3 kompani po zbulojnë se sa e vështirë është të zëvendësosh plastikën



3 kompanitë më të mëdha në botë na tregojnë sa e vështirë është që ato të zëvëndësojnë plastikën. Reagimi kundër plastikës bëri jehonë vitet e fundit dhe nuk është e vështirë të kuptohet pse. Mediat sociale janë të mbushura me imazhe të krijesave të detit që vdesin të ngatërruar në mbetje plastike dhe shumë komuna po miratojnë ndalimet kundër çantave dhe shisheve. kjo po ndodh edhe në Shqipëri së fundi, Ne jemi të qartë për rreziqet e plastikës me përdorim të vetëm.

Bioplastika shihet si mundësi më miqësore në raportin tonë me mjedisin, por para se të shkoni të kërkoni bioplastikë për shtëpinë ose biznesin tuaj, kini kujdes. Pretendimet për përfitimet nga bioplastika shpesh nuk janë të sakta.

Lexo: Cili është produkti më i mirë i të gjitha kohërave i IKEA-s?

Sipas raportit të fundit nga Wall Street Journal dhe Ars Technica, disa nga kompanitë më të mëdha në botë si Ikea, Lego dhe Coca-Cola kanë qenë në kërkim për alternativa zëvëndësuese të plastikës, me të vërtetë miqësore me mjedisin.

Bioplastika ende ka një rrugë të gjatë për të bërë:

Gjëja e parë që duhet të dini rreth bioplastikës është se termi ende nuk është përcaktuar saktë dhe në thelb askush nuk mund të pajtohet për atë që llogaritet si bioplastike. “Bioplastika është në thelb gjithçka që njerëzit pëlqejnë ta quajnë bioplastikë”, i tha Troy Farah i Ars Technica Frederik Wurm, një kimist në Institutin Max Planck për Kërkimet Polimer. Ajo që shumica e njerëzve shpresojnë është një plastikë e bërë nga materiale natyrore, që shpërbëhet kur e hidhni normalisht dhe që gjeneron më pak ndotje nga prodhimi i saj.

Por, siç raporton Farah, shumica e bioplastikave aktuale nuk e arrijnë këtë. Ose ato janë po aq ndotëse të prodhohen, pasi nuk shpërbëhen përveçse në kushte shumë specifike industriale, ose janë shumë të shtrenjta për t’u tregtuar.

Kompanitë po përpiqen të ulin përdorimin e plastikës

Për konsumatorët duhet të bëni kujdes në lidhje me çdo gjë që tregtohet si plastikë “bio”. Para blerjes, shikoni nëse plastika mund të eliminohet krejtësisht. “Një ndryshim kulturor rreth konsumit është më i rëndësishëm sesa gjetja e plastikave alternative. “Konsumimi i pakët i plastikës duhet të jetë në fokus”, shkruan Farah.

Ndërkohë, kompanitë që kërkojnë të kënaqin klientët me ndjeshmëri ndaj ambientit, përballen me sfida serioze. Drejtues në fushën mjedisore i krahasojnë përpjekjet për gjetjen e plastikës me bazë bimore me zbarkimin e hënës. “Kur Kennedy tha se dëshironte të dërgonte një njeri në Hënë, shumë teknologji dhe kërkesa nuk ekzistonin. Ne duhet të dalim jashtë dhe ta ndërtojmë atë,” i tha drejtori i lartë i mjedisit të Lego, Tim Guy Brooks.

“IKEA gjithashtu po përpiqet të sjellë risi. Por deri më tani, produkti i vetëm plastik i tij me bazë bimore është një qese frigoriferike”, raporton në të njëjtin artikull. Coca Cola u tërhoq për shkak të vështirësisë nga objektivi për të përfshirë plastikën me bazë bimore në të gjitha shishet, deri në vitin 2020. Është e qartë që ne kemi një rrugë të gjatë për të gjetur alternativa më të gjelbërta.

“Ndërsa kërkesa e konsumatorit rritet, çmimet bien dhe shfaqen teknologji të reja. Bioplastika, pavarësisht termit, ka të ngjarë të bëhet më e përhapur”, përfundon Farah. Ne gjithashtu mund të gjejmë mënyra për të zvogëluar ambalazhimin. Siç vlerësohet edhe nga Financial Times, startup-et dhe dizajnerët nuk janë duke punuar për këtë problem.

Lexo: Coca-Cola cilësohet për të dytin vit radhazi, marka që krijon më shumë ndotje sipas një auditimi global

Burimi: Inc

Must watch
Business Mag Nr. #23 - Qershor 2020

Të gjitha planet tuaja për këtë vit, si individë apo sipërmarrës mund të jenë përmbysur. Mbërritja e Coronavirusit në Shqipëri paralizoi gjithçka, ashtu si kudo. Në mënyrë të papritur na vuri në kushte tërësisht të tjera pune, na shtoi pasigurinë e shqetësimin për të ardhmen.

Sipërmarrjet, kryesisht në fushën e IT u përshtatën më shpejt, duke angazhuar punonjësit nga shtëpia. Ato zhvilluan dhe më tej mundësitë për të punuar në distancë, ndërkohë që shumë kompani të tjera u mbyllën plotësisht.

Kjo është një periudhë sprove, për individin, drejtuesit dhe liderin. Kjo është lufta që po zhvillohet në spitale dhe fronti i parë i saj janë mjekë, infermierë e sanitarë. Historia e ekonomisë k a treguar se gjithmonë pas një situatë të vështirë ka një ringritje. Dhe ne besojmë se kështu do të jetë.

Deri atëhërë ajo çka na mbetet të bëjmë është respektimi i rregullave të kërkuara, marrja e përgjegjësive ndaj të tretëve për aq sa mundemi, e të interesohemi për të pamundurit, të ndajmë diçka për ta.

Solidariteti nuk ka munguar e nuk do të na mungojë as kësaj radhe. Ajo çfarë doli në pah krahas solidaritetit ishte varfëria: e shtetit, e kompanive dhe e vetë individëve.

Një ditë pas dërgimit të 30 bluzave të bardha në Itali, The Guardian na vlerësoi në artikullin e saj si zemërgjerë edhe pse Ky numër ishte planifikuar të botohej në Prill 2020, por procesi u shty për shkak të masave të ndërmarra si pasojë e shpërthimit të Covid-19. Edhe pse në kohë vështirësish, jemi …

Shiko më shumë
Na ndiqni në rrjetet sociale