10 arsyet pse duhet të investoni në Shqipëri


Më poshtë janë të renditura 10 arsyet pse duhet të investoni në Shqipëri.

1. Klima liberale dhe reformatore e investimit 

Shqipëria ka zbatuar një regjim liberal të investimeve të huaja me qëllim të rritjes së investimeve të huaja direkte. Ligji “Për investimet e huaja“, lejon 100 për qind pronësinë e huaj të kompanive dhe përshkruan mbrojtje specifike për investitorët e huaj. Shqipëria është e angazhuar për zhvillimin e një klime të qëndrueshme dhe të parashikueshme të biznesit, duke vazhduar zbatimin e reformave gjithëpërfshirëse, konsolidimi fiskal që synon reduktimin e borxhit kombëtar, përmirësimin e bashkëpunimit rajonal, investimet në infrastrukturë, si dhe reformimin e sistemit arsimor. Qeveria shqiptare ka lëvizur edhe përpara me një axhendë ambicioze ekonomike dhe strukturore të reformave të cilat do të kontribuojnë për një mjedis më tërheqës të biznesit: rivendosjen e rritjes, përmirësimin e konkurrencës dhe duke krijuar vende të reja pune. “Ligji i ri i Investimeve Strategjike” ofron garanci maksimale ligjore për investitorët e huaj si me poshtë:

o Kuadri ligjor i prokurimit publik udhëhiqet nga parimet e jo-diskriminimit dhe transparencës

o Krijimi i zonave ekonomike ka stimuj të veçantë për investitorët dhe është një gurthemeli për zhvillimin e mëtejshëm

o Ligji “Për Turizmin” ofron stimuj të rinj për investitorët në sektorin e turizmit.

o Qeveria e Shqipërisë ka përmirësuar komunikimin me komunitetin e biznesit, nëpërmjet Këshillit Ekonomik Kombëtar dhe të Këshillit të Investimeve krijuar në bashkëpunim me BERZH-in.

o Qendra Kombëtare e Biznesit shërben si një one-stop-shop për regjistrimin dhe licencimin biznesit.

o Për të filluar një biznes është lehtësuar aplikimi online i procedurave, eshte ulur kosto e regjistrimit, janë konsoliduar taksat, dhe sigurimit shëndetësor dhe regjistrimin e punës bëhen në një aplikim të vetëm.

2. Agjencia Shqiptare e Zhvillimit të Investimeve – AIDA

• Shërbim profesional për investitorët, pa pagesë

• Ekip shumë të motivuar të profesionistëve me përvojë

• Siguron informacione, kontakte dhe mbështetje të menaxhimit të investimeve për investitorët potencialë, si para dhe pas investimit

3. Kosto konkurruese e punës 

• Shqipëria është një nga vendet me pagën më të ulët konkurruese në Evropë

• Sigurime shoqërore, tatimit mbi të ardhurat dhe mbikohë konkurruese

• Skema e punësimit e subvencionuar nga qeveria

• Trajnimi profesional për sektorë të veçantë

4. Popullsi e re dhe e arsimuar 

• 57% e popullsisë së Shqipërisë është nën moshën 35 vjeçare

• Çdo vit, më shumë se 100,000 studentë regjistrohen në universitetet shqiptare

• Një numër i madh i studentëve shqiptarë regjistrohen në universitetet europiane të vendeve të tilla si; Italia, Greqia, Gjermania, Franca, etj

• Anglishtja, italishtja dhe greqishtja fliten gjerësisht, ndërsa frëngjishtja dhe gjermanishtja mësohen në shkollë

5. Incentiva dhe taksa konkuruese

• Normë konkurruese taksash

• Incentiva për investimet strategjike, investime të mëdha dhe investimet rajonale

• Shqipëria 1 Euro – Skema

• Incentiva të tjera sektoriale

6. Vendndodhja optimale gjeografike

– Vendodhja strategjike e Shqiperisë në Ballkanin Perëndimor dhe afërsia me tregjet Europiane

– Lidhja me Evropën nëpërmjet porteve në detin Adriatik dhe Jon

– Mikroklimë favorizuese për sektorë strategjikë të tillë si: Agrikultura dhe Turizmi

– Shqipëria është një urë midis Europës Veriore dhe Jugore me një rrjet transporti në rritje të tillë si portet, rrugët dhe aeroportet.

7. Potencial të fuqishëm rritjeje 

• Rritje më të lartë ekonomike në rajon 2.62% në 2015 dhe 2,96 % në tre mujorin e parë të vitit 2016.

