Si të bëhesh një regjizor i mirë i jetës tënde



Albert Gjoka, menaxher i  Bukinist

Shënim rreth librit “Shihemi në maj” të biznesmenit Kosta Petrov, i botuar në shqip nga shtëpia botuese “Toena”

Secili prej nesh ka historinë e tij. Por, sfida më e madhe nis atëherë kur dikush të kërkon ta tregosh historinë tënde; të tregosh atë histori natyrshëm, me të vërtetat e thjeshta, me sukseset dhe dështimet, me majat e larta dhe me humnerat e thella. Në këtë kërkesë sfiduese pakkush arrin që ta rrëfejë vetveten pa ego, dhe janë të rrallë ata që arrijnë të fitojnë besim duke hyrë në zemrën dhe mendjen e të tjerëve përmes rrëfimit të historisë së tyre.

Historia e Kosta Petrov është e tillë; sepse është e sinqertë, është e vërtetë, është reflektive dhe e sheh botën ashtu siç është.

Për këto dhe shumë arsye të tjera, libri i tij “Shihemi në maj” ia vlen të lexohet. Ai është një tërësi leksionesh të vlerta në rrugëtimin tonë drejt një jete më të mirë. Ky nuk është libër autobiografik, por një model për të kapërcyer kufijtë që i vendos secili prej nesh vetvetes. Shumëkush e pranon veten si pjesë të fatit të vendit ku ka lindur. E bashkë me të paracaktohet edhe fati: “Kam lindur në këtë vend të varfër dhe unë nuk mund të bëj gjëra të mëdha!! Këtë destin fatalist e kapërcen mjeshtrisht Kosta Petrov.

Kosta Petrov është një biznesmen maqedonas, i lindur në Gostivar, familja e të cilit u zhvendos në Shkup kur ai ishte i vogël. I ati e kishte provuar emigracionin, gjë që ndikoi edhe në jetën dhe natyrën e Kostës. Që në moshë të re provoi të realizonte dëshirat, si për shembull të udhëtonte në Amerikë, të bëhej regjizor, apo të kishte një diplomë universitare jashtë Maqedonisë.

Kur kanë kaluar shumë vite jete dhe që sot ai drejton një kompani me qendër në Shkup, me rrjet aktivitetesh në disa shtete të botës, përvojat vijnë si leksione jete me shumë vlerë: Nismat në biznes, dështimet, puna me koorporatat, partneritetet, zhgënjimet dhe sukseset janë pjesë e pandashme e Petrovit, të cilat ai do dhe di përse t’’i ndajë me ne.

Petrov nuk është ballkanasi tipik, me ego dhe identitet të fortë lokal apo nacional, – përkundrazi, ai është individi që kërkon të shkojë tek thelbi i qenies dhe të kuptojë mekanizmat universalë që udhëheqin shoqërinë tonë.

Ndonëse autori rrëfen vetë jetën e tij, ulje-ngritjet, frikën, ankthin, dështimin, kurajon, sukseset dhe sfidat, – të gjitha këto vijnë si ngjarje dhe ndjesi që janë apo mund të jenë pjesë e secilit prej nesh. Pra, nuk kemi të bëjmë me një rrëfim personal, por me një model jete që ofron plot këshilla me vlerë që i shërbejnë secilit prej nesh.

Në këtë libër, Petrov na jep disa leksione jete, shumicën e të cilave i ka përjetuar apo vuajtur mbi kurriz gjatë viteve të jetës dhe punës së tij. Mjafton të ndajmë vetëm disa prej tyre, të cilat mund të kenë vlerë edhe për ju: “Gjërat negative në jetë janë gjërat më të mira që ju kanë ndodhur ndonjëherë!” apo “mos e paragjyko të kaluarën tënde, dhe mos e ndëshko veten për shkak të saj, por pranoje atë si diçka që do të duhej të ndodhte ashtu”.

Lexo: 4 librat më të kërkuar të biznesit dhe zhvillimit personal në Panairin e Librit 2018, Tiranë

Në rrugën drejt majës na duhen aleatë, prandaj autori propozon që t’i mbajmë sa më afër njerëzit tanë të dashur, pjesëtarët e familjes, dhe miqtë “sepse ata janë mbrojtja më e mirë kur ne jemi në rrënim”;

“Universi ka një plan për ty, prandaj ti duhet të jesh i lumtur atëherë kur universi të jep atë që të duhet, e jo atë që do”. Marrëdhënia jonë me universin është një lojë që luhet çdo çast të jetës tonë, ku herë humbet dhe herë fiton. Qenia njerëzore vjen në botë për të sjell diçka të re, për të ndryshuar realitetin; Rruga drejt suksesit nuk është kurrësesi një fushë me lule; Ji i sigurt dhe mbushe veten me emocion, – “Çdo ditë që shkoj në zyrë më duket si të ishte dita e parë”, – thotë Petrov.

