TikTok nxjerr një veçori të re që ju lejon të gjeni këngë duke i kënduar ato - Business Magazine Albania

TikTok nxjerr një veçori të re që ju lejon të gjeni këngë duke i kënduar ato

Tiktok

TikTok po kërkon të sfidojë YouTube Music dhe Shazam me një veçori të re të quajtur “Sound Search”, i cili ju lejon të gjeni një tingull duke kënduar. Kompania konfirmoi se funksioni është i disponueshëm për disa përdorues në rajone të zgjedhura dhe nuk është ende gjerësisht i disponueshëm.

Sound Search ofron një mënyrë tjetër për të gjetur atë që po kërkoni në aplikacion. Në një platformë ku tendencat e bazuara në këngë ndryshojnë me shpejtësi, mjeti mund t’ju ndihmojë gjithashtu të gjeni dhe të kuptoni më mirë tendencat aktuale.

Kërkimi i zërit në TikTok është disi i ngjashëm me mjetin e zbulimit të këngëve të YouTube Music që ju lejon të gjeni emrin e një kënge duke e kënduar, apo duke improvizuar tingullin. Ndërsa Shazam është padyshim mjeti më i famshëm i njohjes së këngëve, këto veçori të reja nga TikTok dhe YouTube Music shkojnë përtej asaj që është e mundur në Shazam, sepse ato ju lejojnë të identifikoni këngët duke i kënduar ato, ndërsa Shazam funksionon vetëm nëse luani këngën aktuale.

 

Dhe ndërsa Shazam dhe YouTube Music mund t’ju ndihmojnë të gjeni emrin e këngëve, mjeti i TikTok nuk është krijuar vetëm për të gjetur këngë, por edhe për t’ju shfaqur video që i përdorin ato.

Nga testimet është zbuluar se sa më e njohur të jetë një këngë në aplikacion, aq më shumë ka të ngjarë që mjeti ta njohë atë. Për shembull, kur këndon “Umbrella” të Rihanna-s, mjeti e njoh shpejt dhe më pas tregon video të njohura që shfaqin këngën ose një remix të saj. Dhe kur këndon thjesht tingullin popullor “oh jo oh jo oh jo jo jo” , mjeti e njeh pothuajse menjëherë.

TikTok është shprehur se kjo risi është krijuar për të gjetur këngë, dhe jo tinguj specifikë të TikTok. Sidoqoftë, në testim është zbuluar se mjeti ishte në gjendje të njihte edhe tinguj/meme të TikTok-ut.

Nuk dihet kur TikTok planifikon ta lëshojë këtë veçori për të gjithë përdoruesit.

techcrunch.com

 

 

 

Që nga viti 2015 nxisim shpirtin sipërmarrës, inovacionin dhe rritjen personale duke ndikuar në zhvillimin e një mjedisi motivues dhe pozitiv tek lexuesit tanë. Kjo punë që e bëjmë me shumë dashuri nuk ka të paguar. Ne jemi platforma e vetme e cila promovon modelin pozitiv të sipërmarrjes së lirë. Përmes kësaj platforme mbështesim edukimin gjatë gjithë jetës si mjet për zhvillimin personal dhe profesional të brezave. Kontributi juaj do të na ndihmojë në vazhdimin e këtij misioni në gjithë trevat shqipfolëse.

Mund të kontribuoni KETU. Falemnderit.

Must watch
Business Mag Nr. #37 - Prill 2025

Mendo lokalisht, vepro globalisht

Viti 2025 vjen me sfida dhe mundësi të mëdha në sektorë të rëndësishëm të ekonomisë sonë. Turizmi shqiptar po përjeton një rritje të jashtëzakonshme, ku duket se pas një prezantimi mbresëlënës në ITB Berlin, Shqipëria është gati të pozicionohet si një destinacion i rëndësishëm në hartën botërore me një ofertë të larmishme turistike. Paralelisht, tregu i pasurive të paluajtshme po përballet me ndyshime të shumta, ku investimet strategjike dhe zhvillimi i qëndrueshëm janë kyç për suksesin e këtij sektori.
Teknologjia vazhdon të transformojë mënyrën se si jetojmë dhe punojmë. Inteligjenca Artificiale nuk është më thjesht një mjet ndihmës, por një faktor vendimtar që po shkruan rregulla të reja në çdo industri.

Bota përballë sfidës së krijimit të një axhende më humane për Inteligjencën Artificiale – si mund ta vendosim atë në shërbim të njeriut, pa e shndërruar në një rrezik për demokracinë dhe ekonominë globale? Ndërsa jetojmë në një botë që ndryshon vazhdimisht, shohim sesi Fintech është një realitet i padiskutueshëm që po lehtëson ditë pas dite jetën dhe veprimtarinë e bizneseve dhe individëve. Ajo që konfirmojmë me siguri në këtë edicion është sesi bizneset shqiptare po përqafojnë gjithnjë e më shumë një qasje europiane në menaxhim, kulturë, lidership dhe investime, duke u nxitur drejt inovacionit dhe …

Shiko më shumë
Na ndiqni në rrjetet sociale
0