Aplikacioni më i përdorur i momentit në mbarë botën për video-konferenca në distancë, Zoom, ka siguruar rritje të fitimeve e të të ardhurave, fill pas shpërthimit të pandemisë Covid-19 në fillim të këtij viti.
Zoom u bë pjesë e përditshmërisë që nga koha e karantinës, për të shmangur takimet fizike. Vetë kompania amerikane tha se në 7 muajt e parë të këtij viti, të ardhurat e saj arritën në 663.5 milionë dollarë, duke tejkaluar pritshmëritë më pozitive të ekspertëve, që parashikonin të ardhura deri në 500 milionë dollarë.
Lexoni: Huawei-Voicewise eksperimentojnë diagnozën Covid-19 përmes zërit
Themeluesi dhe drejtuesi i Zoom, Eric Yuan pret që të ardhurat vjetore të Zoom të jenë 2.37 deri në 2.39 miliardë dollarë për 2020 nga 1.78 deri në 1.80 miliardë dollarë që kishin parashikuar analistët.
Deri më sot, Zoom ka zyrtarisht 370 200 klientë, secili prej tyre me më shumë se 10 punonjës që përdorin çdo ditë aplikacionin. Një vit më parë, Zoom kishte vetëm 66,300 klientë me të paktën 10 punonjës që paguanin për abonimet.
Që nga viti 2015 nxisim shpirtin sipërmarrës, inovacionin dhe rritjen personale duke ndikuar në zhvillimin e një mjedisi motivues dhe pozitiv tek lexuesit tanë. Kjo punë që e bëjmë me shumë dashuri nuk ka të paguar. Ne jemi platforma e vetme e cila promovon modelin pozitiv të sipërmarrjes së lirë. Përmes kësaj platforme mbështesim edukimin gjatë gjithë jetës si mjet për zhvillimin personal dhe profesional të brezave. Kontributi juaj do të na ndihmojë në vazhdimin e këtij misioni në gjithë trevat shqipfolëse.
Mund të kontribuoni KETU. Falemnderit.
