Vajza më e vogël e bashkëthemeluesit të ndjerë të Apple, Steve Jobs, i është bashkuar korit të kritikëve që rishikojnë versionin e fundit të iPhone shpallur nga Apple – dhe ajo nuk është e impresionuar.
Në një story në Instagram të titulluar “Unë po kaloj nga iPhone 13 në iPhone 14”, Eve Jobs ndau një foto të një burri duke hapur me krenari një këmishë të re identike me atë që ka veshur.
Meme erdhi pasi gjigandi i teknologjisë zbuloi veçoritë më të fundit të iPhone. Ato përfshijnë një kamera të re, bateri më të gjatë dhe kapacitet të thirrjeve urgjente nëpërmjet satelitit. Ngjarja vjetore ndiqet nga afër nga teknikë të etur për një paraqitje të shkurtër të pajisjeve më të fundit dhe investitorët që përpiqen të parashikojnë nëse versionet e reja janë mjaft emocionuese për të lëshuar një shpërthim blerjesh.
Lexo edhe: iPhone 14: Përdor satelitin për mesazhe urgjente, kthejeni nga qielli!
Meme-ja që Eve jobs ndau përmes “story’ në Instagram, të cilat nuk janë të përhershme, u qarkullua fillimisht në mediat sociale nga një llogari e fokusuar tek investitorët, Wall Street Memes.
Zonja Jobs, një modele dhe kalorëse, zakonisht përdor llogarinë e saj në Instagram për të ofruar përditësime nga karriera e saj, si një pamje paraprake e paraqitjes së saj në kopertinën e Vogue Japan.
Udhëheqësi legjendar i Apple, Steve Jobs, i cili mbikëqyri disa nga zhvillimet më të mëdha në telefonat dhe kompjuterët personalë, vdiq në vitin 2011 nga kanceri në moshën 56-vjeçare.
Që nga viti 2015 nxisim shpirtin sipërmarrës, inovacionin dhe rritjen personale duke ndikuar në zhvillimin e një mjedisi motivues dhe pozitiv tek lexuesit tanë. Kjo punë që e bëjmë me shumë dashuri nuk ka të paguar. Ne jemi platforma e vetme e cila promovon modelin pozitiv të sipërmarrjes së lirë. Përmes kësaj platforme mbështesim edukimin gjatë gjithë jetës si mjet për zhvillimin personal dhe profesional të brezave. Kontributi juaj do të na ndihmojë në vazhdimin e këtij misioni në gjithë trevat shqipfolëse.
Mund të kontribuoni KETU. Falemnderit.
