Biznesi kryesor i SolarCity është financimi dhe instalimi i paneleve diellore. Kompania u themelua në 2006-n nga Peter Rive dhe Lyndon Rive, me ndihmën e kushëririt të tyre: Musk, themeluesit dhe CEO-s së Tesla.
Marrëveshja sipas postimit të bërë në blogun e Musk, do të bëhej duke paguar tërësisht në aksione të Tesla.
“Konsumatorët e Tesla-s mund të ngasin makina me energji të pastër dhe mund të përdorin paketat e baterisë në mënyrë më efiçiente, por prapëseprapë kanë nevojë të kenë akses në burimin më të qëndrueshëm të energjisë që është i disponueshëm: dielli,” ka thënë Tesla në postimin e tij për këtë ofertë.
Tesla theksoi se kombinimi i të dy kompanive do të ishte i aftë të ofronte “energji të pastër të drejtëpërdrejtë pёr konsumatorin.”
SolarCity dhe Tesla nuk kanë qenë kurrë shumë larg njëra-tjetrës. Musk është gjithashtu kryetari i Bordit të Drejtorëve të SolarCity, raporton Mashable.
Oferta e Tesla-s ka qenë rreth 21 % më shumë se sa janë tregtuar aksionet e SolarCity të Martën, të cilat janë rritur pas orëve të tregtimit. Përkundrazi, aksionet e Tesla-s ranë me 12 % pas disa orëve.
Gjithashtu Tesla bëri të ditur edhe një letër të dërguar nga bordit i drejtorëve të Tesla për CEO-n e SolarCitY, Lyndon Rive duke deklaruar qëllimet e tyre.
“Ne mendojmë se një kombinim do të gjeneronte përfitime domethënëse për aksionerët, konsumatorët dhe punonjësit e Tesla dhe SolarCity,” shkruhet në letër. “Ne besojmë se çdo transaksion duhet të jetë rezultat i të dy prej bordeve dhe konsideratave me informacion të plotë për të dy palët e aksionerëve.”
Që nga viti 2015 nxisim shpirtin sipërmarrës, inovacionin dhe rritjen personale duke ndikuar në zhvillimin e një mjedisi motivues dhe pozitiv tek lexuesit tanë. Kjo punë që e bëjmë me shumë dashuri nuk ka të paguar. Ne jemi platforma e vetme e cila promovon modelin pozitiv të sipërmarrjes së lirë. Përmes kësaj platforme mbështesim edukimin gjatë gjithë jetës si mjet për zhvillimin personal dhe profesional të brezave. Kontributi juaj do të na ndihmojë në vazhdimin e këtij misioni në gjithë trevat shqipfolëse.
Mund të kontribuoni KETU. Falemnderit.
