Sipërmarrësit e suksesshëm nuk e bëjnë kurrë këtë gabim


Ruajtja e vizionit tuaj është e rëndësishme. Sidoqoftë është thelbësore që sipërmarrësit të dëgjojnë se për çfarë kanë nevojë konsumatorët e tyre.

Ju nuk mund t’i keni të gjitha përgjigjet kur sapo keni filluar, por të dëgjuarit e feedback-ut me siguri mund t’ju ndihmojë. Kjo ishte tema kryesore e cila u diskutua nga Sarah Kauss, CEO dhe themeluese e S’well dhe Ben Chestnut, CEO i Mailchimp në konferencën iConic të Mërkurën, një ngjarje e bashkëfinancuar nga CNBC.

Kompania e shisheve të ujit e drejtuar nga Sarah, me bazë në New York u zgjerua nga një markë me vlerë 10 milionë $ në një gjenerim prej 100 milionë $ të ardhurash vjetore në vetëm disa vite. Ajo vuri në dukje një pikë kyçe për kompaninë e saj, e cila erdhi si rezultat i një kërkese nga ana e një reviste për të përfshirë S’well në numrin e ardhshëm. Asaj iu kërkua që të prodhonte shishe me ngjyra të ndryshme për të realizuar fotografitë. Në atë kohë, kompania kishte vetëm një ngyrë por ajo e dinte se kompania duhej të zgjerohej.

Për Chestnut, bashkë-themeluesi i firmës për email marketing, takimi me klientët dhe dëgjimi i tyre ka qenë çelësi dhe do të ishte një gabim t’i injoroni ato.

Sipërmarrësit ndanë disa këshilla për startup-et e reja:

1. Mbani mend vizionin tuaj të hershëm

Shumica e sipërmarrësve e dinë se çfarë i bën produktet e tyre të veçanta kur ato fillojnë kompanitë e tyre, tha Chestnut. Megjithatë, gjatë fazës së rritjes shumë prej tyre e harrojnë vizionin. Ai gjithashtu theksoi rëndësinë e mbajtjes së pavarësisë së kulturës së kompanisë, duke e përmendur atë si një nga arsyet pse ai nuk ka marrë para nga investitorë. Ai thotë se ata shpesh donin të formonin Mailchimp sipas vizionit të tyre dhe kjo thjesht nuk funksiononte për të.

2. Mos shpenzoni shumë para në hapësirat e zyrës

Të dy sipërmarrësit, Kauss dhe Chestnut i kanë filluar kompanitë e tyre në apartamentet e tyre para se të fillonin punësimin e më shumë punonjësve. “Ka shumë vende të bukura për të patur një takim,” tha Kauss. Me fjalë të tjera, mos shpenzoni para në hapësirën e zyrës, nëse nuk keni nevojë për të, tha ajo. Chestnut ra dakord, duke vënë në dukje se kompania e tij bëri diçka të ngjashme.

3. Mbështetuni tek bashkëshorti/tja juaj për mbështetje

Bilanci i punës dhe i jetës mund të funksionojë më mirë kur ju sjellni çështjet e punës në shtëpi. Duket ironike por Kauss punësoi bashkëshortin e saj, Judd Harner, në vitin 2016. Pikat e tij të forta janë dobësitë e saj. Burri i saj, i cili është CMO i S’well, është më i mirë në menaxhimin e operacioneve dhe zinxhirit të furnizimit, ndërsa Kausi qëndron pas pjesës krijuese. Natyrisht, puna me bashkëshortin tuaj ka sfidat e saj dhe nuk është për të gjithë, tha ajo. Ndërsa Chestnut thotë se thjesht duke folur me gruan e tij për çështjet në punë e përmirësoi jetën e tij si një sipërmarrës.

Burimi: inc.com

Must watch
Business Mag Nr. #23 - Qershor 2020

Të gjitha planet tuaja për këtë vit, si individë apo sipërmarrës mund të jenë përmbysur. Mbërritja e Coronavirusit në Shqipëri paralizoi gjithçka, ashtu si kudo. Në mënyrë të papritur na vuri në kushte tërësisht të tjera pune, na shtoi pasigurinë e shqetësimin për të ardhmen.

Sipërmarrjet, kryesisht në fushën e IT u përshtatën më shpejt, duke angazhuar punonjësit nga shtëpia. Ato zhvilluan dhe më tej mundësitë për të punuar në distancë, ndërkohë që shumë kompani të tjera u mbyllën plotësisht.

Kjo është një periudhë sprove, për individin, drejtuesit dhe liderin. Kjo është lufta që po zhvillohet në spitale dhe fronti i parë i saj janë mjekë, infermierë e sanitarë. Historia e ekonomisë k a treguar se gjithmonë pas një situatë të vështirë ka një ringritje. Dhe ne besojmë se kështu do të jetë.

Deri atëhërë ajo çka na mbetet të bëjmë është respektimi i rregullave të kërkuara, marrja e përgjegjësive ndaj të tretëve për aq sa mundemi, e të interesohemi për të pamundurit, të ndajmë diçka për ta.

Solidariteti nuk ka munguar e nuk do të na mungojë as kësaj radhe. Ajo çfarë doli në pah krahas solidaritetit ishte varfëria: e shtetit, e kompanive dhe e vetë individëve.

Një ditë pas dërgimit të 30 bluzave të bardha në Itali, The Guardian na vlerësoi në artikullin e saj si zemërgjerë edhe pse Ky numër ishte planifikuar të botohej në Prill 2020, por procesi u shty për shkak të masave të ndërmarra si pasojë e shpërthimit të Covid-19. Edhe pse në kohë vështirësish, jemi …

Shiko më shumë
Na ndiqni në rrjetet sociale