Vendi nuk do të mbyllet më edhe nëse rriten infektimet

Vendi nuk do të mbyllet më edhe nëse rriten infektimet

Edi Rama

Qeveria nuk do të mbyllë më vendin edhe nëse numri i të infektuarve me koronavirus rritet. Kryeministri Edi Rama deklaroi këtë të premte se një mbyllje e vendit në të ardhmen është diçka “me përmasa jashtëzakonisht kritike për të gjithë”.

Kreu i qeverisë deklaroi se njerëzit duhet të marrin përgjegjësi personale. Ai u shpreh që ata duhet të jenë të vetëdijshëm që virusi nuk ka ikur akoma.

“Një mbyllje tjetër e Shqipërisë është diçka me përmasa jashtëzakonisht kritike për të gjithë. Një kontroll i rregullave në hapje, me polici dhe ushtri për çdo qytetar është i pamundur. Rritja e numrave ndodh në të gjitha vendet që hapen dhe është çdo qytetar që duhet të marrë përgjegjësinë e vet. Po bëjmë çmos për sa na takon, por nuk mendoj që duhet t’i kthehemi mbylljes. Të gjithë duhet të jenë të vetëdijshëm që virusi nuk ka ikur dhe nuk do ikë”, tha Rama, i cili shtoi se mbyllja e parë shërbeu si masë për t’u vetëdijësuar se virusi qarkullon mes nesh.

Lexoni: Trafikimi i produkteve mjekësore gjatë COVID-19, një kërcënim për shëndetin publik

Kreu i qeverisë tha se është në dorë të ISHP-së të vendosë nëse do të kenë të drejtë spitalet private të bëjnë teste apo jo.

“Kemi rritur numrin e testeve dhe testet i bën autoriteti përkatës. A ja jep, a s’ja jep të drejtën spitale private, kjo është çështje e autoriteteve përkatëse”, tha Rama.

Që nga viti 2015 nxisim shpirtin sipërmarrës, inovacionin dhe rritjen personale duke ndikuar në zhvillimin e një mjedisi motivues dhe pozitiv tek lexuesit tanë. Kjo punë që e bëjmë me shumë dashuri nuk ka të paguar. Ne jemi platforma e vetme e cila promovon modelin pozitiv të sipërmarrjes së lirë. Përmes kësaj platforme mbështesim edukimin gjatë gjithë jetës si mjet për zhvillimin personal dhe profesional të brezave. Kontributi juaj do të na ndihmojë në vazhdimin e këtij misioni në gjithë trevat shqipfolëse.

Mund të kontribuoni KETU. Falemnderit.

Must watch
Business Mag Nr. #34 - Mars 2024

Për një vit të mbarë!

Viti 2024 ka nisur me sfidat dhe mundësitë e tij. Ndërsa kompanitë do të duhet të përballen me disa ndryshime ligjore dhe njëkohësisht trendet e tregjeve: si rritje çmimesh dhe rritje e kostos së fuqisë punëtore, startupet janë para mundësive dhe një klime favorizuese. Thirrje të shumta janë hapur në fushën e biznesit, kulturës dhe ideve të gjelbërta. Ndër më të rëndësishmit, programi i qeverisë për financimin e 80 startupeve në tre faza zhvillimi të tyre

Për të kuptuar rëndësinë e bizneseve të reja, veçanërisht në teknologji, mjafton të shohim që edhe sipërmarrje të konsoliduara vendase, si një grup kompanish si Balfin, kanë një vëmendje të theksuar tek startupet. Z. Samir Mane, President i këtij grupi, prej kohësh ka treguar interes, duke i mbështetur, por edhe duke investuar në një prej startupeve që pritet të sjellë revolucion në bio-inxhinieri. Vëmendja tek risia dhe inovacioni vlerësohet të jetë një nga arsyet kryesore, përse audienca jonë e zgjodhi në kompeticionin tonë të dhjetorit si Sipërmarrësi i Vitit. Në një intervistë ekskluzive, z. Mane tregon për ne copëza domethënëse nga …

Shiko më shumë
Na ndiqni në rrjetet sociale
0