Top 5 kanalet më të paguar të YouTube


Ndikimi i YouTube në kulturën pop nuk mund të shpërfillet, yjet më të mirë të platformës bëhen ndikuesit kryesorë të botës, lakmuar nga mediat dhe reklamuesit për aftësinë e tyre për të arritur dhjetëra miliona ndjekës çdo ditë.

Ndërkohë që influencers bëhen më të vlefshëm, shumë YouTubers të njohur kanë qenë në gjendje të kthejnë markat e tyre personale në biznese miliona dollarëshe. Ndërsa formula për suksesin në YouTube ndryshon midis kanaleve, YouTubers më të suksesshëm kanë qenë në gjendje të gjejnë burime të reja të ardhurash përtej të ardhurave nga reklamat në videot e tyre. Për disa, kjo do të thotë linjat personale të veshjeve dhe shfaqjet televizive, ndërsa të tjerët kanë kapitalizuar suksesin e tyre me tour- live dhe me review të lodrave.

Lexoni: 17 kanale në YouTube që adhuruesit e makinave duhet t’i konsiderojnë

Forbes kohët e fundit ka publikuar listën e YouTubers që paguhen më shumë, bazuar në të ardhurat e tyre nga data 1 Qershor 2017, deri më 1 Qershor 2018.

#5: Jeffree Star
Fitimet për vitin 2018: 18 milionë dollarë

Sapo u njoh si personi më i ndjekur në MySpace, Jeffree Star ka bërë një tranzicion të suksesshëm në YouTube që nga viti 2014. Star lançoi kanalin e tij së bashku me markën e tij të kozmetikës, Jeffree Star Cosmetics, duke publikuar këshilla për bukurinë, mësime dhe vloge personale. Star ka fituar më shumë se 13 milionë subscribers me rreth 300 video.

#4: DanTDM
Fitimet për vitin 2018: 18.5 milionë dollarë

Daniel Middleton transmeton video-lojëra në kanalin e tij “DanTDM”. Të ardhurat e Middleton u rritën në sajë të një turneu botëror që përfshinte katër shfaqje në Shtëpinë e Operës së Sidnej dhe një markë të veshjeve personale. Middleton krijoi audiencën e tij masive duke transmetuar “Minecraft” dhe kohët e fundit kishte një rol në “Ralph Breaks the Internet” të Disney si eBoy.

#3: Dude Perfect
Fitimet për vitin 2018: 20 milionë dollarë

Dude Perfect është një kanal i fokusuar në sporte që përmban qindra truke të ndryshme. Kanali drejtohet nga një grup prej pesë personash: binjakët Cory dhe Coby Cotton, Garrett Hilbert, Cody Jones dhe Tyler Toney, të cilët kanë ndjekur Universitetin Texas A&M. Grupi ka marrë vëmendje mbarë botërore dhe kanë dhënë disa shfaqje në “Good Morning America” dhe shfaqje të shumta ESPN. Ndërsa popullariteti i tyre është rritur, Dude Perfect ka prodhuar gjithashtu video me disa atletë të njohur profesionistë, duke përfshirë Odell Beckham Jr, Drew Brees, Chris Paul dhe Dale Earnhardt Jr.

Lexoni: Kjo është video më e urryer në YouTube për vitin 2018

#2: Jake Paul
Fitimet për vitin 2018: 21.5 milionë dollarë

Jake Paul publikon vlogs dhe video të ndryshme duke arritur më shumë se 18 milionë ndjekës çdo javë. Fama e hershme online e Jake Paul erdhi në fakt nga rrjeti i social-medias Vine, ku kishte më shumë se 5 milionë ndjekës dhe 2 miliardë shikime për përmbajtjen e tij.

#1: Ryan ToysReview
Fitimet për vitin 2018: 22 milionë dollarë

Ryan është ashtu si çdo 7-vjeçar tjetër: Ai pëlqen të luajë më Lego, pëlqen trenat, veturat dhe 17 milionë ndjekësit e tij. Janë prindërit e Ryan, të cilët xhirojnë dhe prodhojnë videot (gati të përditshme) në llogarinë e Ryan që kur Ryan ToysReview filloi në Mars të vitit 2015. Llogaria filloi kur Ryan, atëherë një adhurues 4 vjeçar i videove review të lodrave, i pyeti prindërit e tij pse ai nuk mund t’u bëjë gjithashtu review lodrave në YouTube. Ryan ToysReview filloi me ritme të ngadalta derisa një video e Korrikut të vitit 2015 u bë virale. Videoja kishte në fokus Ryan ndërsa hapte dhe i bënte review një kutie, e cila përmbante më shumë se 100 lodra nga seria e “Makinave” Pixar. Ajo ka rreth 935 milionë shikime.

Lexoni: Ky 7 vjeçar është personi më i pasur në botën e YouTube

Gjithashtu Ryan ka fituar një marrëveshje me Walmart për të shitur një linjë lodrash ekskluzive të quajtur “Ryan’s World” në mbi 2.500 dyqanet e SHBA dhe në faqen e internetit Walmart, sipas Reuters. Ryan’s World ishte më i shitur pas Pocket.

/Forbes

Must watch
Business Mag Nr. #23 - Qershor 2020

Të gjitha planet tuaja për këtë vit, si individë apo sipërmarrës mund të jenë përmbysur. Mbërritja e Coronavirusit në Shqipëri paralizoi gjithçka, ashtu si kudo. Në mënyrë të papritur na vuri në kushte tërësisht të tjera pune, na shtoi pasigurinë e shqetësimin për të ardhmen.

Sipërmarrjet, kryesisht në fushën e IT u përshtatën më shpejt, duke angazhuar punonjësit nga shtëpia. Ato zhvilluan dhe më tej mundësitë për të punuar në distancë, ndërkohë që shumë kompani të tjera u mbyllën plotësisht.

Kjo është një periudhë sprove, për individin, drejtuesit dhe liderin. Kjo është lufta që po zhvillohet në spitale dhe fronti i parë i saj janë mjekë, infermierë e sanitarë. Historia e ekonomisë k a treguar se gjithmonë pas një situatë të vështirë ka një ringritje. Dhe ne besojmë se kështu do të jetë.

Deri atëhërë ajo çka na mbetet të bëjmë është respektimi i rregullave të kërkuara, marrja e përgjegjësive ndaj të tretëve për aq sa mundemi, e të interesohemi për të pamundurit, të ndajmë diçka për ta.

Solidariteti nuk ka munguar e nuk do të na mungojë as kësaj radhe. Ajo çfarë doli në pah krahas solidaritetit ishte varfëria: e shtetit, e kompanive dhe e vetë individëve.

Një ditë pas dërgimit të 30 bluzave të bardha në Itali, The Guardian na vlerësoi në artikullin e saj si zemërgjerë edhe pse Ky numër ishte planifikuar të botohej në Prill 2020, por procesi u shty për shkak të masave të ndërmarra si pasojë e shpërthimit të Covid-19. Edhe pse në kohë vështirësish, jemi …

Shiko më shumë
Na ndiqni në rrjetet sociale