Nga Prishila Gjoka
“The Brand Gap” nga Marty Neumeier është një libër që të bën të mendohesh dhe të zbulosh në thellësi botën e brandimit, duke ofruar një prespektivë të re dhe holistike mbi temën. Libri i Neumeier nuk është një manual i zakonshëm i brandimit, por një miks i kreativitetit, strategjisë dhe këshillave praktike që janë të domosdoshme për profesionistët e brandit, si dhe për ata që sapo e fillojnë këtë rrugëtim.
Një nga temat kryesore në “The Brand Gap” është ideja se menaxhimi i brandit ka të bëjë me menaxhimin e ndryshimeve. Neumeier thekson se nuk ka të bëjë thjesht me çfarë është e shkruar në fletët e të dhënave, por si këto ndryshime shfaqen në mendjet e njerëzve. Ky koncept vendos bazën për një shqyrtim më të thellë të mënyrave se si kompanitë mund të rrisin vlerën e tyre të markës. Ndonëse strategjitë dhe analizat e bazuara në të dhëna janë të domosdoshme, suksesi i vërtetë i brandit arrihet kur këto elemente plotësohen me krijimtarinë. Ky bashkim i strategjisë dhe krijimtarisë shfaqet në brandet karizmatike si Coca-Cola, Apple dhe Nike, të cilat janë bërë ikonike, për shkak të përfaqësimit të vlerave dhe cilësive që rezonojnë me njerëzit.
Libri përcakton një markë karizmatike si atë për të cilën njerëzit besojnë se nuk ka zëvendësim. Ai thekson se çdo markë, me guxim dhe imagjinatë të mjaftueshme mund të bëhet karizmatike.
Nga ana tjetër, një markë pa fokus nuk përfaqëson asgjë. “Fokus, Fokus, Fokus.” Këto janë tre fjalët më të rëndësishme në brandim. Një markë e fokusuar, e di saktësisht çfarë është, përse është ndryshe dhe pse njerëzit duan të jenë pjesë e saj. Mendësia tradicionale ndaj dizajnit është se ka katër qëllime: të identifikojë, informojë, argëtojë, ose të bindë, por me brandimin ka një të pestë: diferencimi. Ndërkohë që katër të parat janë taktike, e pesta është strategjike, me rrënjët e saj të thella në estetikë, një kombinim i fuqishëm i logjikës dhe krijimtarisë.
ublikua më parë në faqen 76 të numrit 33 të revistës Business Magazine Albania. Ju mund të abonoheni dhe të Shfletoni Këtu nr. 33 të saj.
Që nga viti 2015 nxisim shpirtin sipërmarrës, inovacionin dhe rritjen personale duke ndikuar në zhvillimin e një mjedisi motivues dhe pozitiv tek lexuesit tanë. Mbështetja juaj na ndihmon ta vazhdojmë këtë mision.
Na Suporto
