Xiaomi ndalon prodhimin e telefonave 4G, fokusi në teknologjinë 6G dhe internetin satelitor

Drejtori ekzekutiv i gjigantit teknologjik kinez, Xiaomi ka bërë të ditur se kompania e tij do ta ndalë prodhimin e smartfonëve 4G për tregun kinez deri në fund të vitit. Xiaomi do ta fokusojë energjinë e saj në zhvillimin e internetit satelitor dhe teknologjisë 6G.

Megjithatë, qarkullimi i modeleve 4G në tregun ndërkombëtar, ashtu si edhe në Indi, do të vazhdojë. Në një intervistë për Xinhua, Lei Jun, bashkëpronar dhe drejtor ekzekutiv i gjigantit teknologjik, ka shpalosur planet për të ardhmen. Problemet me të cilat përballet kompania, shkaku i pandemisë, u trajtuan gjithashtu në këtë intervistë.

Xiaomi ka prodhuar aparate 5G, për revolucionarizimin e mënyrës se si përdoren smartfonët. Duke filluar nga lojërat dhe deri tek audio konferencat, firma synon që t’i përhapë pajisjet e veta 5G në tregun botëror. “Për shkak të ndikimit të epidemisë, promovimi i shtrirjes së 5G është ngadalësuar, por strategjia jonë nuk ka ndryshuar dhe ne do të vazhdojmë t’i shtyjmë përpara celularët 5G”, ka thënë Lei Jun në intervistë.

Për më tepër, Xiaomi gjithashtu ka filluar hulumtimin mbi teknologjinë 6G dhe zhvillimin e internetit satelitor. Zhvillimi i satelitit do ta bëjë internetin të arritshëm për ata që jetojnë në zonat rurale me rrjete të dobëta telefonike. Vendimi për tërheqjen e pajisjeve 4G është i kuptueshëm, duke marrë parasysh që shumica e rrjeteve në Kinë kanë përqafuar teknologjinë e re.

FIRSTPOST

Must watch
Business Mag Nr. #23 - Qershor 2020

Të gjitha planet tuaja për këtë vit, si individë apo sipërmarrës mund të jenë përmbysur. Mbërritja e Coronavirusit në Shqipëri paralizoi gjithçka, ashtu si kudo. Në mënyrë të papritur na vuri në kushte tërësisht të tjera pune, na shtoi pasigurinë e shqetësimin për të ardhmen.

Sipërmarrjet, kryesisht në fushën e IT u përshtatën më shpejt, duke angazhuar punonjësit nga shtëpia. Ato zhvilluan dhe më tej mundësitë për të punuar në distancë, ndërkohë që shumë kompani të tjera u mbyllën plotësisht.

Kjo është një periudhë sprove, për individin, drejtuesit dhe liderin. Kjo është lufta që po zhvillohet në spitale dhe fronti i parë i saj janë mjekë, infermierë e sanitarë. Historia e ekonomisë k a treguar se gjithmonë pas një situatë të vështirë ka një ringritje. Dhe ne besojmë se kështu do të jetë.

Deri atëhërë ajo çka na mbetet të bëjmë është respektimi i rregullave të kërkuara, marrja e përgjegjësive ndaj të tretëve për aq sa mundemi, e të interesohemi për të pamundurit, të ndajmë diçka për ta.

Solidariteti nuk ka munguar e nuk do të na mungojë as kësaj radhe. Ajo çfarë doli në pah krahas solidaritetit ishte varfëria: e shtetit, e kompanive dhe e vetë individëve.

Një ditë pas dërgimit të 30 bluzave të bardha në Itali, The Guardian na vlerësoi në artikullin e saj si zemërgjerë edhe pse Ky numër ishte planifikuar të botohej në Prill 2020, por procesi u shty për shkak të masave të ndërmarra si pasojë e shpërthimit të Covid-19. Edhe pse në kohë vështirësish, jemi …

Shiko më shumë
Na ndiqni në rrjetet sociale