Apple po planifikon, sipas raportimeve, të ulë kostot e prodhimit për modelin standard të iPhone 18, duke e afruar atë më shumë me variantin më ekonomik iPhone 18e.
Sipas një burimi nga Weibo, kompania po aplikon disa “ulje” në procesin e prodhimit, duke përfshirë ndryshime në çip, memorie dhe komponentë të tjerë. Qëllimi është të reduktohen shpenzimet dhe të pozicionohet më mirë produkti në raport me modelet më të lira në linjë. Kjo strategji mund të bëjë që iPhone 18 standard të ngjajë më shumë me versionin “e”, duke rritur diferencën mes modeleve bazë dhe atyre premium si iPhone 18 Pro dhe iPhone 18 Pro Max.
Lexo edhe: Transporti 2030, një strategji mes mundësisë dhe riskut të zbatimit
Një tjetër ndryshim i rëndësishëm që po shqyrtohet është kalendari i lançimeve. Në vend që të prezantojë të gjithë linjën në vjeshtë, Apple mund ta ndajë atë në dy faza: modelet Pro dhe një iPhone i ri i palosshëm (“Ultra”) mund të prezantohen në shtator 2026, ndërsa iPhone 18 standard, 18e dhe një version i ri i iPhone Air mund të dalin në pranverë 2027.
Nëse këto plane realizohen, Apple synon të krijojë një diferencim më të qartë mes produkteve të saj dhe njëkohësisht të shpërndajë kërkesën në treg në periudha të ndryshme.
Megjithatë, ende nuk dihet saktësisht se cilët komponentë do të preken nga këto ndryshime, pasi kompania duket se po kërkon të ulë kostot pa ndryshuar ndjeshëm dizajnin e jashtëm të pajisjes.
Që nga viti 2015 nxisim shpirtin sipërmarrës, inovacionin dhe rritjen personale duke ndikuar në zhvillimin e një mjedisi motivues dhe pozitiv tek lexuesit tanë. Mbështetja juaj na ndihmon ta vazhdojmë këtë mision.
Na Suporto
