Të rihapen aktivitetet ekonomike. Kërkesa e Konfindustrisë për qeverinë


Konfindustria kërkon që të lehtësohen masat e gjendjes së jashtëzakonshme anti-Covid 19 dhe vendi të kalojë drejt normalitetit të plotë. Në një njoftim për media, Konfindustria ka bërë të ditur se mbështet vendimet e fundit të ekzekutivit për lehtësimin e qarkullimit të qytetarëve dhe fillimin e aktivitetit të disa kategori biznesesh në vend, ndonëse i quan të pamjaftueshme dhe të vonuara.

Sipas Konfindustrisë “masat anti Covid 19 të ndërmarra në Shqipëri nuk janë në përpjestim të drejtë  me rrezikun real shëndetësor dhe mjaft më të ashpra sesa praktikat e vendeve të tjera të Rajonit, përfshi edhe gjithë vendet e zhvilluara si Austria, Hungaria, Zvicra, Gjermania, etj. Vonesat drejt lehtësimit të masave shtrënguese prodhojnë në vazhdimësi një faturë financiare të lartë shtesë të panevojshme me pasoja të rënda në afatgjatë për ekonominë, biznesin, shtimin e dhjetra mijëra të papunëve dhe buxhetin e shtetit”.

Lexo: Konfindustria propozon masa përmirësuese për bizneset

Duke iu referuar të dhënave nga kategori të shumta biznesesh, Konfindustria  shprehet e shqetësuar për rritjen e ndjeshme të faturës financiare, rritjen e rrezikut të falimentimit, papunësisë, që vjen nga zgjatja e gjëndjes së jashtëzakonshme. Në mënyrë të drejtëpërdrejtë është e goditur sidomos industria e shërbimeve, transportit, qendrat tregtare, hoteliere, peshkimit, etj, që përbëjnë 35-40% të PPB. Vetëm nga Qëndrat Tregtare nëse mbyllja vazhdon në periudhë 2 mujore 30% e bizneseve me 6000 punonjës rrezikojnë falimentimin”.

Must watch
Business Mag Nr. #23 - Qershor 2020

Të gjitha planet tuaja për këtë vit, si individë apo sipërmarrës mund të jenë përmbysur. Mbërritja e Coronavirusit në Shqipëri paralizoi gjithçka, ashtu si kudo. Në mënyrë të papritur na vuri në kushte tërësisht të tjera pune, na shtoi pasigurinë e shqetësimin për të ardhmen.

Sipërmarrjet, kryesisht në fushën e IT u përshtatën më shpejt, duke angazhuar punonjësit nga shtëpia. Ato zhvilluan dhe më tej mundësitë për të punuar në distancë, ndërkohë që shumë kompani të tjera u mbyllën plotësisht.

Kjo është një periudhë sprove, për individin, drejtuesit dhe liderin. Kjo është lufta që po zhvillohet në spitale dhe fronti i parë i saj janë mjekë, infermierë e sanitarë. Historia e ekonomisë k a treguar se gjithmonë pas një situatë të vështirë ka një ringritje. Dhe ne besojmë se kështu do të jetë.

Deri atëhërë ajo çka na mbetet të bëjmë është respektimi i rregullave të kërkuara, marrja e përgjegjësive ndaj të tretëve për aq sa mundemi, e të interesohemi për të pamundurit, të ndajmë diçka për ta.

Solidariteti nuk ka munguar e nuk do të na mungojë as kësaj radhe. Ajo çfarë doli në pah krahas solidaritetit ishte varfëria: e shtetit, e kompanive dhe e vetë individëve.

Një ditë pas dërgimit të 30 bluzave të bardha në Itali, The Guardian na vlerësoi në artikullin e saj si zemërgjerë edhe pse Ky numër ishte planifikuar të botohej në Prill 2020, por procesi u shty për shkak të masave të ndërmarra si pasojë e shpërthimit të Covid-19. Edhe pse në kohë vështirësish, jemi …

Shiko më shumë
Na ndiqni në rrjetet sociale