Huawei-Voicewise eksperimentojnë diagnozën Covid-19 përmes zërit - Business Magazine Albania

Huawei-Voicewise eksperimentojnë diagnozën Covid-19 përmes zërit

Kompania e telekomunikacionit “Huawei” dhe “Voicewise” nga Universiteti “Tor Vergata” i Romës kanë nisur një projekt-pilot hulumtimi të bioshënuesve të zërit për infeksionin COVID-19 nëpërmjet Inteligjencës Artificiale. “Studimi klinik lindi me qëllimin për të verifikuar mundësinë e identifikimit të infeksionit COVID-19 përmes analizës së mostrave të zërit, duke përdorur algoritme të inteligjencës artificiale të zhvilluar nga “Voicewise -shpjeguan studiuesit në një shënim.- Kjo analizë synon gjithashtu, “matjen” e nivelit të ashpërsisë së infeksionit, si edhe monitorimin e ecurisë të tij, madje edhe në fazën e shërimit pas daljes nga spitali ose te pacientët në izolim në shtëpi”, vazhdon shënimi.

Prova klinike për të diagnostikuar dhe monitoruar infeksionin u zhvilluan në Spitalin Castelli në Romë, në Parkun Teknologjik Technoscience në Latina dhe në Poliklinikën e Fondacionit San Matteo në Pavia.

Në mbështetje të projektit, “Huawei Italia” siguroi pajisjet e nevojshme për eksperimentimin. Telefonat inteligjentë dhe tabletët “Huawei”, përmes përdorimit të aplikacionit në internet të zhvilluar nga “Voicewise” bënë të mundur regjistrimin dhe përvetësimin e zërave të pacientëve në repartet COVID, duke eliminuar çdo rrezik kontakti me pacientin.

ANSA

Që nga viti 2015 nxisim shpirtin sipërmarrës, inovacionin dhe rritjen personale duke ndikuar në zhvillimin e një mjedisi motivues dhe pozitiv tek lexuesit tanë. Kjo punë që e bëjmë me shumë dashuri nuk ka të paguar. Ne jemi platforma e vetme e cila promovon modelin pozitiv të sipërmarrjes së lirë. Përmes kësaj platforme mbështesim edukimin gjatë gjithë jetës si mjet për zhvillimin personal dhe profesional të brezave. Kontributi juaj do të na ndihmojë në vazhdimin e këtij misioni në gjithë trevat shqipfolëse.

Mund të kontribuoni KETU. Falemnderit.

Must watch
Business Mag Nr. #34 - Mars 2024

Për një vit të mbarë!

Viti 2024 ka nisur me sfidat dhe mundësitë e tij. Ndërsa kompanitë do të duhet të përballen me disa ndryshime ligjore dhe njëkohësisht trendet e tregjeve: si rritje çmimesh dhe rritje e kostos së fuqisë punëtore, startupet janë para mundësive dhe një klime favorizuese. Thirrje të shumta janë hapur në fushën e biznesit, kulturës dhe ideve të gjelbërta. Ndër më të rëndësishmit, programi i qeverisë për financimin e 80 startupeve në tre faza zhvillimi të tyre

Për të kuptuar rëndësinë e bizneseve të reja, veçanërisht në teknologji, mjafton të shohim që edhe sipërmarrje të konsoliduara vendase, si një grup kompanish si Balfin, kanë një vëmendje të theksuar tek startupet. Z. Samir Mane, President i këtij grupi, prej kohësh ka treguar interes, duke i mbështetur, por edhe duke investuar në një prej startupeve që pritet të sjellë revolucion në bio-inxhinieri. Vëmendja tek risia dhe inovacioni vlerësohet të jetë një nga arsyet kryesore, përse audienca jonë e zgjodhi në kompeticionin tonë të dhjetorit si Sipërmarrësi i Vitit. Në një intervistë ekskluzive, z. Mane tregon për ne copëza domethënëse nga …

Shiko më shumë
Na ndiqni në rrjetet sociale
0