Si e përballojnë frikën njerëzit më të suksesshëm? - Business Magazine Albania

Si e përballojnë frikën njerëzit më të suksesshëm?


Ka një dallim kyç ndërmjet njerëzve të cilët vazhdimisht ndërmarrin veprime me rrezik të madh dhe arrijnë gjëra të mëdha dhe të tjerëve të cilët janë gjithmonë duke pyetur veten se si këta njerëz i arrijnë ato.

Përveç punës, fatit, këmbënguljes dhe lidhjeve të duhura që ndihmojnë në suksesin përfundimtar të dikujt, ato nuk janë faktorët më të rëndësishëm. Dallimi kryesor mes atyre që ëndërrojnë dhe arrijnë gjëra të mëdha dhe atyre që vetëm ëndërrojnë, qëndron në atë se si secili grup trajton besimet e tyre të vetë-kufizuara.

Besimet e vetë-kufizuara janë ato mendime që truri juaj mendon gjatë gjithë ditës. Ata mund të marrin forma të ndryshme dhe mund të tingëllojnë si:

“Unë nuk mund të flas kurrë para shumë njerëzve sepse askush nuk do të jetë i interesuar në atë që unë kam për të thënë.”

“Unë nuk mendoj se është e mundur për të operuar një biznes në këtë nivel, në industrinë ku unë jam.”

“Unë nuk kam kohë për të monitoruar njerëzit që punojnë për mua, sepse duhet të drejtoj biznesin.”

“Unë nuk kam kohë për të shkuar në palestër dhe të bëj të gjitha punët e tjera.”

“Njerëzit në karrierë nuk kanë një jetë dhe nuk i shohin kurrë fëmijët e tyre.”

Këto mendime frikësuese ju ndalojnë nga të dhënit më të mirën nga vetja juaj. Të gjithë i kanë ato por njerëzit shumë të suksesshëm kanë zotëruar artin e të injoruarit të tyre. Në fund të fundit, kur asgjë nuk është e pamundur për ju, atëherë gjithçka është e mundur.

Pra, si mund të tejkalohet frika?

Kushtojini vëmendje mendimeve tuaja
Filloni t’i kushtoni vëmendje mendimeve tuaja. Kur ju keni një besim të vetë-kufizuar duhet të ndërgjegjësoheni për të. Pasi ju të filloni t’i kushtoni vëmendje këtyre mendimeve ju do të habiteni se sa shumë keni.

Shtoni: “Po sikur?”
Pasi ju të filloni të vëreni mendimet tuaja të vetë-kufizuara, shtoni “Po sikur?” dhe lejojeni veten për të shqyrtuar mundësinë që ky besim është i gabuar. Çfarë mundësi të re do të hapë kjo për ju dhe si do ju bëjë të ndiheni?

Harrojini dështimet e kaluara
Mos lejoni që dështimet e kaluara t’ju mbajnë larg përpjekjes së diçkaje përsëri. Mos harroni se askush nuk është i përsosur, sidomos për herë të parë. Shikojini dështimet e kaluara si mësime të rëndësishme për të kuptuar se ku doni të shkoni.

Provojini mendimeve tuaja negative që janë gabim
Besoni në veten tuaj dhe në mënyrë të vazhdueshme testojeni veten. Kërkoni gjërat që ju dini për veten, të cilat janë duke ju vetë-kufizuar dhe vini në pikëpyetje vlefshmërinë e tyre. Për shembull, i thashë vetes për dekada të tëra që isha lloji i personit i cili kishte nevojë për 8-10 orë gjumë që të jepte më të mirën.

Por kjo ishte deri në momentin që fillova t’a vendosja alarmin tim në orën 5 çdo mëngjes dhe kuptova se unë mund të ndihem më mirë edhe me 6-7 orë gjumë.

Përdorni “urrejtjen” e të tjerëve si motivim
Një tjetër mënyrë që njerëzit e suksesshëm kapërcejnë bindjet dhe besimet e tyre të vetë-kufizuara është që përdorin reagimet negative e të tjerëve si motivim.

Njerëzit shumë të suksesshëm e kuptojnë se nuk ka ndjenjë më të fuqishme sesa të kuptuarit se i vetmi person që mund të vendosë kufizime mbi veten është vetja juaj.

Burimi: Shkruar nga Jessica Rovello dhe publikuar në inc.com 

Që nga viti 2015 nxisim shpirtin sipërmarrës, inovacionin dhe rritjen personale duke ndikuar në zhvillimin e një mjedisi motivues dhe pozitiv tek lexuesit tanë. Kjo punë që e bëjmë me shumë dashuri nuk ka të paguar. Ne jemi platforma e vetme e cila promovon modelin pozitiv të sipërmarrjes së lirë. Përmes kësaj platforme mbështesim edukimin gjatë gjithë jetës si mjet për zhvillimin personal dhe profesional të brezave. Kontributi juaj do të na ndihmojë në vazhdimin e këtij misioni në gjithë trevat shqipfolëse.

Mund të kontribuoni KETU. Falemnderit.

Must watch
Business Mag Nr. #37 - Prill 2025

Mendo lokalisht, vepro globalisht

Viti 2025 vjen me sfida dhe mundësi të mëdha në sektorë të rëndësishëm të ekonomisë sonë. Turizmi shqiptar po përjeton një rritje të jashtëzakonshme, ku duket se pas një prezantimi mbresëlënës në ITB Berlin, Shqipëria është gati të pozicionohet si një destinacion i rëndësishëm në hartën botërore me një ofertë të larmishme turistike. Paralelisht, tregu i pasurive të paluajtshme po përballet me ndyshime të shumta, ku investimet strategjike dhe zhvillimi i qëndrueshëm janë kyç për suksesin e këtij sektori.
Teknologjia vazhdon të transformojë mënyrën se si jetojmë dhe punojmë. Inteligjenca Artificiale nuk është më thjesht një mjet ndihmës, por një faktor vendimtar që po shkruan rregulla të reja në çdo industri.

Bota përballë sfidës së krijimit të një axhende më humane për Inteligjencën Artificiale – si mund ta vendosim atë në shërbim të njeriut, pa e shndërruar në një rrezik për demokracinë dhe ekonominë globale? Ndërsa jetojmë në një botë që ndryshon vazhdimisht, shohim sesi Fintech është një realitet i padiskutueshëm që po lehtëson ditë pas dite jetën dhe veprimtarinë e bizneseve dhe individëve. Ajo që konfirmojmë me siguri në këtë edicion është sesi bizneset shqiptare po përqafojnë gjithnjë e më shumë një qasje europiane në menaxhim, kulturë, lidership dhe investime, duke u nxitur drejt inovacionit dhe …

Shiko më shumë
Na ndiqni në rrjetet sociale
0