Si të mbrojmë telefonin nga temperaturat e larta? - Business Magazine Albania

Si të mbrojmë telefonin nga temperaturat e larta?


Me ardhjen e verës vijnë temperaturat e larta, por bashkë me to edhe problemet me smartfonët tuaj.

Temperaturat ekstreme mund të kenë një ndikim të madh në komponentët e brendshëm të telefonit tuaj. Telefoni kur nxehet shumë mund të shkaktojë humbje të të dhënave ose ekspozimi i përsëritur ndaj nxehtësisë mund të ngadalësojë përgjithmonë pajisjen tuaj. Nxehtësia mund të shkaktojë rrjedhje të baterive, duke rrezikuar sigurinë tuaj personale.

Lexoni: Nëse e mbani telefonin në veshin e djathtë, po dëmtoni trurin tuaj

Me këtë në mendje BusinessMag ju tregon një listë me 6 hapa sesi të mbroni telefonin tuaj nga temperaturat e larta.

Mbajeni telefonin jashtë xhepit tuaj

Në një ditë të nxehtë, ju nuk duhet ta mbani telefonin tuaj në xhep nëse dëshironi që ai të mos nxehet. Jo vetëm që është e pakëndshme, por ngrohja natyrale e trupit tuaj do të funksionojë kundër procesit të ftohjes.

Ndaloni përdorimin e telefonit tuaj ose vendoseni në ‘airplane mode’

Nëse jeni duke luajtur lojëra ose duke bërë shumë thirrje, telefoni juaj do të punojë më shumë dhe do të gjenerojë më shumë nxehtësi se më parë. Kombinuar me temperaturat e larta përreth, kjo mund të çojë në mbinxehje. Për të ndihmuar telefonin tuaj të ftohet, vendoseni në ‘airplane mode’ dhe mos mos e përdorni atë për ca kohë.

Mos e lini telefonin tuaj në makinë

Një makinë vepron si një serë në një ditë të nxehtë – një studim i kohëve të fundit zbuloi se një makinë e parkuar në diell mund të arrijë temperaturë  jashtëzakonisht të larta në vetëm një orë. Kompanitë e smartfonëve rekomandojnë mospërdorimin e telefonëve në temperaturat shumë të larta. Makinat e nxehta janë natyrisht, gjithashtu një kërcënim për njerëzit dhe kafshët shtëpiake.

Lexoni: Aplikacionet që duhet të keni në telefonin tuaj

Mos e karikoni telefonin tuaj kur preket direkt nga rrezet e diellit. Mbajini në hije ose në çantë

Siç keni provuar ndoshta, karikimi i telefonit tuaj mund të shkaktojë që ai të nxehet. Nëse e lini telefonin tuaj direkt në rrezet e diellit ndërkohë që është duke u karikuar, nxehtësia nga dielli do të shtojë nxehtësinë normale që është një efekt anësor i transferimit të energjisë elektrike në baterinë e telefonit tuaj. Kjo mund të shkaktojë që telefoni të ngrohet shumë më tepër se zakonisht.

Mos e karikoni telefonin nën jastëkun tuaj

Për të njëjtën arsye, nuk duhet të lini telefonin tuaj nën jastëk, batanije apo materiale të tjera ngrohëse.Në një ditë të nxehtë, nxehtësia e dhënë nga një telefon i karikuar mund të rritet në nivele të rrezikshme nëse nuk lejohet që nxehtësia të shpërndahet me efikasitet. Sigurohuni që të karikoni telefonin tuaj në hije, mundësisht në një sipërfaqe të fortë dhe të ftohtë.

Mos e vendosni telefonin në frigorifer nëse shikoni që po nxehet shumë

Ndërrimi i shpejtë i temperaturës është gjithashtu shumë negativ për telefonin tuaj. Një arsye për këtë është kondensimi: uji ka shumë gjasa të bllokohet brenda telefonit tuaj, duke shkaktuar probleme, nëse e vendosni diku si në një frigorifer kur është shumë i nxehtë. Një mënyrë e mirë është që ta fikni telefonin tuaj dhe ta lini në një zonë të freskët për ca kohë derisa të kthehet në temperaturën e dhomës.<

/Time

Që nga viti 2015 nxisim shpirtin sipërmarrës, inovacionin dhe rritjen personale duke ndikuar në zhvillimin e një mjedisi motivues dhe pozitiv tek lexuesit tanë. Kjo punë që e bëjmë me shumë dashuri nuk ka të paguar. Ne jemi platforma e vetme e cila promovon modelin pozitiv të sipërmarrjes së lirë. Përmes kësaj platforme mbështesim edukimin gjatë gjithë jetës si mjet për zhvillimin personal dhe profesional të brezave. Kontributi juaj do të na ndihmojë në vazhdimin e këtij misioni në gjithë trevat shqipfolëse.

Mund të kontribuoni KETU. Falemnderit.

Must watch
Business Mag Nr. #37 - Prill 2025

Mendo lokalisht, vepro globalisht

Viti 2025 vjen me sfida dhe mundësi të mëdha në sektorë të rëndësishëm të ekonomisë sonë. Turizmi shqiptar po përjeton një rritje të jashtëzakonshme, ku duket se pas një prezantimi mbresëlënës në ITB Berlin, Shqipëria është gati të pozicionohet si një destinacion i rëndësishëm në hartën botërore me një ofertë të larmishme turistike. Paralelisht, tregu i pasurive të paluajtshme po përballet me ndyshime të shumta, ku investimet strategjike dhe zhvillimi i qëndrueshëm janë kyç për suksesin e këtij sektori.
Teknologjia vazhdon të transformojë mënyrën se si jetojmë dhe punojmë. Inteligjenca Artificiale nuk është më thjesht një mjet ndihmës, por një faktor vendimtar që po shkruan rregulla të reja në çdo industri.

Bota përballë sfidës së krijimit të një axhende më humane për Inteligjencën Artificiale – si mund ta vendosim atë në shërbim të njeriut, pa e shndërruar në një rrezik për demokracinë dhe ekonominë globale? Ndërsa jetojmë në një botë që ndryshon vazhdimisht, shohim sesi Fintech është një realitet i padiskutueshëm që po lehtëson ditë pas dite jetën dhe veprimtarinë e bizneseve dhe individëve. Ajo që konfirmojmë me siguri në këtë edicion është sesi bizneset shqiptare po përqafojnë gjithnjë e më shumë një qasje europiane në menaxhim, kulturë, lidership dhe investime, duke u nxitur drejt inovacionit dhe …

Shiko më shumë
Na ndiqni në rrjetet sociale
0