Zvicra prezanton sistemin e parë të kontrollit të trafikut të dronëve në Europë » Business Magazine Albania – Media Dixhitale dedikuar Sipërmarrjes
Përditësuar së fundmi: 13/03/2018

Zvicra prezanton sistemin e parë të kontrollit të trafikut të dronëve në Europë

Share
nga Anerola Torollari
Mar 13, 2018
Studied at Faculty of Science, Content Editor Biznesi at Business Magazine
lexo me teper >

Sistemi zviceran do të bëjë vendosjen e parë të U-hapësirës (U-space), një infrastrukturë dixhitale në Europë që synon parandalimin e aksidenteve që përfshijnë dronët. Faza e testimit do të fillojë në Qershor të këtij viti, sipas agjencisë zvicerane të lajmeve ATS.

Këtë verë në Zvicër, shitjet e dronëve pritet të rriten, duke shtuar presionin për siguri dhe rregulla më të rrepta.

Sistemi kombëtar i menaxhimit për mjetet ajrore pa pilot (UAV) do të jetë i pari i këtij lloji në kontinentin europian. Projekti është nisur si një bashkëpunim mes Skyguide, shërbimi i navigacionit ajror zviceran dhe AirMap, një platformë për menaxhimin e hapësirës ajrore me bazë në Kaliforni.

Në një komunikim të përbashkët për shtyp, të dy kompanitë paraqitën planet e tyre për të krijuar një “hapësirë më të madhe U-zvicerane” që përfshin regjistrimin e dronit, kufijtë virtualë të bazuar në GPS të njohur si zona gjeografike dhe alarmet në kohë reale për pilotët UAV, të cilët do të jenë të lidhur me shërbimet zvicerane të kontrollit të trafikut ajror.

Sistemi i kontrollit UAV do t’u siguronte dronëve “akses të sigurtë në qiellin zviceran,” shkruajnë ata, duke shtuar se presin që sistemi të jetë “plotësisht funksional” në verën e vitit 2019.

Ekonomi që lulëzon

Një projekt i tillë do të jetë një “katalizator” për rritjen e ekonomisë së dronëve në Zvicër, e cila tashmë po lulëzon, tha Skyguide. Sipas njoftimit për shtyp, numri i kërkesave të fluturimit UAV të marra nga Skyguide është rritur dhjetë herë që nga viti 2013.

burimi: swissinfo


Evente

Seminar për “Negociatat dhe Shitjet B2B”

Dhjetor 19, 2018
9 AM – 5:30 PM