3 pyetjet që CEO i Google u bën punonjësve për të rritur produktivitetin - Business Magazine Albania

3 pyetjet që CEO i Google u bën punonjësve për të rritur produktivitetin

Google

CEO i Google, Sundar Pichai po zbaton një strategji të re të quajtur “Simplicity Sprint”.

Produktiviteti fillon të zbehet gjatë muajve të verës, duke nxitur shumë kompani të kërkojnë mënyra për të luftuar rënien e produktivitetit dhe për të mbajtur moralin e lartë.

CEO i Google, Sundar Pichai po zbaton një strategji të re që ai shpreson që, jo vetëm të forcojë produktivitetin midis punonjësve të kompanisë, por gjithashtu të nxisë një ndjenjë më të fortë të komunitetit dhe bashkimit.

I quajtur “Simplicity Sprint”, punonjësit e Google do të anketohen për tre pyetje rreth punës në kompani. Më pas, drejtuesit do të lexojnë përgjigjet dhe do të kontaktojnë me punonjës të caktuar nëse mendojnë se përgjigjet e tyre përfshijnë diçka që kompania mund të marrë dhe të bëjë një politikë.

Tre pyetjet janë:

  1. Çfarë do t’ju ndihmonte të punoni me qartësi dhe efikasitet më të madh për t’u shërbyer përdoruesve dhe klientëve tanë?
  2. Ku duhet të heqim pengesat e shpejtësisë për të marrë rezultate më të mira më shpejt?
  3. Si t’i eliminojmë ngërçet dhe të qëndrojmë sipërmarrës dhe të fokusuar ndërsa rritemi?

Lexoni: Google promovoi një ueb-faqe të re për fëmijët që mësojnë të lexojnë

Natyra e hapur e sondazhit, e cila do t’u dërgohet 176,000 punonjësve të gjigantit të teknologjisë, u ofron punonjësve një mënyrë për t’u ndjerë sikur u jepet fjala në çështjet e kompanisë, duke vepruar gjithashtu si një mënyrë për të grumbulluar ide të reja se si të funksionojë më mirë kompania.

Kompania mëmë e Google, Alphabet, raportoi të ardhurat e saj për tremujorin e dytë 2022 muajin e kaluar prej 69.7 miliardë dollarësh, një rritje prej 13% nga e njëjta kohë e vitit të kaluar.

Pichai vlerësoi investimin e kompanisë në IA dhe iniciativa të tjera të programimit kompjuterik si shtytësin kryesor të suksesit për kompaninë deri më tani.

“Në tremujorin e dytë, performanca jonë u nxit nga Search dhe Cloud. Investimet që kemi bërë gjatë viteve në IA dhe computing po ndihmojnë për t’i bërë shërbimet tona veçanërisht të vlefshme për konsumatorët dhe shumë efektive për bizneset e të gjitha madhësive,” tha CEO në një njoftim. “Ndërsa theksojmë fokusin tonë, ne do të vazhdojmë të investojmë me përgjegjësi në shkencën e thellë kompjuterike për një afat të gjatë.”

/entrepreneur

Që nga viti 2015 nxisim shpirtin sipërmarrës, inovacionin dhe rritjen personale duke ndikuar në zhvillimin e një mjedisi motivues dhe pozitiv tek lexuesit tanë. Kjo punë që e bëjmë me shumë dashuri nuk ka të paguar. Ne jemi platforma e vetme e cila promovon modelin pozitiv të sipërmarrjes së lirë. Përmes kësaj platforme mbështesim edukimin gjatë gjithë jetës si mjet për zhvillimin personal dhe profesional të brezave. Kontributi juaj do të na ndihmojë në vazhdimin e këtij misioni në gjithë trevat shqipfolëse.

Mund të kontribuoni KETU. Falemnderit.

Must watch
Business Mag Nr. #37 - Prill 2025

Mendo lokalisht, vepro globalisht

Viti 2025 vjen me sfida dhe mundësi të mëdha në sektorë të rëndësishëm të ekonomisë sonë. Turizmi shqiptar po përjeton një rritje të jashtëzakonshme, ku duket se pas një prezantimi mbresëlënës në ITB Berlin, Shqipëria është gati të pozicionohet si një destinacion i rëndësishëm në hartën botërore me një ofertë të larmishme turistike. Paralelisht, tregu i pasurive të paluajtshme po përballet me ndyshime të shumta, ku investimet strategjike dhe zhvillimi i qëndrueshëm janë kyç për suksesin e këtij sektori.
Teknologjia vazhdon të transformojë mënyrën se si jetojmë dhe punojmë. Inteligjenca Artificiale nuk është më thjesht një mjet ndihmës, por një faktor vendimtar që po shkruan rregulla të reja në çdo industri.

Bota përballë sfidës së krijimit të një axhende më humane për Inteligjencën Artificiale – si mund ta vendosim atë në shërbim të njeriut, pa e shndërruar në një rrezik për demokracinë dhe ekonominë globale? Ndërsa jetojmë në një botë që ndryshon vazhdimisht, shohim sesi Fintech është një realitet i padiskutueshëm që po lehtëson ditë pas dite jetën dhe veprimtarinë e bizneseve dhe individëve. Ajo që konfirmojmë me siguri në këtë edicion është sesi bizneset shqiptare po përqafojnë gjithnjë e më shumë një qasje europiane në menaxhim, kulturë, lidership dhe investime, duke u nxitur drejt inovacionit dhe …

Shiko më shumë
Na ndiqni në rrjetet sociale
0