Femrat të cilat marrin detyra në Silicon Valley përballen me seksizmin e thellë sistematik. Një studim i fundit mbi femrat drejtuese në sektorin e teknologjisë zbuloi se 60% e tyre ka qenë pjesë e ofertave të padëshiruara seksuale në vendin e punës. Nga këto, 65% e tyre raportojnë se i kanë marrë këto oferta nga një drejtues. 90% raportuan se kanë qenë dëshmitare të sjelljeve seksiste në konferencat e kompanisë ose jashtë saj.
“Fairygodboss” është një sit online për vlerësimin e femrave i cili ka mbledhur të dhëna të dorëzuara nga 20,000 përdoruesë për të renditur kompanitë teknologjike ku punonjëset femra ndihen se janë të trajtuara njëlloj me kolegët meshkuj.
Që nga koha kur startupi lançoi këto renditjet në Shkurt, Apple ka mbajtur pozicionin lider në të treja listat që kanë lidhje me teknologjinë, lista të cilat azhornohen në mënyrë të përditshme ndërsa vijnë të dhëna të reja.
72% e femrave të pyetura që punojnë në Apple raportuan se trajtohen në mënyrë të barabartë me meshkujt. E dyta në listë vjen Google me 59% dhe Microsoft me 58%.
Duke patur performancë më të dobët në këtë aspekt renditeshin kompanitë: Amazon, Hewlett-Packard dhe Oracle. Vetëm 30% e pjesëtarëve të Fairygodboss e të punësuarve të fundit raportuan se ndiheshin të trajtuar në mënyrë të barabartë.
Apple, Salesforce dhe Google gjithashtu qëndrojnë në majë edhe të një liste të dytë të kompanive teknologjike ku femrat ndihen më të lumtura. Amazon e cila sipas New York Times njihet për kulturën “e zymtë” të korporatës në një investigim të 2015-ës, renditej e fundit.
Gjigandi i shitjeve online qëndronte gjithashtu edhe në fund të listës së kompanive teknologjike të Fairygodboss të cilat femrat duhet t’ua rekomandonin femrave të tjera, me 35%. Performancë më të mirë në renditje kishin: Apple me 78% dhe Salesforce me 73%.
Fairygodboss është ide e Georgene Huang, e cila bashkëthemeloi portalin në 2015-ën me mikun e tij Romy Neëman, një ish-drejtues në Indeksin “Dow Jones” të Bursës bazuar në eksperiencën e saj të kërkimit të një pune ndërsa ishte shtatzënë.
Startupi kohët e fundit zbuloi të dhëna mbi barazinë gjinore për të gjitha industritë, në të cilat rezulton se teknologjia nuk është sektori më i keq në termat e trajtimit të barabartë të femrave dhe meshkujve. Ky dyshim shkonte në fakt për sektorët e aeronautikës dhe automobilizimit.
/Publikuar më parë në Forbes.
Që nga viti 2015 nxisim shpirtin sipërmarrës, inovacionin dhe rritjen personale duke ndikuar në zhvillimin e një mjedisi motivues dhe pozitiv tek lexuesit tanë. Mbështetja juaj na ndihmon ta vazhdojmë këtë mision.
Na Suporto
