Është ajo kohë e vitit kur bizneset fillojnë njëkohësisht të rrisin shpejtësinë ndërsa ritmi i jetës ngadalësohet gjatë sezonit. E ndërsa ngarkesa e punës mund të jetë zvogëluar, kjo është një periudhë ideale për t’u fokusuar te forcimi i marrëdhënieve aktuale të biznesit dhe te ndërtimi i të rejave. Kjo është periudha perfekte për të “rënë shpatullave” shefit tuaj të ardhshëm, klientit tuaj të rradhës ose të forconi një marrëdhënie me një koleg. T’i shfrytëzoni pushimet me qëllim mund t’ju ndihmojë të nisni një vit të ri “me këmbën e mbarë”.
Njerëzit më të suksesshëm përfitojnë në këtë mënyrë nga sezoni i pushimeve:
1. Krijoni më shumë afrimitet
Kartolinat e pushimeve janë pothuajse gjëra standarde nëpër kompani, por është vërtetë një mënyrë e mirë për t’i treguar dikujt se keni menduar rreth tij/saj. Shkoni një hap më larg dhe personalizoni kartolinat e pushimeve për ata që kanë qenë vendimtarë në suksesin e tuaj. Shpenzoni minuta ekstra, për t’u përshëndetur me ata që do donit të punonit më ngushtësisht vitin e ardhshëm. Nuk përbën lajm po të themi se nëse dëshironi diçka, duhet të punoni për të, dhe kjo gjë përfshin edhe marrëdhëniet tuaja. Nëse ka ndonjë mënyrë të lini një përshtypje që zgjat te dikush, duke i bërë ata të ndihen specialë dhe thjesht duke treguar se keni menduar për ta, kjo i ngroh ata me siguri.
2. Bëjeni ambjentin ‘të ngrohtë’
Festat e pushimeve janë në kulmin e tyre gjatë kësaj periudhe, dhe ndërsa shumë njerëz i shikojnë ato si një mënyrë për të marrë pije falas dhe të largohen më herët nga puna, mos humbni shansin për t’i shtruar rrugën vetes drejt së ardhmes. Të ndërtosh marrëdhënie ka të bëjë me mbajtjen e atyre të vjetrave dhe me ndërtimin e të rejave. Qëllimi juaj duhet të jetë rreth forcimit të marrëdhënieve aktuale të biznesit tuaj, ndërsa u hapni dyert të rejave. Ofrojuni atyre që sapo njihni të marrin nga një pije, krijoni ‘pretekste’ pët t’u futur në biseda, kështu që nuk do të dukeni si ‘budalla’ dhe gjenduni gjithmonë të përgatitur me një kartolinë biznesi në rastin kur biseda shkon më mirë se ç’e prisni.
3. Organizoni një orë koktejli
Një mënyrë fantastike për të rritur marrëdhëniet me të tjerët është të organizoni një event tuajin. Planifikimi i një party harxhon kohë, por të realizoni një orë koktejli në një restorant mund të jetë një mënyrë shumë e mirë për t’u prezantuar me ‘fytyra’ të reja në grupin tuaj. Ftoni shumë njerëz, ata që i njihni mirë dhe ata që keni dëshirë t’i njihni edhe më mirë. Inkurajojini ata të sjellin me vete kolegët dhe miqtë e tyre.
4. Takohuni ballë-për-ballë
Me vitin që po përfundon, oraret tentojnë të jenë pak më fleksibile. Kjo është një kohë shumë e mirë për të rregulluar takimet e kafeve dhe drekave të punës. Ky gjest i vogël mund të bëjë që të lulëzojë ndonjë lidhje e re, ndërsa shërben për t’u rilidhur me miqtë dhe kolegët e vjetër.
5. Kapni telefonin
Në botën tonë dixhitale, ne të gjithë jemi të para-programuar për të qenë aty për të dërguar një email apo mesazh të shpejtë kur duam të kontaktojmë me dikë. Kemi harruar për fuqinë e një telefonate, e cila është vetëm mjet efektiviteti për sa kohë është sfazuar nga tastierat. Është sezoni perfekt për të kapur telefonin, qoftë për të ftuar njerëz, qoftë edhe vetëm për të përshëndetur. Nuk i kontaktoni dot ata? Një mesazh zanor i shkurtër, por i ëmbël, është shumë mirë dhe do t’i dhurojë buzëqeshjen dikujt pa e prituar ai/ajo.
6. Çlironi stresin
Zakonisht anashkalohet ky aspekt, pavarësisht rëndësisë. Me mbledhjet familjare me bollëk, “orët e lumtura” pas punës dhe udhëtimet në krye të programit të ngjeshur, stresi i sezonit ‘troket’ për shumë prej nesh. Prenotoni një masazh për veten tuaj, merrni një fundjavë larg të gjthëve me dikë të dashur për ju. Të qëndroni të qetë dhe jo të stresuar gjatë sezonit festiv do t’ju ndihmojë shumë të jeni efiçientë dhe të suksesshëm, ndërkohë që ju përgatit për një vit të mbarë që troket.
