Si të përshtatesh me jetën pas mbarimit të universitetit?


Ndërsa shumë studentë diplomohen nga universiteti, fillojnë një fazë totalisht të re në jetën e tyre. Jo vetëm që duhet të përshtaten me punën me kohë të plotë, por duhet të mësohen me mjedisin e ri jashtë punës. Më poshtë gjenden disa këshilla për të sapodiplomuarit të cilat e bëjnë këtë fazë më të lehtë për ta, këshilla të cilat nuk mësohen në auditorët e shkollave.

Vendos objektiva për veten
Derisa të përfundosh universitetin, çdo gjë në jetën tënde është e përcaktuar mirë. Pikë së pari, merr nota të mira në gjimnaz për t’u pranuar në universitet, dhe më pas zgjedh kurset e fakultetit të cilat kërkohen për CV-në tënde.

Fatkeqësisht, jeta vetë nuk është e përcaktuar po aq mirë si jeta akademike. Ka ulje dhe ngritje. Ndaj që, mbetet në dorën tënde për ta përcaktuar atë. Filloni të përcaktoni jetën duke i vendosur objektiva vetes. Çfarë kërkon të bësh në karrierën tënde? Dëshiron të shkosh të punosh në botën e korporatave apo kërkon të nisësh biznesin tënd? Apo dëshrion të vazhdosh karrierën akademike? Pikësëpari, gjej përgjigjiet e këtyre pyetjeve dhe më pas bëj një listë me objektiva.

Ndrysho zakonet e tua
Kur shkon në shkollë, mund të përshtasësh lehtësisht klasat e tua të mësimit për t’i kombinuar me kohën për gjumë. Gjithsesi, kur ke një punë ‘full-time’, duhet të zgjohesh herët dhe të vish në mëngjes në punë. Në punë duhet të vish çdo ditë, gjë që nuk të lejon fleksibilitet për të planifikuar kohë të lirë për veten, si në fakultet. Në mënyrë që të kesh një tranzicion ‘të butë’, fillo të flesh herët në mënyrë që të zgjohesh herët dhe të jesh energjik. Mbi të gjitha, duhet të konsumosh drekën pothuajse përditë në të njëjtin orar (rreth mesditën) në mënyrë që trupi t’i përshtatet orarit të ri.

Mëso të bësh një buxhet
Nëse ke kredi studentore, në momentin që del nga shkolla dhe ke një punë tënden, duhet të fillosh të shlyesh borxhin e shkollës. Për këtë arsye, duhet ta menaxhosh me mençuri buxhetin. Është e rëndësishme të paguash borxhet në kohë në mënyrë që kesh një historik të mirë kredie. Në të ardhmen, ky historik do të jetë shumë i rëndësishëm nëse kërkon të blesh një makinë, një shtëpi ose të aplikosh për një kartë të re krediti.

 

/Shkruar nga Ceren Cubukcu dhe publikuar në Entrepreneur

Must watch
Business Mag Nr. #22 - Dhjetor 2019

Kemi ndjekur me vëmendje zhvillimet në ekonomi, e në veçanti ata që ne i quajmë gjeneratorët e kësaj ekonomie, sipërmarrësit privatë. Padyshim që sfidat janë të mëdha. Tregje të pa konsoliduara, konkurrencë e pandershme në shumë sektorë, pak mundësi për financim dhe investime në projekte të reja, Por ne kemi vërejtur gjithashtu një dinamikë e dëshirë të madhe për të ecur përpara.

Në Numrin 22 të Revistës së Businessmag, ju do të gjeni sipërmarrës të dhjetëvjeçarit të fundit, të cilët po shënojnë historinë e tyre të suksesit pa u ndier. Aktivë, energjikë, vizionarë dhe shumë të thjeshtë, ata mund të jenë një model shumë i mirë për t’u ndjekur. I tillë është Urani. Pasioni për perfeksionizëm e siguri nuk ia ul ritmin marramendës të ngritjes dhe zhvillimit të një biznesi. Ai sot ka ngritur një rrjet biznesesh të tija dhe administron edhe sipërmarrje të tjera.

Në brendësi të revistës do të gjeni edhe sipërmarrës të tjerë, nga Shqipëria dhe Kosova.

Ky numër u është dedikuar personazheve të suksesshshëm dhe zhvillimit të aftësive në shërbim të tregut. Ndaj i kemi dedkuar një paketë speciale artikujsh kapitalit njerëzor, rëndësisë së tij, sfidave dhe projekteve të vitit të arshshëm, të prezantuara në Shkollën Verore organizuar nga projekti zviceran “Aftësi për Punë”.

Mes personazheve ju sjellim Brizida Delvina, administratore e një hoteli në Tiranë, Ajo ka zhvilluar një karrierë ideale në fushën e hoteleri-turizmit. Edhe pse Brizida pëlqen të rrijë larg vëmendjes, ajo është një model frymëzues dhe një mentore e mundshme, tashmë edhe për ju që do …

Shiko më shumë
Na ndiqni në rrjetet sociale