Tani edhe shkenca e pranon se puna fillon shumë herët! » Business Magazine Albania – Media Dixhitale dedikuar Sipërmarrjes
Përditësuar së fundmi: 07/03/2016

Tani edhe shkenca e pranon se puna fillon shumë herët!

Share
nga Xhulia Vasili
Mar 07, 2016
Studied at Faculty of Economy, UT Content Editor Biznesi at Business Mgazine
lexo me teper >

“Zogu i mëngjesit ha krimbat!” është ajo që një ushtri e ekspertëve të produktivitetit u sjellin në mendje atyre që bëjnë ‘luftë’ të zgjohen herët në mëngjes. Por ‘bufat e natës’ kanë një aleat të ri të fuqishëm.

“Në fakt, shkenca thotë se duhet të fle,” mund të përgjigjen ata tani.

Nëse juve ndiheni natyrshëm më të gjallëruar natën dhe ndiheni si një “zombi” para mëngjesit pavarësisht se çfarë keni bërë, pa dyshim se ju ka shkuar jeta me bezdisjen e prindërve që e kishin për të mirën tuaj, mësuesve dhe ‘shitësve’ të këshillave që t’ju shtronin rrugën për të qenë njerëz që zgjoheni herët në mëngjes. Por studimet po bëjnë që kjo shfaqje të bjerë, ne jemi të destinuar të rrimë te ritmi me të cilin kemi lindur.

Nuk duhet të luftoni ritmet tuaja natyrale…
Një studim i fundit nga kompania e testimeve gjenetike 23andMe sugjeron se shumë prej preferencave tona lidhur me orarin mund të jenë si pasojë e gjeneve. Dhe nuk janë vetëm startupet e Silicon Valley që e thonë këtë. “Çdo organizëm, që nga bakteriet primitive te qëniet njerëzore, kanë një orë të brendshme të përcaktuar biologjike,” ka shpjeguar kohët e fundit për BBC Till Roenneberg, një profesor i kronobiologjisë në Institutin e Psikologjisë Njerëzore në Universitetin Ludëig-Maximilian të Mynihut. “Dhe kjo orë mund të variojë shumë nga një njeri në një tjetër.”

“Është si shputat,” thuhet në artikullin që citon Roenneberg të shprehet. “Disa njerëz janë të lindur me shputë të madhe, ndërsa disa të tjerë me shputë të vogël.”

Na vjen keq ju që zgjoheni herët në mëngjes, ‘bufat e natës’ mund të transformohen në njerëz të mëngjesit, po aq sa ju mund të ndryshoni masën e atleteve tuaja.

…dhe punëdhënësit tanë nuk duhet të na kërkojnë që të bëjmë përpjekje.
“Një fushë studimi gjithmonë e në rritje tregon se për shumë prej nesh, oraret tona të punës janë jashtë sinkronizimit me orën tonë natyrore, dhe ekspertët janë duke i nxitur punëdhënësit që ta kuptojnë këtë,” shkruan Renuka Rayasam në portalin e BBC.
Nëse kjo gjë është muzikë për veshët tuaj, artikulli ia vlen ta lexosh. Por ja ku qëndron esenca e këtyre zbulimeve: sipas punës së Christopher Barnes, një profesor menaxhimi në Universitetin e Uashingtonit, mospërputhja midis preferencave natyrale të shumë punonjësve dhe startit zyrtar të ditës së punës jo vetëm që rezulton në produktivitet dhe kreativitet të ulur (për të mos përmendur vuajtjet më të mëdha), por mund të ndikojë edhe në vendimet etike të atyre që ngrihen vonë që janë të detyruar të ngrihen para kohe nga shtrati.

Është një problem i zakonshëm sipas Roenneberg. “Shumë njerëz vuajnë nga ajo që ai e quan jetlag social,” raporton Raysam. “Thënë ndryshe, trupat e tyre janë gjithmonë në zonën e gabuar kohore. Ai vlerëson se më shumë se 70 për qind e njerëzve zgjohen më herët se çduhet nëse qëllimi i tyre është të pushojnë më mirë dhe të performojnë maksimalisht.”

Nëse duhet të shkoni në punë çdo mëngjes, nuk mund ta ngushëlloni veten që të paktën ka edhe shumë të tjerë që e vuajnë të njëjtën gjë. Por mbase një këshillë e mirë nga kjo shkencë do të ishte që më shumë shefa të konsideronin nëse dita e punës duhet të fillojë pak më vonë. Paul Kelley i Institutit të Neuroshkencës së Proceseve Biologjike dhe Gjumit, “beson se dita ideale e punës duhet të fillojë në 10:00 të paradites.”

Ose më mirë akoma mbase liderat duhet të mendojnë t’i lënë punonjësit e tyre të vendosin oraret e tyre. Studimet tregojnë që skuadrave që u jepet ky fleksibilitet punojnë më shumë dhe bashkëpunojnë më mirë. Sigurisht, një marrëveshje e tillë nuk do të funksionojë në të gjitha ambjentet, por ka shumë raste ku e vetmja gjë që e ndalon këtë ndryshim që ka potencial të madh në rritjen e produktivitetit, është tradita dhe inercia.

 

/Shkruar nga Jessica Stillman, Publikuar nga Inc.