Si për duhanin e alkoolin, Shqipëria drejt kufizimit të pijeve me gaz

Si për duhanin e alkoolin, Shqipëria drejt kufizimit të pijeve me gaz


Një nismë e kreut të Komsionit Parlamentar të Ekonomisë, pritet të frenojë tregtinë e pijeve të gazuara, duke vënë një kufi për moshën e konsumit.

Pijet e gazuara dhe me përmbajtje të lartë sheqeri pritet t’u nënshtrohen masave të rrepta në tregtinë brenda vendit.

Nisma është bërë e ditur në Komisionin Parlamentar të Ekonomisë dhe Financave, nga kreu i komisionit Erjon Braçe.

Gjatë diskutimit të paketës fiskale, të hënën e kaluar, u vendos të hiqet akciza e pijeve energjike prej 30 lekë për litër. Ajo ishte vendosur tre vite më pare me objektiv frenimin e konsumit të kësaj pije. Por, deputetët e mazhorancës kanë pranuar se akciza nuk e frenoi konsumin, duke theksuar se për këtë dhe produkte të tjera jo të shëndetshme, do të merren masa të tjera frenuese.

Duke iu referuar të dhënave doganore, Braçe ka theksuar se, “si me akcizë si pa akcizë, norma e rritjes së konsumit të pijeve energjike është 20-22% në vit”. Kjo, sipas tij, tregon se pijet energjike janë blerë pavarësisht çmimit. Ndaj, ka theksuar se do të kërkojë ndryshime të tjera ligjore, për të frenuar konsumin e pijeve energjike me gaz e me sheqer të lartë. “Kjo do të thotë që duhet një masë, që do të kufizojë moshën e personave që iu adresohen këtyre pijeve, qofshin pije energjike qofshin pije të gazuara me sheqer mbi normë. Ajo që është bërë për duhanin dhe për alkolin duhet të bëhet edhe për këto pije”, ka theksuar kreu i Komisionit të Ekonomisë.

Duke përmendur kufizimet e konsumit në bazë moshe, Brace nënvizoi se, “ka vende që i blejnë në farmaci këto pije. Unë do të marr përvojën më ekstreme për ta propozuar”.

Që nga viti 2015 nxisim shpirtin sipërmarrës, inovacionin dhe rritjen personale duke ndikuar në zhvillimin e një mjedisi motivues dhe pozitiv tek lexuesit tanë. Kjo punë që e bëjmë me shumë dashuri nuk ka të paguar. Ne jemi platforma e vetme e cila promovon modelin pozitiv të sipërmarrjes së lirë. Përmes kësaj platforme mbështesim edukimin gjatë gjithë jetës si mjet për zhvillimin personal dhe profesional të brezave. Kontributi juaj do të na ndihmojë në vazhdimin e këtij misioni në gjithë trevat shqipfolëse.

Mund të kontribuoni KETU. Falemnderit.

Must watch
Business Mag Nr. #25 - Mars 2021

Kjo periudhë përkon me një vit të plotë në kushte pandemie në vendin tonë, në Europë dhe në mbarë botën. Në një vit ndodhën shumë zhvillime, të paparashkuara ndonjëherë më parë nga ne, duke hedhur poshtë shumë plane apo projekte tonat për rritjen. Por, në këtë kohë sipërmarrje të ndryshme u vunë në lëvizje për të gjetur zgjidhje të reja e për të siguruar mbijetesën.

Në këtë numër të revistës, vijnë zhvillimet përmes gjurmëve që kanë lënë tek industri, sipërmarrje apo individë sipërmarrës.

Pano Soko, ekonomist i njohur flet për efektet e paketave ekonomike të mbështetjes dhe nevojën për paketa ndihme në industritë e prekura.

Rubrika 3X3 i kushtohet industrisë së verërave. Nga intervistat tona me 3 prodhues rezulton se

verërat shqiptare janë të “paralizuara” nga pandemia.

Verërat janë në një trend me turizmin. Brunila Liçaj, profesore dhe eksperte në fushën e turizmit është optimiste për të ardhmen e kësaj fushe.

Në rubrikën e brandeve kemi sjellë, fabrikën e qumështit dhe prodhimeve të bulmetit “Lufra”, ndërsa një brand që po rimëkëmbet nga Kosova është prodhuesi i këpucëve artizanale “Perolli”. Të dy këto brande janë model frymëzimi për njerëzit e punës!

Një pjesë e rëndësishme e revistës i dedikohet konkursit dhe fituesve të Businessmag në …

Shiko më shumë
Na ndiqni në rrjetet sociale
0