Të drejtosh një kompani mund të jetë thuajse e ngjajshme me drejtimin e një anije në një det jo të qetë. Krizat janë gjërat për të cilat çdo kompani duhet të jetë gjithmonë e përgatitur të përballet.
Në pjesën më të madhe të rasteve nuk është kriza në vetvete problemi kryesor, por mënyra se si liderët e kompanisë e përballojnë atë. Një krizë është pothuajse gjithmonë një tregues se diçka duhet të ndryshojë brenda një organizate. Ndonjëherë ai ndryshim është strukturor. Politikat mund të duhet të rishikohen, ose deklaratat e misionit mund të duhet të shkulen. Nëse personi drejtues nuk është në gjendje të marrë vendime të mira gjatë kohërave tranzite, organizata mund të duhet të kërkojë dikë që është i duhuri për të drejtuar. Ja se cilët janë tre hapat që liderët duhet të ndërmarrin për të përballuar një krizë në kompaninë e tyre:
Hapi 1: Jini të sinqertë me veten tuaj
Për të drejtuar anijen, një udhëheqës efektiv duhet të fillojë të përballet me të vërtetat e hidhura. Një drejtues nuk mund të justifikohet për disa goditje të paparashikueshme, por shpesh krizat shkaktohen nga brenda dhe përkeqësohen nga vetë organizata. Procedurat e gabuara të sigurisë mund të jenë fajtore. Një personel i trajnuar dobët ose një komplot i brendshëm mund të jetë fajtori. Nëse një krizë shkaktohet nga një dështim strukturor, një drejtues i mirë do të analizojë të metën për të përcaktuar se si kontribuoi në krizë. Nëse një aeroplan rrëzohet për shkak të llogaritjes së gabuar të kapitenit, një drejtues i ndershëm do të merrte përsipër gabimin.
“Të gabosh është njerëzore; të marrësh përgjegjësi është hyjnore”.
Hapi 2: Veproni me kujdes, por shpejt
Në diagnostikimin e problemit, një drejtues i aftë duhet të punojë me një ekip të përkushtuar për të hartuar një plan strategjik. Të gjitha opsionet duhet të sillen në tryezë dhe të peshohen, pavarësisht sa të vështira ose të padëshirueshme mund të duken. Pasi të jetë marrë një vendim dhe të jetë hartuar dhe verifikuar një plan, duhet të vihet në veprim sa më shpejt që të jetë e mundur. Kur krizat kërkojnë një përgjigje të shpejtë, vonesat mund të perceptohen si paaftësi ose edhe indiferencë, dhe të dyja mund të kontribuojnë në përkeqësimin e situatës.
Hapi 3: Qëndroni të përqëndruar
Jini të vetëdijshëm që pasi të vihet në lëvizje plani i veprimit, ka të ngjarë të ketë sfida dhe pengesa sipërfaqësore. Edhe nëse përgjigja e një drejtuesi për një krizë është ndryshe e patëmetë, disa kritikë dhe konkurentë mund të shfrytëzojnë këtë mundësi për të goditur organizatën ndërsa është në rënie. Është e natyrshme që një drejtues të ndiejë dyshime dhe frikë ndërsa shqyrton problemet. Nëse filloni të humbni përqëndrimin, mund të jetë e nevojshme të bëni disa dhe ta rivlerësoni situatën. Por është e rëndësishme të mos dëshpëroheheni. Nëse plani juaj është i shëndoshë dhe qëllimet e organizatës janë të mira, atëherë mos u ndieni më të pa sigurtë. Dështimi sot mund të nënkuptojë sukses nesër.
Që nga viti 2015 nxisim shpirtin sipërmarrës, inovacionin dhe rritjen personale duke ndikuar në zhvillimin e një mjedisi motivues dhe pozitiv tek lexuesit tanë. Kjo punë që e bëjmë me shumë dashuri nuk ka të paguar. Ne jemi platforma e vetme e cila promovon modelin pozitiv të sipërmarrjes së lirë. Përmes kësaj platforme mbështesim edukimin gjatë gjithë jetës si mjet për zhvillimin personal dhe profesional të brezave. Kontributi juaj do të na ndihmojë në vazhdimin e këtij misioni në gjithë trevat shqipfolëse.
Mund të kontribuoni KETU. Falemnderit.