• Fluksi i investimeve të huaja direkte në Shqipëri është rritur ndjeshëm që nga viti 2008, mesatarisht afër 1 miliard dollarë në vit për periudhën 2008-2014.

• FDI është rritur mesatarisht 9% të PBB-së në vitin 2015. Një nga më të lartat në rajon.

i. Shumë kompani lider tashmë përfitojnë nga avantazhet e biznesit në Shqipërisë dhe burimet e pashfrytëzuara natyrore. Deri në fund të vitit 2015, numri i përgjithshëm i kompanive të huaja që operojnë në Shqipëri është 10560.

ii. Ndërtimi i Gazsjellësit Trans-Adriatik ka filluar në vitin 2015. Më shumë se 1.5 miliardë dollarë do të investohen gjatë vitit 2016 dhe 2017. Rruga Trans-Adriatik Pipeline përmes Shqipërisë është rreth 215 km në tokë dhe 37 km në det të hapur në pjesën shqiptare të detit Adriatik.

iii. Burime të rëndësishme natyrore. Patos – Marinza është burimi më i madh në fushën e naftës onshore në Evropë.

iv. Shqipëria ka një gamë të mundësive të investimeve publike-private. Ajo gjithashtu ka një gamë të gjerë të mundësive në sektorët e qëndrueshme dhe në rritje të tilla si: Power & Minierave, Transportit dhe Logjistika, Turizmit dhe Bujqësisë.

v. Regjistrimi i një biznesi të ri dhe kërkesat për licencat, lejet, autorizimet mund të përfundojë brenda 8 orë përmes one-stop-shop për vetëm 0.7 Euro.

vi. Aplikimi Kërkesat për marrjen e statusit “Investime strategjike / Procedura Investitor i asistuar &/ Procedura per Investitor Strategjik të veçantë ” dhe realizimi projekteve të investimeve trajtohen nga departamenti I One-stop-Shop tek AIDA Agjencia Shqiptare e Zhvillimit të Investimeve.

8. Zona të lira ekonomike 

“Për Zonat e lira ekonomike”, ka krijuar një mjedis konkurrues për zonat e zhvillimit teknologjik dhe ekonomik për t’u zhvilluar nga investitorë seriozë. Shqipëria po kërkon nga përfaqësues të sektorit privat të hartojne plane për të operuar në dy fusha me shërbim të plotë, të vendosura në Koplik dhe Spitallë

9. Qasje të lirë në tregjet e mëdha

Shqipëria ka nënshkruar disa MTL (marrëveshje të tregtisë së lire) me tregjet kryesore (Bashkimit Evropian, Turqia, CEFTA-s dhe vendet e EFTA-s) te cilat ofrojnë qasje të lirë doganore me konsumatorët më të mëdhenj të tregut.

10. Stabilitet makroekonomik

– Situata makroekonomike në Shqipëri është karakterizuar nga çmime të qëndrueshme, normat e ulëta të inflacionit dhe normat e ngurta të këmbimit.

– Inflacioni mesatar vjetor ka mbetur relativisht i qëndrueshme për më shumë se një dekadë me inflacionin 1.9% të regjistruar në vitin 2013, 1.6% të regjistruar në 2014 dhe 2% të regjistruar gjatë vitit 2015.

– Papunësia ka rënë pak në vitin 2015, ndërkohë që vendet evropiane po vuajnë.

 

burimi: aida.gov.al

Must watch
Business Mag Nr. #24 - Tetor 2020

Numri 24 i revistës Businessmag.al sjell një panoramë të zhvillimeve, përshtatjeve dhe ecurisë në sektorë të ndryshëm të ekonomisë. Në të njëjtën kohë, shohim zhvillime relativisht të kënaqshme.  Organizime të reja si Dhoma Ekonomike e Gruas, duket si një shpresë për më shumë zë, lobim dhe mbështetje për gratë sipërmarrëse dhe sipërmarrjet e reja.

Gjatë kësaj periudhe angazhime si programi “Ringrihu më i fortë”, ishin një lloj kundërpërgjigje ndaj dëmeve ekonomike që po shkakton pandemia.

Influencerat vijojnë të rrisin hapësirat e tyre dhe janë bërë një instrument i rëndësishëm marketimi. Në brendësi të revistës do të gjeni renditjen e top 100 influencerave më të mëdhenj në vend.

Gjatë kësaj vere ndërkohë, vetë Businessmag pati një fushatë të suksesshme të promovimit të turizmit shqiptar. Qindra të rinj u angazhuan të dërgojnë foto dhe përshkrimet e vendeve të ndryshme të Shqipërisë.

Shiko më shumë
Na ndiqni në rrjetet sociale