Startup-i teknologjik në Blockchain, Libraro ka siguruar një investim me vlerë £2 milionë për platformën e saj që synon të drejtojë shtëpitë botuese në krijimin e produkteve të reja. Kompania me bazë në Londër synon të shndërrojë industrinë e botimeve të librave të vjetër dhe në përgjithësi të pandryshuar. Shkrimtarët e ndryshëm mund të publikojnë dorëshkrimet e tyre në platformën e Libraro-s, ku lexuesit mund t’i lexojnë dhe t’i vlerësojnë. Leximet më të preferuara mund të aksesohen më pas nga shtëpitë botuese për të investuar në projekte që tashmë kanë një numër të madh fansash.
Libraro e quan këtë proces “lexim masiv”. Nëse një projekt librash merr interesim të madh nga një numër i madh lexuesish, kjo tregon për botuesit se ka një audienca të interesuar. Kompania ka ndërtuar platformën e saj me teknologjinë blockchain, e cila, sipas saj, mund të “sigurojë integritetin e platformës” duke regjistruar dhe mbrojtur të drejtat letrare të materialeve të ngarkuara. Libraro gjithashtu përfshin ofertat bonus të NFT-s si përfitime shtesë për përdoruesit.
Investimi erdhi nga Chain, me firmën e softuerit dhe këshillimit në teknologjinë blockchain duke marrë një aksion prej 20%. Kjo vjen pas pjesëmarrjes së startup-it në programin inkubator të web3, Block Dojo. “Jemi shumë të emocionuar të bashkëpunojmë me Chain dhe të shfrytëzojmë ekspertizën e tyre në teknologjinë blockchain”, tha Arsim Shilova, CEO i Libraro-s.
“Investimi i tyre do të na ndihmojë të ndërtojmë një platformë të re, të sigurtë dhe të përshkallëzueshme për shkrimtarët e rinj për të shfaqur punën e tyre, mbrojtur pronën intelektuale dhe angazhuar me publikun e tyre.” Sipas “pitch deck” të startup-it, të parë nga UKTN, Libraro ka parashikuar të ardhura të përsëritura prej £5 milionë dhe 500,000 përdorues pas financimit. Shumica e investimit të ri do të shkojë drejt zhvillimit të produktit.
Christen-Ager Hansen, CEO i grupit Chain shtoi: “Ky startup ka potencialin për të transformuar modelin e botimit të dorëshkrimeve duke fuqizuar lexuesit dhe duke ndihmuar shkrimtarët e rinj të njihen. Bashkëpunimi ynë me Libraro është një rast tjetër i shkëlqyeshëm në një tjetër industri ku jemi duke synuar të kemi ndikim.”
Që nga viti 2015 nxisim shpirtin sipërmarrës, inovacionin dhe rritjen personale duke ndikuar në zhvillimin e një mjedisi motivues dhe pozitiv tek lexuesit tanë. Kjo punë që e bëjmë me shumë dashuri nuk ka të paguar. Ne jemi platforma e vetme e cila promovon modelin pozitiv të sipërmarrjes së lirë. Përmes kësaj platforme mbështesim edukimin gjatë gjithë jetës si mjet për zhvillimin personal dhe profesional të brezave. Kontributi juaj do të na ndihmojë në vazhdimin e këtij misioni në gjithë trevat shqipfolëse.
Mund të kontribuoni KETU. Falemnderit.
