjet me sipërmarrësit e tjerë të rinj.
3. Paraja
Shumica e akeleratorëve ju japin para për të vazhduar rritjen e sipërmarrjes suaj. Këto shuma parash, ju sigurojnë një pavarësi financiare për disa muaj.
4. Edukim mbi sipërmarrjen
Shumica e njerëzve që u bashkohen përshpejtuesëve, janë të rinj që sapo kanë mbaruar diplomimin ose punën e tyre të parë.
Pa ndonjë eksperiencë në sipërmarrje, kanë disa baza njohurish që duhen mësuar nga të gjithë. Një përshpejtues ju ndihmon për të mësuar hapat e para të ndërtimit të një kompanie, hartimin e një biznesi plani ose si të punësoni njerëzit e duhur.
/Artikulli u publikua më parë në faqen 36 të numrit 9 të revistës Business Magazine Albania. Për të shfletuar të plotë revistën klikoni këtu.
Që nga viti 2015 nxisim shpirtin sipërmarrës, inovacionin dhe rritjen personale duke ndikuar në zhvillimin e një mjedisi motivues dhe pozitiv tek lexuesit tanë. Mbështetja juaj na ndihmon ta vazhdojmë këtë mision.
Na Suporto
