Sipas një raporti të Google, hakerët rusë kanë shënjestruar NATO-n dhe ushtritë e Evropës Lindore - Business Magazine Albania

Sipas një raporti të Google, hakerët rusë kanë shënjestruar NATO-n dhe ushtritë e Evropës Lindore

hakerët rusë

Hakerët rusë së fundi janë përpjekur të depërtojnë në rrjetet e NATO-s dhe ushtrive të disa vendeve të Evropës Lindore, tha Grupi i Analizës së Kërcënimeve të Google në një raport të botuar.

Raporti nuk thoshte se cilët ushtri ishin shënjestruar në atë që Google e përshkroi si “fushata të phishing” të nisura nga një grup me bazë në Rusi i quajtur Coldriver, ose Callisto.

“Këto fushata u dërguan duke përdorur llogari të krijuara në Gmail në llogaritë jo të Google, kështu që shkalla e suksesit të këtyre fushatave është e panjohur”, thuhet në raport.

Rusia, e cila tani është nën sanksione të rënda ekonomike perëndimore pas vendimit të saj për të pushtuar Ukrainën më 24 shkurt, rregullisht mohon akuzat për sulme kibernetike ndaj objektivave perëndimore.

Në vitin 2019, firma finlandeze e sigurisë kibernetike F-Secure Labs e përshkroi Callisto si një aktor kërcënimi të paidentifikuar dhe të avancuar “të interesuar në mbledhjen e informacioneve në lidhje me politikën e jashtme dhe të sigurisë” në Evropë.

Lexoni: Agjencitë e BE-së duhet të rrisin masat e sigurisë kibernetike, thonë auditorët

Përpjekja e parë për të hakuar NATO-n

Grupi synoi gjithashtu një Qendër të NATO-s, thuhet në raportin e Google të së mërkurës, pa dhënë detaje. Në një deklaratë, qendra nuk iu drejtua drejtpërdrejt raportit të Google, por tha: “Ne shohim aktivitete keqdashëse kibernetike çdo ditë”.

Sipas raportit, Calisto nisi fushata të phishing në dy javët e fundit, duke synuar disa OJQ dhe institute kërkimore me bazë në SHBA, ushtrinë e një vendi ballkanik dhe një kontraktor të mbrojtjes me bazë në Ukrainë.

Megjithatë, për herë të parë, TAG ka vëzhguar fushatat e Callisto që synojnë ushtrinë e shumë vendeve të Evropës Lindore, si dhe një Qendër të NATO-s.

Shkalla e suksesit të këtyre fushatave nuk dihet, tregoi raporti, pasi ato u ekzekutuan duke përdorur llogari të sapokrijuara Gmail të dërguara në llogaritë jashtë Google.

Google shtoi se nuk kishte vërejtur asnjë llogari Gmail të komprometuar me sukses gjatë këtyre fushatave.

/euronews

Që nga viti 2015 nxisim shpirtin sipërmarrës, inovacionin dhe rritjen personale duke ndikuar në zhvillimin e një mjedisi motivues dhe pozitiv tek lexuesit tanë. Kjo punë që e bëjmë me shumë dashuri nuk ka të paguar. Ne jemi platforma e vetme e cila promovon modelin pozitiv të sipërmarrjes së lirë. Përmes kësaj platforme mbështesim edukimin gjatë gjithë jetës si mjet për zhvillimin personal dhe profesional të brezave. Kontributi juaj do të na ndihmojë në vazhdimin e këtij misioni në gjithë trevat shqipfolëse.

Mund të kontribuoni KETU. Falemnderit.

Must watch
Business Mag Nr. #34 - Mars 2024

Për një vit të mbarë!

Viti 2024 ka nisur me sfidat dhe mundësitë e tij. Ndërsa kompanitë do të duhet të përballen me disa ndryshime ligjore dhe njëkohësisht trendet e tregjeve: si rritje çmimesh dhe rritje e kostos së fuqisë punëtore, startupet janë para mundësive dhe një klime favorizuese. Thirrje të shumta janë hapur në fushën e biznesit, kulturës dhe ideve të gjelbërta. Ndër më të rëndësishmit, programi i qeverisë për financimin e 80 startupeve në tre faza zhvillimi të tyre

Për të kuptuar rëndësinë e bizneseve të reja, veçanërisht në teknologji, mjafton të shohim që edhe sipërmarrje të konsoliduara vendase, si një grup kompanish si Balfin, kanë një vëmendje të theksuar tek startupet. Z. Samir Mane, President i këtij grupi, prej kohësh ka treguar interes, duke i mbështetur, por edhe duke investuar në një prej startupeve që pritet të sjellë revolucion në bio-inxhinieri. Vëmendja tek risia dhe inovacioni vlerësohet të jetë një nga arsyet kryesore, përse audienca jonë e zgjodhi në kompeticionin tonë të dhjetorit si Sipërmarrësi i Vitit. Në një intervistë ekskluzive, z. Mane tregon për ne copëza domethënëse nga …

Shiko më shumë
Na ndiqni në rrjetet sociale
0