Sipas tij, “dallimi mes njerëzve të suksesshëm dhe atyre jo të suksesshëm është tek vetbesimi. Nuk janë as paratë edhe as pamja”. Që të shihemi në majë, mirëmenaxhimi i kohës dhe ndarja e kohës me ata që kanë të njëjtat qëllime me ato tuajat, janë disa masa për të arritur atë që doni. Plani drejt suksesit bëhet nëse ne ndërrojmë perceptimin për gjërat pasi perceptimi është shumë më i rëndësishëm sesa realiteti. Kurrë nuk duhet të lejoni që dikush ta kuptojë frikën tuaj, apo mungesën e përvojës”.

Maja do të jenë pjesë e jona nëse kemi siguri në vetvete, besojmë tek suksesi, ëndërrojmë gjëra të mëdha, marrim përgjegjësi për veprimet tona dhe krijojmë perceptimin se jemi mbreti i botës. “Më besoni se atëherë universi do t’jua japë gjithë atë që e keni merituar”, – thotë biznesmeni Kosta Petrov. Ai pohon se ne jemi menaxherë të fatit tonë. Bëhuni ai individi i shquar, i cili do të tregojë se në jetë të gjithë kemi talent të caktuar që e posedojmë me një arsye!

Lexo: TVSH bën rrëmujë në tregtinë e librit

Në rrugën drejt suksesit Petrov thotë se duhen admiruar njerëzit e mëdhenj por nuk duhen t’i shohim si idhuj. “Zbuloni se ç’i bën ata të suksesshëm dhe përpiquni që të merrni mësim nga suksesi i tyre”. Një prej leksioneve më të rëndësishme është ta njohësh frikën brenda teje. A e dini që, sipas shumë hulumtimeve, 78 për qind prej nesh, 8 orë në ditë i kalojmë duke u marrë me frikën që ndiejmë! Sapo të keni edhe dyshimin më të vogël në suksesin tuaj, e gjithë ajo shtëpi do të shembet dhe do t’ju duhet ta ndërtoni çdo gjë nga fillimi. Mes gjërave të çmuara që ndan me ne autori është edhe leximi i mesazheve që na vijnë në përditshmëri dhe lufta që bëjmë me kaosin.

“Në të gjitha situatat universi më ka dërguar mesazhe, mirëpo është fakt se jam unë ai që i kam tërhequr ato gjëra në jetën time. Me energjinë tonë ne tërheqim suksesin dhe kaosin. Në këtë moment, më e rëndësishme është ta shikoni kaosin që keni në jetën tuaj dhe t’i lokalizoni veprimet tuaja që ju kanë sjellë deri te ky kaos. Kur ta bëni këtë, atëherë do ta fitoni forcën me të cilën do të mund ta eliminoni këtë kaos”.

Këto janë vetëm disa prej leksioneve të jetës që na rrëfen një ballkanas i mirë që i kapërcen kufijtë fizikë dhe mendorë të vetes dhe vendit të tij dhe jo një europian, amerikan apo aziatik i ditur. Kjo është një arsye më shumë për ta dëgjuar dhe lexuar Kosta Petrovin.

Nëse do ta lexoni këtë libër, me siguri një ditë do të jeni regjizor më i mirë i jetës tuaj!

Librin e gjeni tek linku KETU

Must watch
Business Mag Nr. #23 - Qershor 2020

Të gjitha planet tuaja për këtë vit, si individë apo sipërmarrës mund të jenë përmbysur. Mbërritja e Coronavirusit në Shqipëri paralizoi gjithçka, ashtu si kudo. Në mënyrë të papritur na vuri në kushte tërësisht të tjera pune, na shtoi pasigurinë e shqetësimin për të ardhmen.

Sipërmarrjet, kryesisht në fushën e IT u përshtatën më shpejt, duke angazhuar punonjësit nga shtëpia. Ato zhvilluan dhe më tej mundësitë për të punuar në distancë, ndërkohë që shumë kompani të tjera u mbyllën plotësisht.

Kjo është një periudhë sprove, për individin, drejtuesit dhe liderin. Kjo është lufta që po zhvillohet në spitale dhe fronti i parë i saj janë mjekë, infermierë e sanitarë. Historia e ekonomisë k a treguar se gjithmonë pas një situatë të vështirë ka një ringritje. Dhe ne besojmë se kështu do të jetë.

Deri atëhërë ajo çka na mbetet të bëjmë është respektimi i rregullave të kërkuara, marrja e përgjegjësive ndaj të tretëve për aq sa mundemi, e të interesohemi për të pamundurit, të ndajmë diçka për ta.

Solidariteti nuk ka munguar e nuk do të na mungojë as kësaj radhe. Ajo çfarë doli në pah krahas solidaritetit ishte varfëria: e shtetit, e kompanive dhe e vetë individëve.

Një ditë pas dërgimit të 30 bluzave të bardha në Itali, The Guardian na vlerësoi në artikullin e saj si zemërgjerë edhe pse Ky numër ishte planifikuar të botohej në Prill 2020, por procesi u shty për shkak të masave të ndërmarra si pasojë e shpërthimit të Covid-19. Edhe pse në kohë vështirësish, jemi …

Shiko më shumë
Na ndiqni në rrjetet sociale