Më 12 mars 2021 është njoftuar mbledhja e Forumit Ekonomik të Tiranës në kryeqytet i cili do të zhvillohet online. Forumi ka bërë të ditur tashmë disa prej folësve të konfirmuar, të cilët vijnë nga bota e biznesit dhe e politikës.
Pjesë e Forumit do të jenë liderët e qeverive të Ballkanit përfshirë Kryeministrin e vendit tonë Edi Rama, Kryeministrja e Serbisë, Ana Brnabic, Kryeministri i Maqedonisë së veriut Zoran Zaev dhe Olivér Várhelyi, komisionar i BE-së.
Agjenda përfshin:
- Fjalimi mbi stabilitetin rajonal dhe bashkëpunimin ku do të flasë ministri i punëve të jashtme në Greqi.
- Fjalimi mbi rimëkëmbjen e ekonomisë së Shqipërisë nga ministrja e Financave Anila Denaj.
- Fjalimi mbi energjinë, infrastrukturën dhe turizmin nga përfaqësuesi i Ministrisë së Energjitikës Gjergji Simaku.
- Fjalimi mbi komunikacionin nga drejtuesit e kompanive telekomunikative në vend, AlbTelekom dhe Vodafone.
- Fjalimi mbi “smartcity” dhe urbanizimi e qyteteve nga përfaqësuesja e Bashkisë Tiranë, Anuela Ristani.
- Pjesë e Forumit si komentues do të jenë Ambasadorja e SHBA-së në Shqipëri, Yuri Kim. Ambasadori i Italisë në Shqipëri Fabrizio Bucci dhe Ambasadori i Gjermanisë në vend tonë Peter Zingraf
Që nga viti 2015 nxisim shpirtin sipërmarrës, inovacionin dhe rritjen personale duke ndikuar në zhvillimin e një mjedisi motivues dhe pozitiv tek lexuesit tanë. Kjo punë që e bëjmë me shumë dashuri nuk ka të paguar. Ne jemi platforma e vetme e cila promovon modelin pozitiv të sipërmarrjes së lirë. Përmes kësaj platforme mbështesim edukimin gjatë gjithë jetës si mjet për zhvillimin personal dhe profesional të brezave. Kontributi juaj do të na ndihmojë në vazhdimin e këtij misioni në gjithë trevat shqipfolëse.
Mund të kontribuoni KETU. Falemnderit.
