Shqiptarët që ndodhen në Rumani mund të rinovojnë online lejen e qëndrimit. Shqiptarët në Hungari mund të aplikojnë për zgjatjen e vizës

Vizat e lejet e qëndrimit shtyhen për qytetarët që janë në Rumani e Hungari. Ja si duhet të aplikoni


 

Ministria e Jashtme ka njoftuar qytetarët shqiptarë që ndodhen në Rumani dhe Hungari se nuk do të penalizohen në rast se u ka mbaruar viza e tipit C. Por, qytetarët duhet të ndjekin disa procedura. 

Lexo: Shpallet gjendja e fatkeqësisë natyrore në Shqipëri

Ministria, pas konsultimeve me autoritetet rumune, ka arritur në përfundimin se shtetasit shqiptarë, të detyruar të qëndrojnë në Rumani, për shkak të kufizimeve, përtej periudhës së lejuar prej 90 ditësh apo ata që do t’u skadojë viza në këtë periudhë, duhet t’i drejtohen Inspektoriatit të Përgjithshëm
për Migracionin pranë Ministrisë së Punëve të Brendshme. Kontaktet i gjeni KËTU:

Ndërkohë, qytetarët, të cilëve u skadon Leja e Qëndrimit gjatë kësaj periudhe, duhet ta rinovojnë atë online KËTU, ose t’u drejtohen zyrave të Inspektoratit të Përgjithshëm për Migracionin në qytetin ku jetojnë. Dokumentacioni i nevojshëm për aplikim për rinovim gjendet KËTU

Ministria informon edhe qytetarët që ndodhen në Hungari, me një vizë të vlefshme apo që e kanë të pamundur të largohen nga zona Schengen brenda periudhës 90 ditore, për shkak të rrethanave që nuk varen nga ata, mund të aplikojnë për zgjatjen e vizës së tipit C pranë autoriteteve hungareze.

Qytetarët shqiptarë, të cilëve tashmë u ka skaduar viza dhe që e kanë pasur të pamundur të udhëtojnë jashtë vendit për shkak të kufizimeve, mund të paraqesin kërkesën e tyre për zgjatjen e vizës pranë Drejtorisë së Përgjithshme të Policisë për të Huajt në Hungari.

Lexo: Bashkimi Europian i akordon Shqipërisë 50 milionë euro për luftën kundër Covid-19

Ju mund të kontaktoni me autoritetet hungareze KËTU, si dhe të informoheni në lidhje me pandeminë e koronavirusit KËTU dhe si ndikon kjo situatë në procedurat e zgjatjes së qëndrimit KËTU.

 

Must watch
Business Mag Nr. #25 - Mars 2021

Kjo periudhë përkon me një vit të plotë në kushte pandemie në vendin tonë, në Europë dhe në mbarë botën. Në një vit ndodhën shumë zhvillime, të paparashkuara ndonjëherë më parë nga ne, duke hedhur poshtë shumë plane apo projekte tonat për rritjen. Por, në këtë kohë sipërmarrje të ndryshme u vunë në lëvizje për të gjetur zgjidhje të reja e për të siguruar mbijetesën.

Në këtë numër të revistës, vijnë zhvillimet përmes gjurmëve që kanë lënë tek industri, sipërmarrje apo individë sipërmarrës.

Pano Soko, ekonomist i njohur flet për efektet e paketave ekonomike të mbështetjes dhe nevojën për paketa ndihme në industritë e prekura.

Rubrika 3X3 i kushtohet industrisë së verërave. Nga intervistat tona me 3 prodhues rezulton se

verërat shqiptare janë të “paralizuara” nga pandemia.

Verërat janë në një trend me turizmin. Brunila Liçaj, profesore dhe eksperte në fushën e turizmit është optimiste për të ardhmen e kësaj fushe.

Në rubrikën e brandeve kemi sjellë, fabrikën e qumështit dhe prodhimeve të bulmetit “Lufra”, ndërsa një brand që po rimëkëmbet nga Kosova është prodhuesi i këpucëve artizanale “Perolli”. Të dy këto brande janë model frymëzimi për njerëzit e punës!

Një pjesë e rëndësishme e revistës i dedikohet konkursit dhe fituesve të Businessmag në …

Shiko më shumë
Na ndiqni në rrjetet sociale
0