Është publikuar vendimi i Komisionit të Ndihmës Shtetërore për krijimin e fondit të sipërmarrjes turistike, sipas të cilit fondi total shtetëror në ndihmë të sipërmarrjes turistike do të jetë 30 milionë lekë për periudhën 2017-2019.
Ai do të shkojë për mbështetjen e ndërmarrjeve mikro, të vogla dhe të mesme për përmirësimin e klimës dhe kushteve të prodhimit dhe marketimit të produkteve e shërbimeve turistike, duke krijuar bazat për një zhvillim të sektorit të turizmit.
Fondi ka për qëllim dhënien e ndihmës financiare në mbështetje të sipërmarrjeve turistike që zhvillojnë veprimtarinë e tyre si struktura akomoduese të llojit bujtinë në zonat rurale, operatorë turistikë, agro-turizëm dhe shërbime kulinare tradicionale të zonës.
Sipërmarrjet turistike duhet të plotësojnë kushtet: janë ndërmarrje të klasifikuara si mikro ose të vogla; kanë selinë ose vendin kryesor të prodhimit brenda territorit të vendit; ofrojnë shërbime turistike brenda vendit; paraqesin një projekt-propozim ose plan biznesi duke demonstruar se aktivitetet e parashikuara për mbështetje nga Fondi i Sipërmarrjes Turistike janë të rëndësishme për zhvillimin e biznesit të tyre, duke pasur parasysh përdorimin e fondit për një investim afatgjatë.
Ato duhet të jenë të regjistruara në QKB, të mos kenë detyrime tatimore e doganore të papaguara dhe të operojnë në tregun turistik që prej jo më pak se një viti.
burimi: javanews.al
Që nga viti 2015 nxisim shpirtin sipërmarrës, inovacionin dhe rritjen personale duke ndikuar në zhvillimin e një mjedisi motivues dhe pozitiv tek lexuesit tanë. Kjo punë që e bëjmë me shumë dashuri nuk ka të paguar. Ne jemi platforma e vetme e cila promovon modelin pozitiv të sipërmarrjes së lirë. Përmes kësaj platforme mbështesim edukimin gjatë gjithë jetës si mjet për zhvillimin personal dhe profesional të brezave. Kontributi juaj do të na ndihmojë në vazhdimin e këtij misioni në gjithë trevat shqipfolëse.
Mund të kontribuoni KETU. Falemnderit.
Albanian
English