Thyhen heshtjen Amazon në lidhje me investimin në industrinë e automjeteve autonome


CEO i Amazon, Jeff Bezos foli kohët e fundit me punonjësit rreth një investimi të madh që ka shkaktuar spekulime të shumta.

Çdo herë që Amazon sjell një risi të re ose bën një lëvizje në një industri të re, ajo ngre alarmin në të gjithë industrinë dhe më gjerë. Çështja në fjalë: blerja e Whole Foods dhe lançimi i dërgesave një-ditore.

Gjiganti i e-commerce bëri një lëvizje të habitshme në qetësi në Shkurt, për të cilën CEO, Jeff Bezos ka folur shumë pak, të paktën publikisht. Ata bënë një investim prej 700 milionë dollarë në startup-in e kamionëve elektrikë dhe konkurrentin e ardhshëm të Tesla, Rivian, duke vendosur që të mos komentonin mbi të. Kjo pasoi me blerjen e aksioneve në Aurora, një startup teknologjik për automjetet autonome.

Lexoni: Për dërgesa më të shpejta, Amazon po ndërton një aeroport

Bezos para punonjësve të tij në një seancë në muajin Mars shprehu se ishte shumë i emocionuar për industrinë e automobilave, duke pasur parasysh se si Uber ka ndryshuar transportin dhe duke pasur parasysh rritjen e makinave elektrike dhe të lidhura. “Do të jetë diçka shumë interesante për të parë dhe për të marrë pjesë dhe unë jam shumë i emocionuar për këtë industri.”

Çuditërisht gjatë takimit, Bezos përforcoi pritshmëritë duke thënë se ai nuk e sheh investimin Rivian si një nxitës të rritjes. E cila shtron pyetjen, atëherë pse e ka bërë këtë investim?

Ja pse hyrja e Amazon në industrinë e automobilave është një lëvizje e zgjuar

Kjo lojë nuk ka të bëjë me fitimin, të paktën jo nga industria e automobilave në vetvete.

Michelle Krebs, një analist dhe ekspert i industrisë së automobilave për Autotrader (një treg online i automjeteve), tha për CNBC, “Ne e dimë se Amazon dëshiron të rinovojë sistemin e saj të shpërndarjes”. Amazon është përpjekur të largohet nga varësia e USPS dhe UPS, duke krijuar edhe një pozicion joshës për punonjësit aktualë që të lënë postin e tyre dhe të fillojnë një biznes transporti. Automjetet autonome mund të avancojnë shumë sistemet logjistike të tyre dhe zinxhirin e furnizimit.

Sipas Gene Munster, një analist në Loup Ventures, investimet e Amazon në teknologjinë autonome të automjeteve gjithashtu u japin atyre “njohuri më të mëdha në teknologjinë më të fundit”, që mund të ketë një përfitim të drejtpërdrejtë në biznesin bazë të kompanisë. Kjo mund të reduktojë kostot e transportit detar, të cilat u rritën 21% në 7.3 miliardë dollarë në tremujorin e mëparshëm. Munster e quajti atë “një formë të Kërkim&Zhvillimit outsourced”.

Në janar, Amazon prezantoi një robot të ri të shpërndarjes, të quajtur Scout. Roboti i vogël autonom, i cilësuar si pjesa më e këndshme e zinxhirit të shpërndarjes së Amazon, ecën përgjatë trotuareve për të çuar pakot e Amazon në pragun e klientëve. Pa dyshim, blerja e Rivian do të ndihmojë në informimin e Scout 2.0 dhe më gjerë.

Amazon Go, dyqani me pakicë pa arkëtarë i lançuar në vitin 2016, “është bërë i mundur nga të njëjtat lloje të teknologjive të përdorura në makinat autonome: vizioni kompjuterik, bashkimi i sensorëve dhe deeplearning,” sipas faqes Amazon Go.

Lexoni: Jeff Bezos zbulon anijen kozmike Blue Moon

Investimet e Amazon në kompanitë autonome janë një mënyrë gjeniale për të kaluar në teknologjinë e lartë dhe në platformat e shumta të biznesit. Gjithnjë e më shumë kompani po përpiqen të avancojnë me risitë e tyre duke iu qasur teknologjive nga kompani të tjera dhe duke u përpjekur ta importojnë në mënyra të ndryshme në të gjithë linjën e tyre të produktit. Procter & Gamble, e ka bërë këtë për vite me radhë në përpjekje për të krijuar produkte më të mira dhe kategori të reja.

Dita kur Amazon do të fillojë të konkurrojë drejpërdrejt me Ford dhe GM nuk do të ndodhë në një të ardhme të afërt, por të paktën është në rrugë të mbarë.

burimi: INC

Must watch
Business Mag Nr. #23 - Qershor 2020

Të gjitha planet tuaja për këtë vit, si individë apo sipërmarrës mund të jenë përmbysur. Mbërritja e Coronavirusit në Shqipëri paralizoi gjithçka, ashtu si kudo. Në mënyrë të papritur na vuri në kushte tërësisht të tjera pune, na shtoi pasigurinë e shqetësimin për të ardhmen.

Sipërmarrjet, kryesisht në fushën e IT u përshtatën më shpejt, duke angazhuar punonjësit nga shtëpia. Ato zhvilluan dhe më tej mundësitë për të punuar në distancë, ndërkohë që shumë kompani të tjera u mbyllën plotësisht.

Kjo është një periudhë sprove, për individin, drejtuesit dhe liderin. Kjo është lufta që po zhvillohet në spitale dhe fronti i parë i saj janë mjekë, infermierë e sanitarë. Historia e ekonomisë k a treguar se gjithmonë pas një situatë të vështirë ka një ringritje. Dhe ne besojmë se kështu do të jetë.

Deri atëhërë ajo çka na mbetet të bëjmë është respektimi i rregullave të kërkuara, marrja e përgjegjësive ndaj të tretëve për aq sa mundemi, e të interesohemi për të pamundurit, të ndajmë diçka për ta.

Solidariteti nuk ka munguar e nuk do të na mungojë as kësaj radhe. Ajo çfarë doli në pah krahas solidaritetit ishte varfëria: e shtetit, e kompanive dhe e vetë individëve.

Një ditë pas dërgimit të 30 bluzave të bardha në Itali, The Guardian na vlerësoi në artikullin e saj si zemërgjerë edhe pse Ky numër ishte planifikuar të botohej në Prill 2020, por procesi u shty për shkak të masave të ndërmarra si pasojë e shpërthimit të Covid-19. Edhe pse në kohë vështirësish, jemi …

Shiko më shumë
Na ndiqni në rrjetet sociale