Qendra Rinore e Tiranës hap dyert për sipërmarrësit “piratë”, në një program njëjavor ku do të “zhyten” të rinjtë premtuesë në sipërmarrje.
“Piratët” do të jenë sipërmarës të njohur, mentorë nga fusha të ndryshme si dhe shumë të ftuar të tjerë, të cilët do të jenë të pranishëm gjatë datave 23 Prill- 30 Prill për të ndarë eksperiencat dhe mësuar së bashku në një kombinim trajnimesh, seanca mentorimi, momente inspiruese dhe shumë surpriza të tjera të këndshme.
Disa prej figurave të konfirmuara në pjesëmarrje përfshijnë Julia GOGA-COOKE dhe Mark TUTTLE, personalitete me influencë dhe karrierë të gjatë në fushat përkatëse.
Julia eshte CCO e “GConsultancy Innovation” UK, që i ndihmon kompanitë të zhvillojnë inovacionin, bashkëthemeluese dhe drejtore e “Own Label”, një kompani teknologjike mbi modën, një platformë që ndihmon dezinjuesit e rinj të tregojnë dhe demonstrojnë talentin e tyre. Julia ka një eksperience të gjatë akademike, gazetareske, arkitekte rrjetëzimi – një “design thinker” dhe sipermarrëse e pasionuar. Projekti i saj më i ri është krijimi i Albanian Innovation Accelerator – AIA, që ka për qëllim të ndihmojë të rinjtë Shqiptarë që të bëhen sipërmarrës dhe inovatorë.
Mark është bashkëthemelues dhe CEO i Cryptografx Security Solutionst, bashkëthemelues dhe Drejtor i PlaceMarkOne. Ai ka qenë drejtues i lartë në disa kompani të rëndësishme në botë, përfshirë këtu Hewlett-Packard, Apple Computer, Nextel, Lucent Technologies, Yahoo!, Philips, e shumë të tjera. Si mentor i “Pioneers of the Balkans” dhe këshillues mbi sipërmarrjen për Startups, Mark ka qenë pjesë e më shumë se 30 aktiviteteve në 4 vitet e fundit! Mark ka shumë për të na mësuar sidomos mbi ndërtimin e ekipeve të suksesshme të spartup-eve!
Që nga viti 2015 nxisim shpirtin sipërmarrës, inovacionin dhe rritjen personale duke ndikuar në zhvillimin e një mjedisi motivues dhe pozitiv tek lexuesit tanë. Kjo punë që e bëjmë me shumë dashuri nuk ka të paguar. Ne jemi platforma e vetme e cila promovon modelin pozitiv të sipërmarrjes së lirë. Përmes kësaj platforme mbështesim edukimin gjatë gjithë jetës si mjet për zhvillimin personal dhe profesional të brezave. Kontributi juaj do të na ndihmojë në vazhdimin e këtij misioni në gjithë trevat shqipfolëse.
Mund të kontribuoni KETU. Falemnderit.
