Në një stuhi postimesh në mbrëmjen e së Dielës, Trump dukej se po argëtohej me divorcin e afërt të Jeff Bezos nga gruaja e tij, MacKenzie. Presidenti i vendosi Bezos një pseudonim, duke e quajtur atë “Jeff Bozo”.
Trump ka qenë prej kohësh kritik ndaj Bezos, i cili bleu The Washington Post, një gazetë që presidenti ka sulmuar gjatë raportimit mbi administrimin e tij në vitin 2013.
Lexoni: A do të jetë Jeff Bezos njeriu më i pasur në botë edhe pas divorcit?
The Washington Post botoi një artikull duke zbuluar se Trump kishte fshehur takimet e tij me presidentin rus Vladimir Putin, duke fshehur detaje edhe nga zyrtarë të lartë. Trump foli në Fox News më pas për të kundërshtuar artikullin, duke thënë: “Unë nuk jam duke mbajtur asgjë të fshehtë dhe nuk më intereson se çfarë shkruhet.”
Presidenti gjithashtu ka një histori armiqësie ndaj Amazon, që Bezos drejton si CEO. Faqja e lajmeve Axios raportoi në Mars se Trump ishte “i fiksuar” në falimentimin e Amazon.
Në postim, Trump shfaqet duke lavdëruar National Enquirer, një tabloid thashethemesh që publikoi detajet e marrëdhënies së Bezos.
Postimi i Trump në Twitter:
Më vjen shumë keq të dëgjoj që lajmi rreth Jeff Bozo është raportuar nga një konkurrent, raportimi i të cilit, është shumë më i saktë se sa raportimi në gazetën e tij lobiste, The Amazon Washington Post. Shpresoj që gazeta së shpejti do të jetë në duar më të mira dhe më të përgjegjshme!
burimi: BusinessInsider
Që nga viti 2015 nxisim shpirtin sipërmarrës, inovacionin dhe rritjen personale duke ndikuar në zhvillimin e një mjedisi motivues dhe pozitiv tek lexuesit tanë. Kjo punë që e bëjmë me shumë dashuri nuk ka të paguar. Ne jemi platforma e vetme e cila promovon modelin pozitiv të sipërmarrjes së lirë. Përmes kësaj platforme mbështesim edukimin gjatë gjithë jetës si mjet për zhvillimin personal dhe profesional të brezave. Kontributi juaj do të na ndihmojë në vazhdimin e këtij misioni në gjithë trevat shqipfolëse.
Mund të kontribuoni KETU. Falemnderit.
